konka coffee
KONKA

AMAKURU

UKWEZI

Umunya Canada Michaelle Jean uhatanye na Mushikiwabo yakuweho amaboko n’igihugu cye

Umunya Canada Michaelle Jean uhatanye na Mushikiwabo yakuweho amaboko n’igihugu cye
10-10-2018 saa 08:41' | By Chief Editor | Yasomwe n'abantu 3210 | Ibitekerezo 1

Louise Mushikiwabo, Minisitiri w’Ububanyi n’Amahanga n’Umuryango wa Afurika y’Uburasirazuba ndetse akaba ari n’umuvugizi wa Guverinoma y’u Rwanda, witegura guhatanira umwanya w’Umunyamabanga Mukuru w’Umuryango w’Ibihugu bikoresha ururimi rw’Igifaransa, yabonye andi mahirwe akomeye amuganisha ku ntsinzi kuko Michaelle Jean wo muri Canada usanzwe ayobora uyu muryango ari nawe mukandida rukumbi bahatana, yakuweho amaboko mu buryo bweruye n’igihugu cye.

Inama izabera i Erevan muri Armenia tariki 11 na 12 Ukwakira 2018, ni yo izatorwamo uzayobora uyu muryango mu gihe cya manda y’imyaka ine iri imbere. Mu gihe habura amasaha macye ngo amatora abe, Guverinoma ya Canada n’iy’umujyi wa Québec wo muri iki gihugu, bagaragaje ko badashyigikiye umukandida ukomoka mu gihugu cyabo ahubwo bazashyigikira umunyafurikakazi Louise Mushikiwabo.

Kuri uyu wa Kabiri mu masaha y’umugoroba nibwo ushinzwe Jeremy Ghio ushinzwe itangazamakuru mu biro bya Minisitiri Mélanie Joly ukuriye iby’iterambere ry’ururimi rw’igifaransa, yoherereje ubutumwa bwa E-mail ibinyamakuru bitandukanye abimenyesha ko Canada itagishyigikiye Michaëlle Jean.

Muri ubu butumwa baragira bati: "Nyuma yo gusesengura no kureba uburyo umugabane wa Afurika wamaramaje gushyira hamwe mu nama izabera i Erevan, Minisitiri uzaturuka i Québec [akitabira iyo nama izabamo n’amatora] bwana François Legault, yatangaje ko atazashyigikira Michaëlle Jean ngo abe yakongera gutorerwa kuyobora Umuryangango w’Abavuga ururimi rw’Igifaransa."

Mu bamaze kugaragaza ko Louise Mushikiwabo afite amahirwe menshi yo kuyobora uyu muryango, hari n’inkoramutima za Michaelle Jean bazahatana ndetse n’ibimenyetso bitandukanye bikerekana ko na nyir’ubwite adafite umutima uri hamwe.

Ubusanzwe, igihugu cy’u Bufaransa ndetse na Canada, nibyo bifatwa nk’ibihugu bifite imbaraga muri uyu muryango. Perezida Emmanuel Macron w’U Bufaransa, yatangarije byeruye Perezida Kagame ko nta kabuza u Bufaransa buzashyigikira Louise Mushikiwabo, bikaba byari byitezwe ko Canada yo izashyigikira umwenegihugu wayo Michaelle Jean umaze imyaka 4 ayobora uyu muryango ariko iki gihugu nacyo cyamukuyeho amaboko.

JPEG - 1.1 Mb

Muri 2014, Louise Mushikiwabo yashyizwe ku rutonde rw’abagore 10 b’Indashyikirwa ku mugabane wa Afurika, urutonde yagaragayeho ari no muri 3 ba mbere.


INKURU ZA :
Tanga Igitekerezo
Ibitekerezo 1
niyonzima alegis Kuya 15-10-2018

twishimiye itsinzi ya ruwiz mushikiwabo

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...