konka coffee
KONKA

AMAKURU

UKWEZI
Minijust

VIDEO: Umutoniwase wavuze ko igishoro cya 9.000.000 ari macye yateje impaka ndende

VIDEO: Umutoniwase wavuze ko igishoro cya 9.000.000 ari macye yateje impaka ndende
14-12-2018 saa 16:04' | By Chief Editor | Yasomwe n'abantu 5436 | Ibitekerezo 4

Umutoniwase Joselyne, umunyarwandakazi umaze imyaka 6 ari rwiyemezamirimo mu bijyanye no gukora imyenda n’imitako bikorerwa mu Rwanda, yateje impaka ndende anahabwa inkwenene na bamwe mu bakoresha imbuga nkoranyambaba, bamunenga ko yavugiye imbere y’abayobozi bakuru b’igihugu ko yahereye ku gishoro gito, aho yavuze ko yatangije amadolari 10.000 angana n’amafaranga y’u Rwanda akabakaba 9.000.000, nyamara iki gishoro hari imibare igaragaza ko Abanyarwanda babasha kucyigondera ari mbarwa.

Kuri uyu wa Kane tariki 13 Ukuboza 2018, ubwo hatangizwana Inama y’igihugu y’Umushyikirano, Umutoniwase Joselyne ari mu bahawe umwanya by’umwuhariko ngo avuge ibijyanye n’ubunararibonye afite nka rwiyemezamirimo ukiri muto. Icyatangaje benshi barimo n’abayobozi bari bitabiriye Umushyikirano, ni ingano y’amafaranga yavuze ko yatangije akavuga ko ari igishoro gito.

Umutoniwase Joselyne Rwanda Clothing, ikompanyi yashinze ikora ibijyanye n’imyambaro, mu gutanga ubuhamya yagize ati: "Ndi hano nshaka kubwira bagenzi banjye bicaye batekereza ko gutangira kuba rwiyemezamirimo cyangwa gutangira bisaba ikintu kinini cyane... Umuntu yahoraga atekereza gutangirira ku gishoro kinini cyane ariko nabaha urugero nkanjye ntabwo natangiriye ku gishoro kinini kugirango mbashe kugera ku rwego ngezeho, natangiriye ku bihumbi 10 by’amadolari (akabakaba miliyoni 9 z’amafaranga y’u Rwanda)"

REBA VIDEO ABIVUGA HANO:

Akimara kuvuga ibi, abantu benshi bari bamuteze amatwi bahise bumvikanisha ko batangajwe no kuba avuga ko ayo mafaranga yatangije ari igishoro gito. Icyakoze yagaragaje ko icyo gishoro cye kimaze kwikuba inshuro 20, bisobanura ko yaba amaze kugera ku mutungo w’ibuhumbi 200 by’amadolari, ni ukuvuga abarirwa muri miliyoni 180 uyabaze mu mafaranga y’u Rwanda.

Hashingiwe ku mibare yatangajwe na Minisiteri y’ubutegetsi bw’igihugu n’imibereho y’abaturage (MINALOC) mu rwego rwo kugaragaza ibyiciro bishya by’ubudehe mu mwaka wa 2016, bigaragara ko igice kinini cy’abanyarwanda babayeho mu bukeneye, mu gihe abakire mu gihugu cyose batarenga 0.5 ku ijana.

Nk’uko iyi mibare ibyerekana, abatuye mu ngo 376.192 bagera kuri 1.480.167 bangana na 16% by’abaturage bose, ni abakene badashobora kubona ibyangombwa by’ibanze mu buzima kandi bakaba batagira n’aho kuba. Aba ni abagorwa no kubona icyo kurya akenshi bakanaburara, cyangwa ababyeyi bakareka kurya bagaharira abana. Aba bose, Leta yabashyize mu cyiciro cya mbere cy’ubudehe, kigizwe n’abari mu bukene bukabije.

Icyiciro cya kabiri cy’ubudehe, ni icy’abandi nabo b’abakene ariko byibuze bashobora kwibonera aho baba mu nzu itabavira, bayikodesha cyangwa ari iyabo, bakaba bafite akazi kadahoraho ariko nta kindi bakwifasha kirenze icyo. Aba bo bagera kuri 3.077.816 batuye mu ngo 703.461, bakaba bangana na 29,8% by’abaturage bose.

Icyiciro cya gatatu cy’ubudehe, ni icy’abafite inzu zabo cyangwa izo bakodesha babasha kwiyishyurira, bakaba bafite akazi ka Leta cyangwa bakorera ibigo byigenga, cyangwa nanone ari abacuruzi bakora ubucuruzi buciriritse nk’ubwa butiki, cyangwa abandi bose bafite akazi kabasha kubinjiriza amafaranga aringaniye. Muri iki cyiciro, harimo abagera kuri 5.766.506 bibumbiye mu ngo 1.267.171 bangana na 53,7% by’abaturage bose.

Mu cyiciro cya kane cy’ubudehe cy’abo twita abaherwe babasha kwihaza muri byose, bafite imitungo ifatika kandi babasha kwinjiza amafaranga agaragara, hagaragaramo abaturage bagera ku 58.069 batuye mu ngo 11.664, abo bakaba bangana na 0,5% by’abaturage bose.


INKURU ZA :
Tanga Igitekerezo
Ibitekerezo 4
Aimé Kuya 17-12-2018

Ariko ibyo uyu mwali yavuze ni ukuri.
Ariya mafranga ubwayo ni menshi cyane, ariko mu buryo bw’igishoro ni make.
Ikindi ni uko urebye ubucuruzi akora uko buhenze, kiriya gishoro ni gito rwose.

gqg Kuya 17-12-2018

Nyamara mura murenganya. Ndabamenyesha ko hari abagira ariya madolari 10 000 ariko ntabashobore kuyabyaza umusaruro nkuko we wabigenje. Ubu se abayafite mu Rwanda bangana iki? Bayabyaje iki se?

gakuba Kuya 15-12-2018

uyu mwana wu mukobwa icyo atasobanuye naho yakuye 9 000 000 yita igishoro gito ntimumurenganye ashobora kuba atali ayo yakoreye! !!!na bill Gates ntiyatatangiriye ho

tetasha Kuya 14-12-2018

uyu arimuri babandi bavuka amatara yaka abapfa bakoze kuri cash akazishyira kuri compte ntadeniafite wababara .navugako uyu arumutesi ijana kujana .iyobamwita umutesi

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...