AMAKURU

UKWEZI
RPF

U Rwanda rugiye kwakira inama ikomeye izitabirwa n’ibikomerezwa

U Rwanda rugiye kwakira inama ikomeye izitabirwa n’ibikomerezwa
7-08-2018 saa 12:56' | By Vincent Nsengiyumva | Yasomwe n'abantu 3376 | Ibitekerezo 2

I Kigali hagiye kubera inama mpuzamahanga izahuriramo ibihangange muri politiki ndetse n’abaherwe b’abacuruzi birimo Kofi Annan wayoboye Umuryango w’Abibumbye (UN), Al Gore wigeze kuba Visi Perezida wa Amerika, Tony Blair wabaye Minisitiri w’Intebe w’u Bwongereza, umuherwe Bill gates n’umugore we n’abandi.

Aba biganjemo ibihangange n’ibikomerezwa baza mu ba mbere bakomeye kuri iyi si bose bazahurira mu ihuriro rizateranira i Kigali ryiga ku buryo Afurika yagera ku iterambere hatabayeho kwangiza ikirere ryiswe Africa Green Revolution Forum (AGRF).

Iri huriro niryo rikomeye cyane ku mugabane wa Afurika riganisha ku buhinzi, rizahurira i Kigali mu Rwanda kuva tariki ya 3 Kugeza tariki 7 Nzeri uyu mwaka, nk’uko KTpress dukesha iyi nkuru yabitangaje.

Iri huriro rya AGRF 2018 rizitabirwa n’abafite amazina akomeye mu bazaturuka mu bihugu binyuranye, biteganyijwe ko rizitabirwa n’imppuguke mu by’ubuhinzi zigera kuri 300, abakuru b’ibihugu na za guverinoma 15, Abaminisitiri basaga 15, hakazakorwa ubukangurambaga buzakusanya Amadorali miliyoni 30 ya Amerika yo kunganira ibikorwa by’ubuhinzi ku mugabane wa Afurika.

Mu bandi bafite amazina akomeye bazitabira iri huriro, harimo Umuherwe akanaba Howard Buffett wanashinze umuryango witwa Buffet Foundation, Umunya-Zimbabwe Strive Masiyiwa, Umunya-Algeria Issad Rebrab, Umunya-Nigeria Aliko Dangote, ndetse n’Umuhinde Sunny Verhese .

Umuherwe Bill Gates , Umugore we Melinda Gates ndetse Umuryango ukomeye wa Rockefeller Foundation nabo bazitabira iri huriro akaba ari nabo baterankunga bakuru b’iyi nama .

Iyi nama igiye guteranira bwa mbere mu Rwanda, izaba ibaye ku nshuro yayo ya karindwi. Iziheruka kuba ni iyabereye muri Kenya n’iyayibanjirije yabereye muri Cote d’Ivoire.

Dr. Agnes Kalibata, Perezida w’Umuryango ugamije iterambere ritangiza ibidukikije muri Afurika (AGRA), ari naryo ryateguye iyo nama, yabwiye KTpress ko iyi nama izaha u Rwanda amahirwe yo kugaragaza iterambere ryarwo mu buhinzi .

Muri iyo nama kandi Perezida Kagame azatangaza amasezerano yiswe ‘The Kigali Declaration’, agamije gukangurira ibihugu gushyira hamwe no kwiyemeza guteza ubuhinzi imbere.

Bill Gates n’Umugore we Melinda Gates bazitabira iyi nama izabera i Kigali

Aliko Dangote, Umuherwe w’Umunya-Nigeria uza ku mwanya wa mbere muri Afurika nawe azitabira iyi nama

JPEG - 47.4 kb

Howard Buffet, umuherwe w’Umunyamerika ufite umutungo ubarirwa muri miliyoni 400 z’amadolari ya Amerika


INKURU ZA :
Tanga Igitekerezo
Ibitekerezo 2
Jules Cesar Kuya 10-08-2018

Rwanda in line

Jules Cesar Kuya 10-08-2018

Rwanda in line

English
IGURIRE
Reba Ibindi Byinshi
netlink
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...