konka coffee
KONKA

AMAKURU

UKWEZI

Umuyobozi ufite amanyanga nta mwanya afite mu Rwanda rw’uyu munsi - Minisitiri Kaboneka

Umuyobozi ufite amanyanga nta mwanya afite mu Rwanda rw’uyu munsi - Minisitiri Kaboneka
18-07-2018 saa 09:26' | By Chief Editor | Yasomwe n'abantu 4000 | Ibitekerezo 2

Minisitiri w’Ubutegetsi bw’Igihugu, Francis Kaboneka, avuga ko abayobozi bakwiye kuba intangarugero, bakaba umusemburo w’amahoro, umutuzo n’umudendezo mu baturage bayobora naho umuyobozi ufite amanyanga we ngo nta mwanya afite mu Rwanda rw’uyu munsi.

Nk’uko Minisitiri Kaboneka asanzwe abikora buri wa Kabiri muri gahunda yo kwegera abaturage, kuganira nabo gahunda z’iterambere, kumva ibibazo no kubikemura, kuri uyu wa Kabiri tariki 17 Nyakanga 2018 yajyanye n’abandi bayobozi basura abaturage b’Uturere twa Nyaruguru na Nyamagabe.

Mbere yo guhura n’abaturage, Minisitiri Kaboneka aherekejwe n’abandi bayobozi babanje gukorana inama n’abayobozi b’inzego z’ibanze barimo komite z’imidugudu, abajyanama ku rwego rw’utugari n’abo ku rwego rw’umurenge, abayobozi b’inzego zirimo iz’urubyiruko, iz’abagore n’izindi zitandukanye mu murenge wa Kivu wo mu karere ka Nyaruguru.

Muri iyi nama, Minisitiri Kaboneka yabwiye abayobozi b’inzego z’ibanze ko kuyobora neza bidasaba ubukire, ahubwo ko bisaba ubushake n’ubumuntu. Yabasabye kutarangwa n’amarangamutima cyangwa inyungu z’umuntu ku giti cye ahubwo bakarengera abaturage nk’uko umubyeyi nyawe abigenza ku bana be.

Minisitiri Kaboneka ati: "Kuyobora ni ukwitanga; umuyobozi ufite amanyanga nta mwanya afite mu Rwanda rw’uyu munsi. Umuyobozi ashinzwe kuzana umutuzo n’umudendezo mu bo ayobora no kubarengera kugira ngo bagere ku iterambere."

Minisitiri Francis Kaboneka kandi yashimye ubufatanye abaturage bafitanye n’izindi nzego z’umutekano mu kubungabunga umutekano, asaba abayobozi kubikomeza no kubishimangira kuko ari byo igihugu gikesha iterambere kigezeho. Muri iyi nama kandi yahavuye ageneye igihembo umwe mu bakuru b’imidugudu kubera umuhate n’ubwitange agira mu kuyobora abaturage no kubakemurira ibibazo.

Uyu mukuru w’umudugudu yashimiwe na Minisitiri Kaboneka anamugenera igihembo


INKURU ZA :
Tanga Igitekerezo
Ibitekerezo 2
Mugisha Kuya 19-07-2018

Niba ari ukutamenya ibikorwa mu turere niba ari ukwirengagiza, narumiwe pe! Umuyobozi ku rwego rw’Akarere yibye akoresheje inyandiko mpimpano Ifumbire ifite agaciro ka 12000000 miliyoni cumi nebyili, komite ya discipline ku karere imusabira igihano ngo ahagarikwe amezi 2 mugihe komisiyo ntacyo irabikoraho agororerwa kuyobora umurenge. Ubwose!!! Erega hari abiba babitumwe! Ibyo mubibaze Mayor w’Akarere ka GAKENKE cg Denys wari umuyobozi w’ubuhinzi wagizwe Gitifu.

richard Kuya 18-07-2018

AARABIVUGA ARIKO AHO ARI YICARANYE NUYAGIRA ATONESHA WA MBERE KURUSHA ABANDI MU GIHUGU!!!! AKARIMI KE, AMARIRA, NO KUMENYA GUTANGA RUSWA NTIBYATUMYE YIGARURIRA ABAYOBOZI BAMUKURIYE, INZEGO ZUMUTEKANO N’IBITANGAZAMAKURU, UBU ABAATURAGE NABAKOZI BA NYARUGURU BAKABA BARI KWIRENGERA INGARUKA BIBAGIRAHO, BAMWE BAKABAA BARATANGIYE NO KUBIBURIRAMO UBUZIMA, ABANDI BAKABA BADASINZIRA!!!!! NASIGEHO MINISTER NAWE, AHUBWO KARIYA KARERE YASHAKA YAREKA KWIRIRWA AGASHINYAGURIRA CYANE, HAKAGIRA ABANDI BA MINISTERS BAGASURA WE HABAYE IWE NIYIRUHUKIRE, YEGO AGOMBA KUHAHORA KUKO AHAJISHE IBISABO CG IMITUNGO DA!!!! MWIHANGANE ABATUYE NYARUGURU NABAHAKORERA

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...