konka coffee
KONKA

AMAKURU

UKWEZI

Rutsiro :Ipfunwe rituma abakoze Jenoside baterekana aho bataye imibiri y’abo bishe

Rutsiro :Ipfunwe rituma  abakoze Jenoside baterekana aho bataye imibiri y’abo bishe
19-04-2018 saa 12:58' | By Muhizi Olivier | Yasomwe n'abantu 1704 | Ibitekerezo 2

Ubuyobozi bw’Umurenge wa Musasa, mu karere ka Rutsiro ho mu Ntara y’I Burengerazuba buvuga ko ipfunwe ari imwe mu mpamvu zituma kugeza n’uyu munsi bamwe mu bagize uruhare muri Jenoside yakorewe Abatutsi bo muri uyu murenge baterekana aho bataye imibiri y’inzirakarengane zishwe muri Jenoside yakorewe Abatutsi muri Matata 1994.

Kuri uyu wa kabiri tariki 17 Mata 2018 abaturage bo muri aka karere ka Rutsiro umurenge wa Musasa Akagari ka Gabiro babyukiye mu gikorwa cyo gushakisha imibiri y’Abatutsi bajugunywe mu kiyaga cya Kivu ariko nyuma bakabakuramo bakabajugunya mu byobo 2 bari bacukuye ku nkengero z’ikiyaga .

Nyuma y’imyaka 24 Jenoside yakorewe Abatutsi irangiye ,Nzabahimana ni umwe mu bagize uruhare muri Jenoside ndetse akagira uruhare mu kujugunya iyo mibiri muri ibyo byobo nyuma ya Jenoside aho yaje no gukatirwa n’inkikiko Gacaca akaza gukora n’imirimo ifitiye igihugu akamaro (TIG) ubu akaba yarayirangije.

Mu kiganiro yagiranye n’ikinyamakuru Ukwezi.com ubwo bashakishaga iyo mibiri Nzabahimana yavuze ko yari atuye hafi aho ariko atibuka neza aho iyi mibiri y’inzirakarengane yajugunywe.

Yagize ati “Nari ntuye muri uyu mudugudu mbere ya Jenoside rero imibiri yazaga mu mazi imwe bakayishyira mu byobo rwose nange naribagiwe hashize imyaka 24 simpibuka neza ariko ni muri ibi bice ,ariko n’abandi bari bahatuye baza tukibukiranya wenda haboneka ariko twakomeza gushakisha ariko nge narahibagiwe ubu n’ugucyeka cyeka simpibuka neza”

Nzabahimana ahamya neza ko yari ahari bajugunya imibiri muri ibyo byobo ndetse nawe yabigizemo uruhare ariko ngo ntiyibuka aho icyo cyobo kiri neza neza ,

Umunyamabanga Nshingwabikorwa w’Umurenge wa Musasa Ruzindana Ladisras yavuze ko atiyumvisha ukuntu umuntu wari uhari ibyo biba atibuka neza aho babajugunyaga kandi nawe yarabajugunyagamo ahubwo akabona impamvu ataherekana arukuyobya uburari no kutavugisha ukuri

Yagize ati “Niba wari utuye aha mbere ya Jenoside hanyuma ukayoberwa ahantu washyize abantu mirongo niyo yaba umwana umwe muto ntiwakibagirwa aho wamushyize ,impamvu mbona ituma batavugisha ukuri harimo ipfunwe batewe n’ibyo bakoze kwica umuturanyi wawe mwari muturanye kandi mwari mubanye neza ikindi n’ukwirega bike kubyo wakoze muri Jenoside ndetse no kuyobya uburari “.

Abarokotse Jenoside yakorewe Abatutsi muri aka kagari ka Gabiro bahamya ko kuba abagize uruhare muri Jenoside baterekana aho bashyize imibiri y’abo bishe bikomeza kubakomeretsa no kubashengura . Nzabahimana avuga ko atibuka aho bajugunye inzirakarengane z’abatutsi zishwe muri uyu murenge mu gihe cya Jenoside yakorewe Abatutsi muri Mata 1994 Mu myaka 24 yose ishize muri uyu murenge baracyashakisha imibiri y’inzirakarengane yajugunywe mu byobo, gusa abagizemo uruhare ntibarabohoka ngo berekene aho babajugunye


INKURU ZA :
Tanga Igitekerezo
Ibitekerezo 2
olivier Kuya 21-04-2018

Ndasubiza BB.Ingengabitekerezo iruta iyo, ni iyihe?Umwise igisimba.Ni uko abo bitaga abandi inyenzi. Ubumwe n’ubwiyunjye buzagerwaho ryari?Ayo magambo arategura ibindi bibi. Birababaje.Uyu muturage birashoboka ko atibuka koko aho bajugunye imirambo yabo bishwe, imyaka ni myinshi, yanyuze mu bintu byinshi, yarafunzwe, yarakubiswe, nawe ashobora kuba afite ihahamuka,kuba atibuka neza aho bayijugunye birashoboka pe. Imana itabare.

bb Kuya 20-04-2018

murebe uko biba bisa gusa ese mwagiraga ngo mugihugu hazasigaremo abasa nkamwe gusa?ninde wari kuzakigeramo?mwarabishe ariko ntibashize havitse abandi benshi nababaga mu mahanga twaratashye mwa bisimba mwe!!!!

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...