AMAKURU

UKWEZI
Canal+ christmax

Sergeant Major Robert wateye utwatsi ibyo gusambanya umwana yasabye ubuhungiro muri Uganda

Sergeant Major Robert wateye utwatsi ibyo gusambanya umwana yasabye ubuhungiro muri Uganda
25-11-2020 saa 18:20' | By UKWEZI | Yasomwe n'abantu 4928 | Ibitekerezo 2

Umuhanzi akaba n’umusikare ufite ipeti rya Sergeant Major [Robert Kabera], ariko wamenyekanye cyane nka Sergeant Robert, kuri ubu uri kubarizwa muri Uganda aho avuga ko yahungiye yahakanye ibyatangajwe n’Ingabo z’u Rwanda zavuze ko akurikiranyweho gusambanya umwana.

Ingabo z’u Rwanda zatangaje ku wa ko Ubushinjacyaha bwa Gisirikare buri gushakisha uyu muhanzi bumukirikiranyeho icyaha cyo gusambanya umwana w’umukobwa utarageza imyaka y’ubukure aho byavuzwe ko ashobora kuba ari umwana we.

Nk’uko byatangajwe n’Ubuyobozi bw’Ingabo z’u Rwanda bubinyujije ku rubuga rwa Minisiteri y’Ingabo, ibi ngo byabereye mu murenge wa Ndera mu karere ka Gasabo kuwa Gatandatu tariki 21 Ugushyingo 2020.

Sergeant Robert yahakanye aya makuru yavuzwe y’uko yasambanyije umwana ahubwo ashimangira ko yavuye mu Rwanda ahunze kubera ko yatotejwe ari nayo mpamvu ari gusaba ubuhungiro muri Uganda.

Mu kiganiro yagiranye na Dial Monitor kuri uyu wa Gatatu, Sergeant Robert yavuze ko yageze muri Uganda ku wa 19 Ugushyingo 2020, aho yageze atorotse u Rwanda ahunze abamutoteza kubera ko avugana n’abo mu muryango wa Gen Fred Gisa Rwigema.

Yagize ati “Ndi muri Uganda nshaka uko mpunga abampiga bashaka guhitana ubuzima bwanjye. Igihugu cyanjye ntigishaka umuntu uvugana n’abo mu muryango wa Rwigema kandi njye mfitanye nabo isano.”

Uyu musirikare yavuze ko bitashoboka ko yaba yarafashe umwana ku ngufu ku wa 21 Ugushyingo nk’uko byatangajwe kuko icyo gihe yari yaramaze kugera muri Uganda.

Sergeant Major Robert azwi mu ndirimbo nyinshi yakoranye n’itsinda ‘Army Jazz Band’ ry’abasirikare baririmba indirimbo zivuga ubutwari bw’ingabo z’u Rwanda.

Yanamenyekanye mu zindi zitandukanye zivuga ubutumwa busanzwe zirimo n’ihimbaza Imana yakunzwe mu myaka yashize yitwa Impanda.

N’ubwo ubu afite ipeti rya Sergeant Major, abantu bakomeje kumwita Sergeant Robert kuko ari ryo zina yamamayeho, bijyanye n’ipeti yari afite icyo gihe, ugiye kumuvuga wese akabanzaho ipeti bigera aho bamwe babifata nk’aho Sergeant ari akazina ke bwite.


INKURU ZA :
Tanga Igitekerezo
Ibitekerezo 2
vestine Kuya 29-11-2020

Harahagazwe .

Bimawuwa Kuya 27-11-2020

ubundi se mwumva ko yari kwemera icyaha aregwa asaba ubuhingiro azineza ko na koresha iyo turufu uganda izamwumva cyane. ntaho byo kuvuga ngo avugana nu muryango wa rwigema ndizerako nimba bafitanye isano bavuganye kuva kera rero nimba aricyo kibazo barikuba barabimuhaniye kuva kera ntabwo yatangiye kuvgana nabo cuba mugihe avuga ko bafitanye isano nimba ataravugana nabo kuva mbere ahubwo nicyo bashobora kumuhanira ko yarabariye.

canal Rwanda
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA