AMAKURU

UKWEZI
ubumwe

Senateri Nkusi Juvenal yatorewe kuyobora Komisiyo y’ ubukungu n’ imari, uko amatora y’ amakomisiyo yagenze

Senateri Nkusi Juvenal yatorewe kuyobora Komisiyo y’ ubukungu n’ imari, uko amatora y’ amakomisiyo yagenze
30-10-2019 saa 11:24' | By Nsanzimana Ernest | Yasomwe n'abantu 1167 | Ibitekerezo

Abasenateri baherutse kurahirira imbere ya Perezida Kagame kuri uyu wa 30 Ukwakira 2019 batangiye imirimo yabo babanza kwitoramo abayobozi b’ amakomisiyo.

Senateri Juvenal Nkusi wamenyekanye cyane ubwo yayoboraga Komisiyo y’ abadepite ishinzwe gukurikirana imikoreshereze y’ umutungo wa Leta(PAC) yatorewe kuba Perezida wa Komisiyo y’ ubukungu n’ imari.

Muri sena y’ u Rwanda habamo komisiyo enye zihoraho na Komite igenzura Imikorere ya Sena,Imyitwarire,Imyifatire n’Ubudahangarwa by’Abasenateri.

Sena muri rusange ifite komisiyo zihoraho 4 ari zo Komisiyo ya Politiki n’Imiyoborere, Komisiyo y’Iterambere ry’Ubukungu n’Imari, Komisiyo y’Imibereho y’Abaturage n’Uburenganzira bwa Muntu na Komisiyo y’Ububanyi n’Amahanga, Ubutwererane.

Perezida wa Sena, Dr Iyamurenye Augustin niwe watangije imirimo y’Inteko Rusange yari iteranye bwa mbere kuva barahira tariki 17 Ukwakira 2019.

Dr Iyamuremye yabwiye abasenateri ko igikorwa kirabanza ari ugutora abayobozi b’ amakomisiyo. Maze Visi Perezida wa Sena y’ u Rwanda Esperance Nyirasafari abwira abasenateri amategeko agenga aya matora.

Senateri Dushimimana Lambert niwe watorewe kuba Perezida wa Komisiyo ya Politiki n’imiyoborere ku majwi 100% kuko yatowe n’abasenateri bose uko ari 26, Murangwa Ndangiza Hadidja atorerwa kuba Visi Perezida w’iyi komisiyo na we ku majwi 26.

Komisiyo ya Politiki n’Imiyoborere igizwe na Dushimimana Lambert, Visi Perezida, Hon. Murangwa Hadidja. Abasenateri bandi b’iyi Komisiyo ni Karangwa Chrysologue, Nsengiyumva Fulgence, Ntidendereza William na Uwera Pélagie.

Komisiyo y’Iterambere ry’Ubukungu n’Imari igizwe na Perezida, Nkusi Juvénal na Visi Perezida, Hon. Uwimana Consolée. Abandi bayigize ni Kalimba Zephyrin, Mupenzi George, Nkurunziza Innocent na Nyinawamwiza Laëtitia.

Komisiyo y’Ububanyi n’Amahanga, Ubutwererane igizwe na Perezida, Bideri John Bonds na Visi Perezida Mukakalisa Jean d’Arc. Abandi bo muri Komisiyo ni Kanyarukiga Ephrem, Nyagahura Marguerite na Uyisenga Charles.

Komisiyo y’Imibereho y’Abaturage n’Uburenganzira bwa Muntu igizwe na Perezida Umuhire Adrie na Visi Perezida Habineza Faustin. Abandi basenateri bayigize ni Habiyakare François, Havugimana Emmanuel, Mureshyankwano Marie Rose na Niyomugabo Cyprien.

Senateri Karangwa Chrysologue yatorewe kuba Perezida wa Komite igenzura Imikorere ya Sena, Imyitwarire, Imyifatire n’Ubudahangarwa by’Abasenateri, Visi Perezida wayo ni Uwera Pélagie. Abandi ni Havugimana Emmanuel, Mupenzi George na Mureshyankwano Marie Rose.


Perezida wa Sena Dr Iyamuremye Augustin


Visi Perezida wa Sena Nyirasafari Esperance


Perezida wa Komisiyo ya Politiki n’Imiyoborere senateri Dushimimana Lambert

Visi Perezida wa Komisiyo ya Politiki n’Imiyoborere Murangwa Hadidja


Perezida wa Komisiyo y’Iterambere ry’Ubukungu n’Imari senateri Juvenal Nkusi


Visi Perezida wa Komisiyo y’Iterambere ry’Ubukungu n’Imari senateri Uwimana Consolée

Perezida wa Komisiyo y’Ububanyi n’Amahanga, Ubutwererane, Bideri John Bonds

Visi Perezida wa Komisiyo y’Ububanyi n’Amahanga, Ubutwererane, Mukakalisa Jean d’Arc


Perezida wa Komisiyo y’Imibereho y’Abaturage n’Uburenganzira bwa Muntu, Umuhire Adrie


Visi Perezida, Komisiyo y’Imibereho y’Abaturage n’Uburenganzira bwa Muntu, Habineza Faustin


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...