AMAKURU

UKWEZI
Canal+ christmax

Uko amakuru y’ibanga kuri Rusesabagina yageze kuri Al-Jazeera

Uko amakuru y’ibanga kuri Rusesabagina yageze kuri Al-Jazeera
1er-03-2021 saa 10:02' | By Martin Niyonkuru | Yasomwe n'abantu 3893 | Ibitekerezo

Ikinyamakuru Al-Jazeera giherutse kugirana ikiganiro na Minisitiri w’Ubutabera w’u Rwanda akaba n’Intumwa Nkuru ya Leta y’u Rwanda, Johnston Busingye, cyatangaje uburyo cyabonye amakuru y’ibanga kuri Rusesabagina Paul.

Ni nyuma y’iminsi itatu iki kinyamakuru kigiranye ikiganiro na Minisitiri Busingye wavuze ko u Rwanda rwishyuye indege yagejeje Rusesabagina Paul mu Rwanda ariko ko nta ruhare rwo kugira ngo aze rwagize.

Nyuma y’iyi nkuru ndende y’ikiganiro Busingye yagiranye na Al-Jazeera, Minisiteri y’Ubutabera yashyize hanze itangazo ritanga umucyo ku byatangajwe muri kiriya kiganiro na ryo ryemeje ko Guverinoma y’u Rwanda yishyuriye inshuti ya Rusesabagina na yo yari iriho ikorwaho iperereza.

Umunyamakuru w’Al-Jazeera, Marc Lamont Hill, yifashishije Twitter avuga uko babonye ikiganiro Minisitiri Busingye yagiranye n’abajyanama be ubwo yiteguraga kiriya kiganiro.

Muri icyo kiganiro Busingye yagiranaga n’abajyanama be, bagaruka ku makuru yo muri gereza aho Rusesabagina afungiye ndetse n’uburyo yageze mu Rwanda.

Marc Lamont Hill yagize ati “Ibihe bya mbere by’ikiganiro UpFron yagiranye na MInisitiri w’Ubutabera w’u Rwanda, itsinda rye ryaribeshye ritwoherereza videwo baganira banategura ikiganiro cyacu. Muri iyo videwo, bavuze ibitandukanye n’ibyo bavugira mu ruhame.”

Amakuru yari ari muri kiriya kiganiro Busingye yagiranye n’abajyanama be, ni yo Umunyamakuru Marc Lamont Hill yifashishije mu kiganiro yagiranye na Minisitiri Busingye.

Rusesabagina watangiye kuburanishwa mu mizi, urubanza rwe rumaze gusubikwa inshuro ebyiri kubera inzitizi we n’abamwunganira bakomeje kugeza ku rukiko zirimo iyo batanze bwa mbere ubwo bavugaga ko uregwa atari Umunyarwanda ahubwo ko ari Umubiligi bityo ko akwiye kujya kuburanishirizwa mu gihugu cye.

Iyi nzitizi yatewe utwatsi w’Urugereko Rwihariye Ruburanisha Ibyaha Mpuzamahanga n’ibyambukiranya imipaka rwavuze ko rufite ububasha bwo kuburanisha uwo ari we wese wakoreye ibyaha biri mu bubasha bwarwo ku butaka bw’u Rwanda.

Paul Rusesabagina n’abamwunganira bajuririye kiriya Cyemezo, bahise basaba Urukiko kuba igihe cyo gutegura mu nyandiko indi nzitizi batanagaragaje, Urukiko na rwo bubaha icyumweru, rukaba rwarimuriye urubanza ku wa Gatanu tariki 05 Werurwe 2021.

UKWEZI.RW


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA