AMAKURU

UKWEZI
ubumwe

Rubavu: Impanuka y’ ikamyo yahitanye umukozi wa RIB

Rubavu: Impanuka y’ ikamyo yahitanye umukozi wa RIB
2-10-2019 saa 15:20' | By Nsanzimana Ernest | Yasomwe n'abantu 3674 | Ibitekerezo 1

Umukozi w’ urwego rw’ igihugu rw’ ubugenzacyaha RIB wakoreraga mu karere ka Rubavu mu murenge wa Gisenyi yagonzwe n’ ikamyo mu gitondo cyo kuri uyu wa 2 Ukwakira 2019 ahita yitaba Imana.

Iyi mpanuka yabereye mu Mudugudu wa Gikarani, Akagari ka Nengo mu Murenge wa Gisenyi.

Vedaste Uwimana, Umunyamabanga Nshingwabikorwa w’ Umurenge wa Gisenyi wageze aho iyi mpanuka yabereye yabwiye UKWEZI ko impanuka ikimara kuba umurambo wa nyakwigendera Mugunga Yves wahise ujyanwa ku bitaro bya Gisenyi.

Yagize ati “Iyo mpanuka yabereye mu murenge wa Gisenyi hafi y’ ibitaro. Nagezeyo aho yabereye. Uriya muntu umwe niwe yahitanye”.

Ababonye iyi mpanuka bavuga ko ikamyo yabuze feri yamanukaga iri inyuma y’ uyu mukozi wa RIB ihita imuca hejuru.

Umuyobozi w’ishami rishinzwe umutekano wo mu muhanda muri Polisi y’u Rwanda Commissioner of Police(CP) Rafiki Mujiji yatangaje ko iyi mpanuka yatewe n’ ikibazo cy’ umwuka kuko amakamyo akoresha feri zikoresha umwuka.

Mbabazi Modeste, umuvugizi w’ urwego rw’ igihugu rw’ ubugenzacyaha RIB yemeje ko nyakwigendera yari umukozi wa RIB.


INKURU ZA :
Tanga Igitekerezo
Ibitekerezo 1
ntakirutimana alfred Kuya 5-10-2019

imana yakire vyve kandi twamukundaga ikindi urwego RIB rwihangane rwabuze umuntu wingirakamaro ndetse nabanyarwanda muri rusange

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...