konka coffee
KONKA

AMAKURU

UKWEZI

Tariki 12 Mata 1994, Umunsi Abatutsi basaga 5000 biciwe muri Paruwasi ya Mukarange

Tariki 12 Mata 1994, Umunsi Abatutsi basaga 5000 biciwe muri Paruwasi ya Mukarange
12-04-2018 saa 09:02' | By Akayezu Jean de Dieu | Yasomwe n'abantu 930 | Ibitekerezo 2

Muri ibi bihe u Rwanda n’Abanyarwanda bari mu cyumweru cyahariwe kwibuka ku nshuro ya 24 Jenoside yakorewe Abatutsi muri Mata 1994, by’umwihariko ku itariki ya 12 Mata 1994, umunsi wabayeho ubwicanyi ndengakamere kuri Paruwasi ya Mukarange iherereye mu karere ka Kayonza aho abantu barenga ibihumbi bitanu bishwe umunsi umwe.

Ku munsi nk’uyu muri 1994, Abatutsi bari bahungiye kuri Kiliziya ya Kabarondo n’iya Mukarange zombi zo mu karere ka Kayonza barishwe aho muri Paruwasi ya Mukarange yo muri Kayonza hiswe abatutsi basaba 5000.

Hishwe kandi abatutsi benshi mu kigo Iwacu Kabusunzu n’i Mageragere ku biro bya Komine Butamwa. Hanishwe kandi Abatutsi bari bahungiye kuri Centre ya Birembo muri Bumbogo

Muri bimwe mu byaranze itariki ya 12 Mata 1994, Abatutsi barenga 6,000 bari bahungiye kuri Paruwasi ya Musha bishwe n’Interahamwe zifatanyije n’abasirikare ba Leta.

Interahamwe zakomeje kwica Abatutsi muri Gisenyi, Cyangugu, Butare no mu Mujyi wa Kigali.

Abatutsi kandi biciwe mu Kigo Iwacu ku Kabusunzu muri Nyakabanda na Mageragere, ahari ku biro bya Komini Butamwa, ubu ni mu Murenge wa Mageragere.
Abatutsi biciwe ahitwa Gisizi na Gasamba kuri Nyabarongo mu yahoze ari Komini Kayenzi ubu akaba ari mu Karere ka Kamonyi.

Abari bahungiye ku ishuri ribanza rya Kagirwamana muri Bumbogo nabo icyo gihe barishwe.

Abasirikare n’Interahamwe bishe abatutsi bari bahungiye kuri Centre de Sante ya Jali, ubu ni mu Murenge wa Jali. Bari bizeye ko abasirikare babarindira umutekano, kuko hari hegereye ikigo cya gisirikare. Babica bavuga ngo bagire vuba kuko Ingabo za FPR-Inkotanyi zari zigeze Kabuye.

Abatutsi bari bahungiye kuri Centre ya Birembo muri Bumbogo nabo niwo munsi bishwe. Abari bahungiye i Kayenzi ku rusengero rw’Itorero ADPR mu Karere ka Bugesera barishwe bose.

Hagati y’itariki 12-13 Mata 1994, Abatutsi bo ku Muyumbu (ubu ni mu Karere ka Rwamagana) cyane cyane abari bahungiye kwa Rutabubura, barishwe bose.
Muri komini Bicumbi yari iherereye ku birometero 20 uturutse mu Mujyi wa Kigali Interahamwe zishe abatutsi barenga 350.

Hishwe Abatutsi muri Gihundwe (Shagasha, Bisanganira) muri Perefegitura ya Cyangugu, ubu ni mu Karere ka Rusizi, biciwe ku rusengero rwa ADEPR.
Hishwe abari i Nyakabuye mu Kagali ka Kamanu mu Mudugudu wa Nyakaga bicirwa ahitwa Nyakagoma, abari i Mariba muri Nyabitekeri, ab’i Kibogora muri Kanjongo bicirwa ahahoze Komine Karambo, ab’i Gatamu mu Bushenge bicirwa ahitwa i Gashirabwoba ndetse munsi y’amashuri ya Ntama hiciwe abana b’Abatutsi 12 mu Murenge wa Rugerero muri Perefegitura ya Gisenyi, ubu ni mu Karere ka Rubavu. Kuri Paruwasi ya Mukarange hiciwe Abatutsi basaga 5000 kuri iyi tariki ya 12 Mata 1994


INKURU ZA :
Tanga Igitekerezo
Ibitekerezo 2
Muhumure Alexis Kuya 12-04-2018

Tuzahora tubibuka

rukundo Kuya 12-04-2018

TUZAHORA TUBIBUKA,MWAGIYE TUKIBAKENEYE,NTITUZABIBAGIRWA NARIMWE!!UBUTWARI BWO KUBA UMWE N’UMUCO MWADUSIGIYE.

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...