konka coffee
KONKA

AMAKURU

UKWEZI
ubumwe

Uganda yavuze ko ‘u Rwanda rwahagaritse urujya n’ uruza I Gatuna’ u Rwanda ruti ‘sibyo’

Uganda yavuze ko ‘u Rwanda rwahagaritse urujya n’ uruza I Gatuna’ u Rwanda ruti ‘sibyo’
1-03-2019 saa 07:39' | By Nsanzimana Ernest | Yasomwe n'abantu 8859 | Ibitekerezo 7

Leta ya Uganda kuri uyu wa Kane yabwiye iy’ u Rwanda ko idakwiye gufunga umupaka wa Katuna (Gatuna), Leta y’ u Rwanda ivuga ko itahagaritse urujya n’ uruza ahubwo rwimuriwe ku wundi mupaka kubera imirimo y’ ubwubatsi.

Umuvugizi wa Leta ya Uganda Ofwono Opondo yabwiye abanyamakuru ko kuva 6:00 z’ umugoroba wo ku wa Gatatu aribwo Leta y’ u Rwanda yahagaritse urujya n’ uruza ku kuri uyu mupaka.

Opondo yasabye ibisobanuro Ikigo cy’ u Rwanda cy’ Imisoro n’ amahoro RRA, ku mpamvu amakamyo ava muri Uganda atari kwemerwa kwambuka umupaka wa Gatuna. Yavuze ko iyo biza kuba ari ukubaka, abaturage bava mu Rwanda batari kubuzwa kwambuka.

Yagize ati ‘Iyo biba ari ukubaka umuhanda, ntabwo bari kubuza abaturage babo kuza mu gihugu cyacu”

Nubwo ariko Opondo yavuze ko u Rwanda rwahagaritse urujya n’ uruza ku mupaka uruhuza na Uganda yanasabye ituze avuga ko u Rwanda n’ iki gihugu bari gushaka igisubizo bya gisuti.

Amb. Olivier Nduhungirehe, Umunyamabanga wa Leta muri Minisiteri y’ Ububanyi n’ amahanga yabwiye UKWEZI ko ibivugwa na Uganda ngo u Rwanda rwahagaritse urujya n’ uruza ku mupaka uruhuza n’ iki gihugu kiri mu majyaruguru atari byo. Mu butumwa bugufi yagize ati “Ntabwo aribyo”

Ikigo cy’ Imisoro n’ amahoro RRA cyasohoye itangazo rivuga ko kubera imirimo yo kubaka ibiro bishinzwe abinjira n’ abasohoka I Gatuna u Rwanda rwimuriye urujya n’ uruza ku mupaka wa Kagitumba/Mirama Hills.

Nubwo bimeze gutya ariko Sam Bitangaro, Umuyobozi w’ Intara ya Kisoro, ihana urubibi n’ u Rwanda yavuze ko ku mupaka wa Cyanika nawo nta bicuruzwa cyangwa Umunya –Uganda uri kwemererwa kwinjira mu Rwanda.

Umubano w’ u Rwanda na Uganda umaze imyaka irenga ibiri ujemo agatsi, u Rwanda rushinja Uganda kumva amabwire y’ abatavugarumwe n’ ubutegetsi bwarwo, Uganda igakeka ko mu Banyarwanda baba cyangwa bajyayo harimo ba maneko.

Uganda iherutse kwirukana abanyamahanga barimo n’ Umunyarwandakazi bakoreraga ikigo cy’ itumanaho ibashinja kubangamira umutekano w’ igihugu.


INKURU ZA :
Tanga Igitekerezo
Ibitekerezo 7
Kagabo Kuya 3-03-2019

Rata Kunyura Kuri Duane Ya Buhita Na Munyarwanda Uri Kujya Muri Uganda Bari Kudusubiza Inyuma Kandi Abagande Bari Kwinjira Nonese Ko Twari Tweguye Ibishyimbo Tubijyanye Uganda Bakanga Ko Tujyayo Paka Harimo Akanu

sezibera Kuya 3-03-2019

Baca umugani ngo “hazima uwatse†.Ubu koko u Rwanda na Uganda bigiye kwangana?Jye ndabyandika nk’umuntu wabaye Uganda.Abanyarwanda,nibo bashyize Museveni ku butegetsi.Museveni nawe afasha RPF gufata ubutegetsi,ahanini kubera intwaro yayihaga.
Ikindi kandi,Abagande n’Abanyarwanda ni “abavandimwe†kuva kera.Uretse ko n’igihe cy’Abami barwanaga.Muzi ko Rwabugili yarwanye akagera I Mbarara.Umwami w’Abanyoro nawe akarwana akagera I Kigali.Rwose Kagame niyumvikane na Museveni,bareke guhangana.Gusa nitwe twahomba cyane kubera ko amaduka yo mu Rwanda habamo ibicuruzwa hafi ya byose biva muli Uganda.Dore byatangiye no guhenda cyane kubera Abacuruzi bahora ari ba Rusarurira-mu-nduru.Museveni na Kagame ni abakristu.Imana itubuza kwangana no kurwana.Ababikora ntabwo bazaba muli paradizo nkuko bible ivuga.Nibumvire Imana yabaremye bongere babane nkuko byahoze kera.Bibagirwe intambara za Kisangani. Bibuke ko bombi bavuga Olunyankole kandi bombi bize Ntare High School.

Usher Desire Kuya 2-03-2019

Nonetwebwe tukiri uganda tukazataha ute? nikibazo uganda yararengereye

cyore Kuya 1-03-2019

ibi bintu ntago byoroshye gusa ibyo uganda ivuga nibyo nange narahanyuze mbonye byahinduye isura

Peace Kuya 1-03-2019

Byonyine kuba itangazo ryatanzwe na RRA ntiritangwe na Police, birerekana ko u Rwanda ruba rushaka amahoro...

gqg Kuya 1-03-2019

UBU SE IBI BYABABAZA ABANYA UGANDA? None se koko uwaborohereza abo banyarwanda babuza umutekano bakoreka kujya guhahirayo. Wenda byaba inzira yo kwicarana ibibazo byose bigakemuka. Ugusurira ntumusurire ...... Ukwanga atiretse?

gakuba Kuya 1-03-2019

abanyarwanda barajya, muli Uganda bagahohoterwa none ngo u Rwanda rwababujije kambuka, alibyo ahubwo cyaba ali igikorwa kiza baba ndetse baratinze brajya yo bakagura ingorane ibyiza ni bagume ahantu abantu ntibakibuze amahoro gisobanutse iyo ifingiyemo, bangahe! !

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...