AMAKURU

UKWEZI
ubumwe

U Rwanda rwahagaritse abanyeshuri bajyaga kwiga muri Kongo

U Rwanda rwahagaritse abanyeshuri bajyaga kwiga muri Kongo
7-08-2019 saa 07:31' | By Nsanzimana Ernest | Yasomwe n'abantu 3591 | Ibitekerezo 2

Guverinoma y’ u Rwanda igiye guhagarika abanyeshuri bambukaga umupaka buri gitondo bajya kwiga mu mashuri yo mu gihugu cy’ abaturanyi cya Repubulika ya Demukarasi ya Kongo mu rwego rwo kwirinda ko bazandurirayo Ebola bakayizana mu Rwanda.

Minisitiri w’ Ubuzima Dr Diane Gashumba kuri uyu wa Kabili tariki 6 Kanama 2019 yavuze ko abo banyeshuri bazandikwa mu mashuri yo mu Rwanda.

Minisitiri Gashumba ni umwe mu bari mu itsinda ry’ abayobozi b’ u Rwanda basuye ku wa Mbere umupaka uhuza u Rwanda na Kongo bakagira abaturage inama yo kwirinda kujya muri Kongo nta mpamvu ifatika.

Abanyeshuri b’ abanyarwanda biga muri Kaminuza n’ amashuri yisumbuye bari bariyandikishije ku bwinshi mu mashuri yo mu mujyi wa Goma kuko ho amafaranga y’ ishuri ari make ugereranyije no mu Rwanda nk’ uko BBC yabitangaje. Amagana yabo yambukaga umupaka buri gitondo.

Umujyi wa Goma uturanye n’ u Rwanda wagezemo Ebola mu kwezi gushize kwa 7 izanywe n’ umupasiteri wari yagiye gusengera abarwayi ba Ebola.

Kugeza ubu hari abaturage b’ I Rubavu bafite impungenge z’ imibereho yabo igihe bazaba batemerewe kwambuka ngo bage gushaka imibereho muri Kongo, barimo n’ abavuga ko aho kwicwa n’ inzara bakwicwa n’ ikindi cyose.

Gusa Minisitiri w’ Ubutegetsi bw’ Igihugu Prof. Shyaka Anastase agira ati “Nubwo I Goma hari amafaranga, ubuzima buruta amafaranga”.

Minisiteri y’ ubuzima mu Rwanda n’ iyo muri Kongo baraye basinyanye amasezerano y’ ubufatanye mu kurwanya icyorezo cya Ebola.


INKURU ZA :
Tanga Igitekerezo
Ibitekerezo 2
HABINTWRI evariste Kuya 8-08-2019

Birakwiye kodukumira icyocyorezo mugihugu cyacu abobumvako batakwica ninzara bagende bagumeye ntibazagaruke bakurure bishyira

karambizi Kuya 8-08-2019

Guhagarika abanyeshuri kwiga muri CONGO siwo muti wanyuma ukwiye gufatwa mu buryo bwo kwkingira Ebola, aha ndunva hari ibindi byihishe inyuma.

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...