konka coffee
KONKA

AMAKURU

UKWEZI

Rwamagana:Umuzungu yirukankanye abana b’abakobwa bambaye ubusa, abaturage baratabaza

Rwamagana:Umuzungu yirukankanye abana b’abakobwa bambaye ubusa, abaturage baratabaza
5-05-2018 saa 18:55' | By Akayezu Jean de Dieu | Yasomwe n'abantu 12560 | Ibitekerezo 15

Abaturage batuye mu mudugudu wa Bwiza, akagari ka Nyabisindu, Umurenge wa Musha, akarere ka Rwamagana mu Ntara y’Uburasirazuba, baratabaza nyuma y’uko inzego z’ibanze zikomeje kurebera ibikorwa bavuga ko ari ukubahutaza bakorerwa n’umuzungu baturanye witwa Philippe Opperman aho ngo yonesha imyaka yabo ndetse ngo aherutse kwirukankana abana b’abakobwa ku gasozi bambaye ubusa ngo hari n’abana yateye amabuye akoresheje itopita ariko kubw’amahirwe ntiyagira uwo akomeretsa.

Philippe Opperman ni umuzungu bivugwa ko akomoka muri Afurika y’Epfo akaba akorera ibikorwa by’ubworozi bw’amafi n’ingurube mu nkengero z’ikiyaga cya Muhazi, ariko abaturiye aho uyu muzungu akorera ibi bikorwa ari naho atuye baratabaza bavuga ko ababanira nabi cyane ndetse bagerageza no kubibwira ubuyobozi bw’ibanze bukabarangarana ntibubarenganure.

Abaturanyi b’uyu muzungu bavuga ko ababanira nabi, akaboneshereza imyaka ntabishyure, agakorera urugomo abana babo bajya kuvoma no koga ku kiyaga cya Muhazi maze akabashumuriza imbwa akabambura ibivomesho n’imyenda yabo akabirukankana bagataha bambaye ubusa.

Ibyo kwirukankana abana bambaye ubusa biri mu byashenguye aba baturage barimo n’umubyeyi w’abana batatu waganiriye na Ukwezi.com avuga ko umukobwa we w’imyaka 15 yigeze kujya kuvoma nyina agiye kubona abona umukobwa azamutse yiruka yambaye ubusa.

Hari umwe muri aba baturage utarashatse ko imyirondoro ye ijya mu itangazamakuru wabwiye Ukwezi.com ko uyu muzungu yigeze kwirukankana abana be babiri b’abahunmgu maze abambura ibivomesho abijugunya hejuru y’inzu ye. Nyuma ngo uyu mugabo yagiye kuri uyu muzungu amusaba imbabazi anakubitira abana be imbere y’umuzungu abona ku musubiza ibivomesho.

Hari n’undi uvuga ko yakoreye uyu muzungu nyuma aza kumwirukana amasezerano bagiranye atarangiye agerageje kujyana ikibazo cye mu buyobozi burabakiza umuzungu ahava yemeye kumwishyura ibyari bikubiye mu masezerano ariko ngo kugeza n’uyu munsi imyaka ishize ari ibiri umuturage atarishyurwa Philippe Opperman ufite inkomoko muri Afurika y’Epfo aravugwaho kubanira nabi abanyarwanda baturanye nawe muri Rwamagana

Uyu muzungu bivugwa ko ubuyobozi bumukingira ikibaba ku buryo umuturage wese ugerageje kugaragaza akarengane yakorewe n’uyu muzungu acecekeshwa n’ubuyobozi bw’ibanze bufatanyije n’inzego z’umutekano muri aka gace.

Mu bivugwa n’aba baturage bemeza ko impamvu abayobozi b’ibanze badakemura ibibazo bagirana n’uyu muzungu ngo ni uko umunyamabanga Nshingwabikorwa w’Akagari ka Nyabisindu ashobora kuba akingira ikibaba uyu muzungu kuko bafitanye ubucuti bwihariye.

Umunyamabanga Nshingwabikorwa w’Umurenge wa Musha, Umuhoza Theogene aherutse kubwira Ukwezi.com ko bivugwa koko ko atabanye neza n’abaturage ariko akanavuga ko ibi bivugwa n’abaturage bitarabageraho nk’ubuyobozi ngo babikemure ariko ahamya ko hari umugabo umwe uyu muzungu yigeze gukoresha amwirukana amasezerano y’akazi atarangiye, ubuyobozi bumusabye ko yamwishyura ntiyamwishyura hitabazwa umukozi ushinzwe imirimo mu karere.

Icyo kuba uyu muzungu yarirukankanye abana b’abangavu bambaye ubusa yagize ati “Ku kijyanye n’abana bato b’abakobwa bari mu myaka nka 13, 12 aho ngaho bari bavanze, atuye kuri Muhazi uwo mugabo bari bagiye kuvoma bakubagana nk’abana akajya abatera amabuye aho hantu yororeye amafi, azana imbwa arabakanga ariko ngo ntiyasohoka mu rupangu”

Yakomeje agira ati “Abana bagize ubwoba barirukanka bata imyenda yabo n’ibivomesho barataha kubera gutinya imbwa n’uwo mugabo wari uri aho ngaho, noneho birangije imyenda yabo habaye ikosa pe, imyenda bayita mu mazi n’ibivomesho byatawe mu mazi n’uwo muzungu n’umugore we tuza kubimenya haciyeho nk’ukwezi tubibwiye n’ushinzwe inkeragutabara mu murenge abitubwiriye mu nama y’umutekano biba ngombwa ko mu nteko y’abaturage dutumiza wa muzungu yohereje umugore we araza abisabira imbabazi yemera no kwishyura iyo myenda n’ibivomesho”

Uyu muzungu kandi aherutse gushaka kwivugana abashyitsi b’abanyarwanda bari bamusuye nyuma bakaza kugirana ikibazo agafata icyuma ashaka kukibatemesha bakwiruka akamenagura ibirahure by’imodoka yabo akanayipfumura amapine akoresheje icyuma.


INKURU ZA :
Tanga Igitekerezo
Ibitekerezo 15
Laetitia Kuya 7-05-2018

abanyarwanda nibarenganurwe uyu muzungu afite ingengabitekerezo ya apartheid.

bimawuwa Kuya 6-05-2018

Ibi byose nukutamenya gu controling our board kubera visa free kandi ukayibonera aho ugeze ku kibuga cyi ndege abinira ntumenya abaribo wenda nabantu bafite bad criminal record baza bakihisha mu gihugu gianga visa free kuri buri muturage, ndasaba ko reta yakongera ikareba icyo kibazo neza cya visa free ugashirahoamategeko yabantu bemerewe kubona visa free atari uko tuzikanga mu gihugu harimo aba criminal bennshi cyane baje kwihisha mu gihugu cyacu.

Olivier Kuya 6-05-2018

Uwo muzungu se nizihe nyungu byibuza tumutezemo cyane kugira ngo abuze Abaturage amahoro bigeza ho?
Njye n’umva bamukosora rwose akareka.

Teta Kuya 6-05-2018

Ariko se abo bana kuki bajya kuvoma bakikuramo imyenda? Iyi nkuru ntaho bavugamo ko yabafashe abakuramo imyenda!!? Ikibazo kiganwe ubushishozi, ushobora gusanga abaturanyi be nabo batamubaniye neza bitwaje ko ari umunyamahanga!!! Twibuke ko mu Rwanda dufite free movement of people. Ikindi, iyo mishinga akora siwe iteza imbere yonyine!!!

Rwerekana Kuya 6-05-2018

Nyamara murabura gukemura ibibazo kare hanyuma ejo nihavuka ikibazo muzavuge ngo abantu ntibatangiye amakuru kugihe. Obwose mwibagiwe ko yatutse babashyitsi ngo ninjyjyera z’abirabura? icyo sigitutsi kirimo n’ivangura rishingiye kuruhu? nimukomeze murebere ubwo mwagiye mukamwihaniza koko

Rong turn Kuya 6-05-2018

Uwo muswa yitonde bavandi

Claude Kuya 6-05-2018

Kandi ubu nagira umwana atera ibuye akamwica,bazavuga ngo ntabwo amakuru yatangiwe igihe,cg inzego zibanze zimutinya kubera ICYONGEREZA/IGIFARANSA kinshikinshi !!!!!!!!!!

sogokuru Kuya 6-05-2018

nonese uwomuzungu niba nakoserezwa kuki yihanira kandi agatanga ibihano bitemewe. kwirukansabana banbayubusa gushumurizimbwa nkabyabindi bakoraga abirabura bo muri SA. noneho abaturage nabo bazamugabeho igitero bihanire turebeko bose batarara muri gereza

Kamina Kuya 6-05-2018

Apartheid se yaba yarageze mu Rwanda.Nibamuhambirize asubire iwabo ariko banashishoze barebe uruhare rw’abaturanyi be niba nawe batamwingiriza ibikorwa bye!

Anastase Kuya 6-05-2018

Bjr arikombona nubundi abanyamahanga aribobaha agaciro kuruta abenengihugu ahandi ukuntu bahagaciro abenengihugu

Anastase Kuya 6-05-2018

Bjr arikombona nubundi abanyamahanga aribobaha agaciro kuruta abenengihugu ahandi ukuntu bahagaciro abenengihugu

KIKI Kuya 5-05-2018

uyumuvunamuheto siwawundi uherutse gutobora imodoka yabntu baribamusuye sha ejo nzahogera ndebe kizibeshye ruriya rutwe ndwahuranyemo ibale

Lilian Kuya 5-05-2018

Ndumva ubuyobozi bwakurikirana neza iki kibazo kuko ikigaragara hari ubugome bubyihishe inyuma ndetse no kudaha agaciro abanyarwanda.
ko numva se byose asaba imbabazi arko ejo akongera agakora amabi.

ZOZO Kuya 5-05-2018

ARKO UWOMUGINGA MUMWOROYEMO IBIKI MUMWIHANANGIRIZE HAZAGIRE UBIKORA IWABO AREBE

Nina Kuya 5-05-2018

Jye ndumva rero abo bana icyo bapfa n’umuzungu ari uko bashobora kuba bavoma ahari amafi ye. Akaba abona bamwangiriza. Naho iby’abashtitsi nta wabyinjiramo, cyane ko umushtitsi aba aziranye nuwo yasuye, nkaba numva byahabwa agaciro iyo abashyitsi aribo bivugiye ko bahohotewe.

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...