konka coffee
KONKA

AMAKURU

UKWEZI

Kigali: Abanyerondo batwikiye ba bana muri ruhurura bakatiwe gufungwa burundu

Kigali: Abanyerondo batwikiye ba bana muri ruhurura bakatiwe gufungwa burundu
12-01-2018 saa 07:45' | By Vincent Nsengiyumva | Yasomwe n'abantu 3241 | Ibitekerezo

Abagabo babiri bakoraga irondo ry’umwuga batwikiye ba bana muri ruhurura hafi ya CHIC, babiri muribo bagahita bitaba Imana undi agakomereka bikomeye, bakatiwe igifungo cya burundu n’Urukiko Rwisumbuye rwa Nyarugenge nyuma yo guhamwa n’ icyaha cyo kwica babigambiriye.

Mu gitondo cyo kuwa 28 Mata 2017 nibwo hamenyekanye inkuru y’akababaro yababaje benshi y’urupfu rw’abana bo mu muhanda batwikiwe muri ruhurura bararagamo iherereye mu mujyi wa Kigali hafi neza y’inyubako y’ubucuruzi izwi nka CHIC.

Icyo gihe icyo kibazo cyahagurukije inzego zinyuranye z’umutekano batangira gukora iperereza ku baba bihishe nyuma y’iki gikorwa cya kinyamaswa, aho byari byanataniye guhwihwiswa ko byaba byakozwe na bamwe mu banyerondo bakorera mu gace iki cyaha cyakorewemo.

Ubu bwicanyi kandi bwahagurukije inzego zitandukanye zirimo izirengera uburenganzira bw’abana aho bamaganiye kure ubu bwicanyi ndetse bagasaba ko hakorwa iperereza ku buryo bukomeye ababikoze bagafatwa bakabiryozwa.

Iperereza ryatangiye gukorwa kuva uwo munsi ubwicanyi bwabereyeho mazze hafatwa abagabo babiri bari basanzwe ari abanyerondo bakoraga irondo ry’umwuga , aribo Uzabakiriho Vedaste na Twahirwa Antoine.

Ubushinjacyaha bwagaragaje ko ibyaha aba bagabo baregwa babikoranye ubugome ndengakamere ngo kuko basanze aba bana aho bari biryamiye muri ruhurura babasukaho lisansi barangije barabatwika kugeza ubwo babiri muribo bitabye Imana undi umwe arakomereka bikomeye ajyanwa mu bitaro.

TV1 dukesha iyi nkuru yatangaje ko mu isomwa ry’urubanza rw’aba bagabo ryabaye kuri uyu wa Kane tariki 11 Mutarama 2018 ryabereye mu rukiko Rwisumbuye rwa Nyarugenge abacamanza baviuze ko aba baregwa biyemereye icyaha ubwo bari mu bugenzacyaha ndetse ko ubwo bamaraga kugikora bahise batoroka baza gutabwa muri yombi.

N’ubwo aba bagabo bombi baburanye bahakana ibyaha bashinjwaga, ubushinjacyaha bwo bwakomeje kubibahamya ndetse bunagaragaza ko bwagendeye ku ubuhamya bwatanzwe n’abantu batandukanye barimo abana babanaga na ba nyakwigendera ndetse n’ibindi bimenyetso byagaragajwe n’amashusho yafashwe na camera ziri ku nyubako ya CHIC, iri hafi y’aho ibyo byabereye.

Mu guhamya Uzabakiriho Vedaste na Twahirwa Antoine icyaha cy’ubwicanyi bugambiriye kandi, urukiko rwanashingiye ku bizamini byakozwe n’abasuzumye imirambo ya ba nyakwigendera, maze rubakatira gufungwa burundu ariko rubasonera amagarama y’urubanza kuko baburanye bafunzwe.

JPEG - 81.6 kb

Aha niho abana batwikiwe 2 muribo bahita bitaba Imana undi arakomereka bikomeye

JPEG - 51.1 kb

INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...