konka coffee
KONKA

AMAKURU

UKWEZI

RDC: Kabila yavuye mu biyamamaza,atanga uwo yifuza ko yazamusimbura

RDC: Kabila yavuye mu biyamamaza,atanga uwo yifuza ko yazamusimbura
8-08-2018 saa 18:27' | By Vincent Nsengiyumva | Yasomwe n'abantu 3377 | Ibitekerezo 1

Kuri uyu wa Gatatu tariki ya 8 Kanama 2018, Perezida wa Repubulika Iharanira Demokarasi ya Congo, Joseph Kabila yakuye urujijo ku banyekongo bibazaga niba aziyamamariza kuyobora indi manda , atanga umukandida w’ishyaka riri ku butegetsi witwa Emmanuel Ramazani Shadary.

Emmanuel Ramazani Shadary w’imyaka 57 ni Umunyamabanga Uhoraho w’ishyaka riri ku butegetsi, PPRD, mu Ukuboza 2016 kugeza muri Gashyantare 2018 akaba yaragizwe Minisitiri w’Intebe wungirije akaba na Minisitiri w’Umutekano wa Repubulika Iharanira Demokarasi ya Congo.

Uyu munsi wari wow a nyuma wo gutangaho Kandidatire ku bifuza kwiyamamariza kuyobora iki gihugu, abanyeCongo n’umuryango mpuzamahanga byari byiteze cyane kumenya niba Perezida Joseph Kabila ishyaka rye ryongera kumutanga nk’umukandida.

Perezida Joseph Kabila wari urangije manda 2, Itegeko Nshinga rya Repubulika Iharanira Demokarasi ya Congo ntiryamwemereraga ko hari indi aziyamamariza kuko rigena 2 gusa.

Perezida Kabila yagiye ku butegetsi kuva muri 2001, ubwo yasimburaga umubyeyi we Laurent-Desire Kabila nyuma y’uko yari apfuye arashwe, urupfu rutigeze ruvugwaho rumwe kugeza magingo aya.

Amakuru y’itangwa ry’uyu mukandida Emmanuel Ramazani Shadary n’ishyakka riri ku butegetsi, yatangajwe ku gicamunsi cyo kuri uyu wa Gatatu n’ Umuvugizi wa Guverinoma Lambert Mende akaba n’umwe mu bagize ihuriro ry’amashyaka ari ku butegetsi (FCC).

Abandi bakandida biteganyijwe ko baziyamamariza kuyobora Congo barimo ni Felix Tshisekedi – umuhungu wa Etienne Tshisekedi, Jean Pierre Bemba wahoze ari Visi Perezida ubu akaba aherutse kurekurwa n’urukiko mpuzamahanga mpanabyaha na Emmanuel Ramazani Shadary watanzwe n’ishyaka riri ku butegetsi.

JPEG - 29.5 kb

Emmanuel Ramazani Shadary asanzwe ari inshuti ikomeye ya Perezida Kabila


INKURU ZA :
Tanga Igitekerezo
Ibitekerezo 1
shumbusho Kuya 8-08-2018

Nisawa kugihuzulu kwasababu Congo
Hanatakiwa uhuru
Ninashukuru muzehe kabila.

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...