konka coffee
KONKA

AMAKURU

UKWEZI

Rulindo: Abafite ubumuga basaba uwatorewe kuzabahagararira kwita kuri bagenzi babo bo mu byaro

Rulindo: Abafite ubumuga basaba uwatorewe kuzabahagararira kwita kuri bagenzi babo bo mu byaro
2-09-2018 saa 17:30' | By Jerome Munyentwari | Yasomwe n'abantu 839 | Ibitekerezo

Kuri uyu wa 02 Nzeri 2018 nibwo amatora y’intumwa ya Rubanda ihagarariye abafite ubumuga mu Nteko Ishinga Amategeko yakozwe mu turere twose tw’igihugu. Abatoye bo mu karere ka Rulindo basabye uza kugira amahirwe yo gutorwa ku rwego rw’Igihugu hose, kuzita ku bafite ubumuga baba mu byaro.

Mu karere ka Rulindo amatora yatangiye akerereweho igihe gisaga isaha imwe, kuko yatangiye saa tanu n’iminota 5, mu gihe yagombaga gutangira saa yine z’igitondo nk’uko byari iteganyijwe. Uku gukererwa kwatewe n’uko habayeho gutegereza ko inteko itora ihagera, abayigize bazaga umwe ku wundi hategerezwa ko nibura bagera 2/3 nk’uko itegeko rigenga amatora y’iki cyiciro kihariye ribiteganya.

Kuri iyi Site y’Akarere ka Rulindo, amatora yitabiriwe n’abahuzabikorwa b’Inama y’Igihugu y’a bafite ubumuga bo mu mirenge 17 igize aka karere abahuzabikorwa ku rwego rw’Akarere 7ndetse na babiri bo ku rwego rw’intara.

Hagendewe ku kuba abafite ubumuga bashobora kunanirwa, byabaye ngombwa ko batererwa udutebe, maze bahera ku muntu ufite ubumuga bwihariye, abanza gutora mbere y’abandi.

Bamaze gutora bahise bafunga agasanduku k’itora, bategereza ko bahabwa uruhushya rwo kubarurira amajwi imbere y’inteko yatoye, kugirango itahe izi uwo babashije gutora.

Nyirindekwe Cyprien, ni umuhuzabikowa w’inama y’igihugu y’abantu bafite ubumuga mu murenge wa Ngoma muri aka karere yatangaje ko amatora yabaye neza kandi mu mucyo, aho buri wese yatoye yisanzuye.

Yagize ati “Buri wese yisanzuye, mu bakandida 10 bose twabahawe ku rupapuro rw’itora buri wese yatoye uwamugaragarije imigabo n’imigambi igaragara.Uwo twatoye n’aramuka atsinze turamusaba kwita ku bantu bafite ubumuga baba mu bice by’icyaro.”

Bamwigirire Eugenie, ni umuhuzabikorwa w’inama y’igihugu y’abantu bafite ubumuga bo mu Mu murenge wa Kisaro, nawe yahamije ko amatora yagenze neza ashima umutekano wwaranze aya matora ndetse no bihe byo kwiyamamaza.

Yagize ati “Amatora yagenze neza cyane, nta waduhitiyemo, umutekano wari wose, ubu rero uwo dutoye turamusaba kudukorera ubuvugizi, mu bafite ubumuga bo mu byaro,kuko bamwe batajya bagerwaho n’ibyiza bibateganyirizwa, nk’amashuri, ubuvuzi bwiza n’ibindi.”

Nkunzurwanda Jean de Dieu, umukozi wa Komisiyo y’Igihugu y’Amatora, ukuriye ibikorwa by’amatora mu Karere ka Rulindo, yibukije abaje gutora muri iki cyiciro ko bagomba kuzagira uruhare mu matora rusange yo kuri uyu wa 3 Nzeri 2018.

Abafite ubumuga basabye uzatorwa kubahagararira ko yazita cyane ku batuye mu bice by’icyaro


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...