konka coffee
KONKA

AMAKURU

UKWEZI

Rwezamenyo : Urugaga rw’abagore ba FPR bahize kuzatora abakandida b’umuryango 100%

  Rwezamenyo : Urugaga rw’abagore ba FPR bahize kuzatora abakandida b’umuryango 100%
19-08-2018 saa 18:08' | By Vincent Nsengiyumva | Yasomwe n'abantu 1008 | Ibitekerezo

Abagore bagize urugaga rushamikiye ku muryango wa FPR Inkotanyi mu murenge wa Rwezamenyo mu Karere ka Nyarugenge, bamuritse uburyo besheje imihigo bahize umwaka ushize, banahiga iy’umwaka utaha. Muri iki gikorwa banaboneyeho kugaragaza uko biteguye amatora y’Abadepite biyemeza ko bazatora abakandida b’umuryango 100%.

Ibi abagore bagize urugaga rushamikiye ku muryango wa FPR Inkotanyi mu murenge wa Rwezamenyo babigaragaje Inteko rusange bahuriramo buri myaka ibiri, bagiye gusuzuma niba ibyo biyemeje byaragezweho uko bikwiye.

Muri iyi nteko rusange, abanyamuryango bagaragaje ko imihigo y’umwaka ushize bayigezeho ku kigereranyo cya 98 % bafata ingamba z’uko 2 gasigaye nako kazagerwaho ubwo bazaba bahigura iy’umwaka utaha.

Uhagarariye urugaga rw’abagore rushamikiye ku muryango wa FPR Inkotanyi mu murenge wa Rwezamenyo Madamu Turayishima Flora yavuze ko ibyo bagezeho byose babifashijwemo no gusenyera umugozi umwe .

Yavuze ko iyi nteko iterana bagamije kureba imihigo bahize uko bayesheje hanyuma bakaboneraho no kongera guhiga iy’umwaka uzakurikira.

Turayishima Flora avuga ko basanze baresheje imihigo bari barahize ku kigereranyo cya 98%.

Yagize ati “Imihigo twari twarahize twayesheje ku kigereranyo cya 98% kuko byinshi mu byo twari twarahize twabigezeho, cyane cyane kuvana umugore ku kigereranyo cyo hasi.Turacyakorera ubuvugizi abadafite ubushobozi, turwanya ihohoterwa, turwanya ibiyobyabwenge tubikorera uburere bw’abana.”

Yanavuze ko iyi nteko yaje mu gihe cyiza ngo kuko yabaaye umwanya wo kuganira ku gikorwa cyo gutora Abadepite kizaba mu ntangiriro z’ukwezi gutaha.

Yagize ati “ Iyi nteko rusange yabaye umwanya mwiza wo kuganira ku matora y’Abadepite no gushishikariza abagore kuzitabira amatora tukanabakangurira uruhare rwabo ari ingenzi by’umwihariko ku bakandida ba RPF Inkotanyi.”

Chairperson w’umuryango RPF Inkotanyi mu murenge wa Rwezamenyo Ntezirembo Valens yashimiye abagize uru rugaga kubw’ubufatanye bafite, abasaba kuzakomeza kurangwa n’umuhate bagira mu guteza imbere umurenge wabo n’igihugu muri rusange.

Yavuze ko ibikorwa abagore bibumbiye mu rugaga rushamikiye mu muryango FPR Inkotanyi bagiye bagiramo uruhare byahesheje umurenge wa Rwezamenyo ishema biwugira uwa mbere mu mujyi wa Kigali.

Ati"Mwagaragaje byinshi abagore mwagizemo uruhare kandi nibyo byatumye umurenge wacu uza ku mwanya wa mbere. Bigaragara ko kubigeraho ari uko habayeho guhuza imbaraga abaturage b’umurenge bose bagafatanya. “

Yibukije abagore bari muri uru rugaga ko badakwiye kwirara ,bagakomeza gushyira imbaraga mu bikorwa biteza imbere imibereho myiza y’abanyarwanda by’umwihariko abo mu murenge wa Rwezamenyo.

Umushyitsi mukuru wari muri uyu muhango yari Hon. Edda Mukabagwiza uri mu bakandida batanzwe na FPR Inkotanyi bari kwiyamamariza kujya mu Nteko Ishinga Amategeko.

Hon. Edda Mukabagwiza yashimiye ibikorwa by’urugaga rw’abagore rushamikiye ku muryango wa FPR Inkotanyi bo mu murenge wa Rwezamenyo birimo kuremera abatishoboye babatangira mituweli.

Yabasabye ko mu rwego rwo gukomeza kwesa imihigo bagomba gushaka uburyo bwo kwiteza imbere mu bukungu babifashijwemo no gusenyera umugozi umwe.

Yabahaye urugero rwa gahunda y’igiceri cyamaze guteza imbere bamwe mu bagore bo mu bice bitandukanye mu gihugu, abasaba ko nabo bashyira hamwe bagashyiraho konte bakajya bizigamira igiceri.

Aba bagore bagize urugaga rushamikiye ku muryango wa FPR Inkotanyi mu murenge wa Rwezamenyo baremeye imiryango 12 itishoboye bayitangira ubwishingizi bwo kwivuza (Mituweli) .

Uhagarariye urugaga rw’abagore rushamikiye ku muryango wa FPR Inkotanyi mu murenge wa Rwezamenyo Madamu Turayishima Flora

Edda Mukabagwiza uri mu bakandida-Depite ba FPR Inkotanyi ari kumwe na Chairperson w’umuryango RPF Inkotanyi mu murenge wa Rwezamenyo Ntezirembo Valens

Abagize urugaga bitabiriye inteko rusange


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
  • uwayo https://umuseke.rw/amp/turarakaye-twabuze-epfo-na-ruguru-abagore-babwira-paapa.html

    ">nsubize#Igiraneza https://umuseke.rw/amp/turarakaye-twabuze-epfo-na-ruguru-abagore-babwira-paap
  • IZINDI NKURU WASOMA
    Loading...