AMAKURU

UKWEZI
ubumwe

Perezida Kagame ati ’Twige Ikinyarwanda’

Perezida Kagame  ati ’Twige Ikinyarwanda’
8-08-2019 saa 13:55' | By Nsanzimana Ernest | Yasomwe n'abantu 1178 | Ibitekerezo

Perezida w’ u Rwanda Paul Kagame yasabye Abanyarwanda kwiga ururimi rw’ Ikinyarwanda bakajya baruvuga neza, no gushyirwa mu bikorwa amasomo y’ ubumenyi n’ ikoranabuhanga biga bagateza imbere umuco wo gukoresha ibyakorewe mu Rwanda.

Yabikomojeho kuri uyu wa Kane tariki 8 Kanama 2019 ubwo yasozaga ku mugaragaro Itorero ry’ Indangamirwa ikiciro cya 12.

Perezida Kagame yasabye ko abasaza bajya gutanga ibiganiro mu itorero ko bakwiye kujya banigisha Intore kuvuga neza Ikinyarwanda.

Yatanze ingero z’ amagambo Abanyarwanda bavuga nabi arimo abavuga umunu aho kuvuga umuntu, abavuga gusha aho kuvuga gushya, abavuga Ego cyangwa Igo aho kuvuga Yego.

Yagize ati “ Itorero ni ugutanga uburezi, ku bana ni ukwigisha umuco. Dushaka ko igihugu cyacu kubakira ku ndangagaciro. Dushaka guha agaciro umuco wacu, kuwuteza imbere no kuwigiraho”.

Perezida Kagame yabwiye intore z’ indangamirwa 689 zasoje ikiciro cya 12 ko zitagomba kumva buhumyi ibyo zitozwa ko ahubwo nazo zigomba kumenya gutandukanya ibiri ukuri n’ ibitari ukuri, azibutsa ko zemerewe gutanga igitekerezo ku byo ziga.

Umukuru w’Igihugu avuga ko umuntu ashobora kwiga ariko bikamupfira ubusa ndetse n’Igihugu. Avuga ko mu gihe umuntu nta muco afite ibyo yize byose byamupfira ubusa.

Perezida Kagame yavuze ububi bw’inzoga, ibiyobyabwenge n’ibindi bisenya umuntu, kandi aba yaramaze igihe yiga akagira ubumenyi.

Ati “ Ntabwo imungu yagusenyera ibintu ntizagusenyere ubuzima bwawe”.

Umukuru w’Igihugu yasabye uru rubyiruko kwiha agaciro kugira ngo babashe guteza imbere Igihugu.

Umukuru w’Igihugu yanavuze no kuri gahunda y’ibikorerwa mu Rwanda izwi nka ’Maden in Rwanda’. Avuga ko bikwiye ko abantu batekereza uburyo hanakorwa ibirenze ibikorwa kuri ubu. Aha yatanze ingero z’imodoka, telefoni zigendanwa n’ibindi.

Yavuze ko umuntu adakwiye gutekereza ko agenda akagura iPhone, Blackberry na Samsung akabitangaho amafaranga menshi ngo yumve ko bigomba kugarukira aho gusa kuko ashobora kubikora akunguka ubumenyi kandi bikanamwinjiriza amafaranga.

Intore z’ Indangamirwa ryasoje Itorero uyu munsi ni 689 , abamaze gutozwa mu kiciro cy’ Indangamirwa bosehamwe barenga 3000 kuva iki kiciro cyatangira gutozwa muri 2008.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...