konka coffee
KONKA

AMAKURU

UKWEZI

RIB yatangaje ibyo yaganiriye na Ingabire Victoire yari yahamagaje ngo ayitabe

RIB yatangaje ibyo yaganiriye na Ingabire Victoire yari yahamagaje ngo ayitabe
9-10-2018 saa 14:33' | By Chief Editor | Yasomwe n'abantu 10288 | Ibitekerezo 1

Mu gitondo cyo kuri uyu wa Kabiri tariki 9 Ukwakira 2018, Ingabire Victoire Umuhoza yitabye Urwego rw’Igihugu rushinzwe Ubugenzacyaha (RIB) rwari rwamutumije ngo agire ibyo abazwa bijyanye n’ibyo yavuze cyangwa ibyamuvuzweho bishobora kugaragara nk’ibyaha hashingiwe ku biteganywa n’igitabo cy’amategeko ahana ibyaha mu Rwanda.

Nk’uko RIB yabitangaje, Victoire Ingabire yabajijwe iby’uko yaba yiyita imfungwa ya politiki cyangwa n’abandi bakabimwita ndetse na we ubwe akaba yaragiye avuga ko abantu batandukanye bafunzwe ari imfungwa za Politiki. Ubusanzwe mu gitabo cy’amategeko ahana ibyaha mu Rwanda, nta tegeko ribamo rihana umuntu rimuziza gusa gukora politiki.

RIB ivuga ko Ingabire Victoire yavuze ko atari asobanukiwe ko ibyo avuga binyuranyije n’amategeko, aniyemeza ko ubutaha azajya abyitwararika, byakwanga hakazakurikizwa icyo amategeko ateganya. Icyakoze ngo Ingabire Victoire yavuze ko atari we ukoresha konti zose ziri mu mazina ye ku mbuga nkoranyambaga zitandukanye, bivuga ko hari ibyo bashobora gutangaza bikamwitirirwa atari we wabivuze.

Itangazo ryashyizwe hanze na RIB risoza rivuga ko ibiganiro byabaye hagati ya RIB na Ingabire Victoire byabaye mu ituze n’ubwisanzure, akaba yanagaragaje ubushake afite mu kugira uruhare mu iterambere ku kwimakaza amahoro mu Rwanda. Yanavuze kandi ko arimo gushaka uko abana be baba i Burayi bazaza kumusura bakirebera aho u Rwanda rugeze bagasubirayo barubwira n’abandi.


INKURU ZA :
Tanga Igitekerezo
Ibitekerezo 1
gakuba Kuya 9-10-2018

Ngabire ngo ntiyari azi ko ibyo avuga bitemewe na mategeko ubwo yaba a tekereza ate!! ubwo ntiyaba afite ubwenge nkubwigitambambuga none se umuntu usaba urwibutso rwa bahutu, umuntu uvuga ko ukoze, amakosa agahanwa aba abaye umunya politiki umuntu uvuga yafunzwe nta cyaha agafungurwa, adasabye imbabazi kandi haribyo yiyandikiye niwe ubu niwe wahagaze avuga ko atari azi ko amategeko ahana abakwirakwiza amagambo yamacakubiri!! nubutaha, muzumva, yibagiwe avuga ibindi yabyibagiwe nkuko yibagiwe amabaruwa yanditse,

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...