konka coffee
KONKA

AMAKURU

UKWEZI

Sano James wahoze ayobora WASAC yagizwe umwere n’urukiko

Sano James wahoze ayobora WASAC yagizwe umwere n’urukiko
14-06-2018 saa 20:54' | By Akayezu Jean de Dieu | Yasomwe n'abantu 1539 | Ibitekerezo 3

Urukiko Rwisumbuye rwa Nyarugenge rwagize umwere Sano James wayoboraga Ikigo gishinzwe amazi isuku n’isukura (WASAC) wari ukurikiranweho ibyaha byo gukoresha nabi umutungo ufitiye rubanda inyungu no gutanga amasoko ya leta mu buryo bunyuranyije n’amategeko. Iyi ni inshuro ya kabiri uyu mugabo agirwa umwere nyuma y’uko Ubushinjacyaha bwari bwarajuririye urukiko.

Ku wa 29 Ukuboza 2017, nibwo uyu mugabo yagizwe umwere n’Urukiko rw’Ibanze rwa Nyarugenge ari nabwo Ubushinjacyaha bwahise bujuririra uyu mwanzuro mu rukiko rwisumbuye rwa Nyarugenge ari narwo rwongeye kumugira umwere.

Kuri uyu wa Kane tariki 14 Kamena 2018, nibwo urukiko Rwisumbuye rwa Nyarugenge rwagize umwere Sano James nyuma yo gusanga nta bimenyetso bimuhamya ibyaya yashinjwaga.

Tariki 02 Nzeri 2017, nibwo mu biro bya Minisitiri w’Intebe y’u Rwanda hasohotse itangazo ryari ryasinyweho n’Umukuru w’igihugu ryavugaga ko Sano James wayoboraga ikigo cy’amazi, isuku n’isukura WASAC yakuwe kuri iyo mirimo ndetse ahita asimbuzwa undi.

Icyo gihe akivanwa ku buyobozi yahise atabwa muri yombi na Polisi y’Igihugu itangira kumukoraho iperereza ku byaha bibiri yari akurikiranweho birimo gukoresha nabi umutungo ufitiye rubanda inyungu no gutanga amasoko ya leta mu buryo bunyuranyije n’amategeko.

Sano James watangiye kuyobora WASAC muri 2014 akaza gutabwa muri yombi umwaka ushize kuri ubu yaburanaga afungiye muri Gereza ya Nyarugenge iherereye mu Murenge wa Mageragere . kuri ubu akaba yabaye umwere ahita ahanagurwaho ibyaha byose yashinjwaga


INKURU ZA :
Tanga Igitekerezo
Ibitekerezo 3
Jali Kuya 16-06-2018

Ubwo se yaburanaga ari Mageragere kandi yari yaragizwe umwere mu mpera z’umwaka ushize? Aho muhakosore kuko sibyo.
Naho ubundi Sano n’ubundi yari umwere tugikubita.
Gusa turashima ko dufite inzego zikora, ubutabera bukaba bwarakoze akazi kabwo.

john Kuya 15-06-2018

nta gishya kuko gufunga umuntu ufite amafaranga biragora kd ni nkiko zacu tuzi uko zikora

Rodolf Kuya 15-06-2018

umutimanama wumuntu niwo mucamanza we kandi habineza cg inabi ukoze ku isi uyisanga imbere

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...