konka coffee
KONKA

AMAKURU

UKWEZI

Ruhango: Abanyeshuri bakoze indege yo mu bwoko bwa Kajugujugu - AMAFOTO

Ruhango: Abanyeshuri bakoze indege yo mu bwoko bwa Kajugujugu - AMAFOTO
5-12-2017 saa 22:57' | By Akayezu Jean de Dieu | Yasomwe n'abantu 7545 | Ibitekerezo 16

Abanyeshuri bo mu ishuri rya Ruhango VTC riri mu murenge wa Ruhango, akarere ka Ruhango mu Majyepfo y’u Rwanda bakoze indege yo mu bwoko bwa Kajugujugu aho kuri ubu ifite ubushobozi bwo kwaka ariko ikaba ikiburamo moteri ishobora kuyiha imbaraga zo kuguruka mu kirere.

Iri shuri rya Ruhango Vocation Training Center ryigisha abanyeshuri amasomo ajyanye n’imyuga n’ubumenyingiro aho abarangije kwigamo hano bakora ibikorwa bitandukanye birimo amateleviziyo akorwa mu bikoresho byo mu biro byashaje kandi bikavamo ama televiziyo meza n’ibindi bikorwa by’ubukorikori harimo gusudira, gukanika imodoka n’ibindi.

Kuri uyu wa Kabiri tariki 05 Ukuboza 2017, ubwo iri shuri ryatangaga ishimwe (Certificate) ku banyeshuri barangije icyiciro cyo kwiga imyuga n’ubukorikori binyuranye muri iri shuri bamuritse iyi ndege bavuga ko imirimo yo kuyikora igeze kurib 60% kugira ngo ibe yabasha gukora neza ubundi abanyarwanda bajye bagenda mu ndege yakozwe n’umunyarwanda (Made In Rwanda).

Umuyobozi mukuru w’iri shuri rya VTC Ruhango, Bimenyimana Alphonse yabwiye itangazamakuru ko iri shuri barishyizeho mu rwego rwo gushyigikira Politiki ya Leta na DWA yo guhanga imirimo hagamijwe kurinda urubyiruko cyane cyane ururangiza amashuri kwirirwa birukankana impapuro zisaba akazi hirya no hino ahubwo bakihangira udushya binyuze muri aya masomo y’ubumenyingiro bahereza abanyeshuri babagana.

Bimenyimana Alphonse kandi yavuze ko ubushize bakoze imodoka ikoze mu biti bakayihererwa igikombe mu imurikagurisha ry’Ibikorerwa mu Rwanda (Made In Rwand Expo) ari nayo mpamvu bahise bafata umwanzuro wo gutinyuka bakabona ko ntacyo batashobora.
Umuyobozi mukuru w’iri shuri rya VTC Ruhango, Bimenyimana Alphonse

Agaruka ku mvano n’igitekerezo cyo gukora iyi ndege, Alphonse yagize ati “Ubushize twagiye kuri Expo ya Made in Rwanda twakoze imodoka ikoze mu biti hanyuma tubasha no kwegukana igikombe, rero kuri ubu twahisemo gutinyuka dukora ibyo ubwenge bw’abantu batatekereza ko bishoboka noneho gukorwa n’umwirabura w’umunyarwanda? Ibyo nibyo twe byaduteye imbaraga kandi ngire ngo murabona ko imirimo yo gukora iyi ndege irasa n’aho yarangiye ikibura ni moteri igura milliyoni eshatu kandi nayo turakoresha ibishoboka byose tuzayibone ubundi duce ako gahigo n’isi yose ibone ko dushoboye, ibone ko umunyarwanda nawe afite ubushobozi”

Uyu muyobozi w’iri shuri rya Ruhango VTC kandi yavuze ko iyi ndege bakoze kugeza ubu imaze kubatwara amafaranga arenga gato miliyoni 3 z’amafaranga y’u Rwanda ndetse ikaba ibura byibuze nka milliyoni 5 kugira ngo ibe ifite ubushobozi bwo kuba yavana abantu mu Ruhango ikabajyana I Kigali cyangwa no mu zindi ntara z’Igihugu, aho abanyarwanda bazajya bagenda mu ndege bakogoga ikirere mu ndege yakozwe n’umunyarwanda

Abasaga 300 barimo abakuze n’urubyiruko nibo bamaze kurangiza amasomo y’ubumenyi ngiro muri Iri shuri rya Ruhango VTC ryatangiye gukora muri 2013 riza guhabwa ibyangombwa byemewe n’ikigo k’igihugu gishinzwe guteza imbere ubumenyi ngiro –WDA. Kuri ubu ubuyobozi bw’iri shuri buvuga ko icyo bakeneye cyane ni ugushyigikirwa n’abanyarwanda ndetse na Leta ikaba yabafasha mu buryo bwo gukora ingendo shuri mu bihugu bisanzwe byarateye imbere mu bijyanye no gukora indege ari nabyo bizafasha kongera ubumenyi


INKURU ZA :
Tanga Igitekerezo
Ibitekerezo 16
Tulinayo Kuya 10-12-2017

abanabalakazecyanepeeee!abadenzeho uwatanzeayomakulunibade

apo Kuya 9-12-2017

uyu mu directeur arasetsa kweli ngo bakoze indege we se buriya arabona bayikoze koko?????

EMMY Kuya 7-12-2017

ahhhha njye nari mpibereye moto ya AG 100 BAMBITSE AMABATI KKO MURAKABYA KKO MURI IMIHIRIMBIRE

Mukamunana Kuya 6-12-2017

Cyera hari publicite najyaga numva kuri radio harimo umugabo witwa KIBIHIRA waturikanwe n ibisasu kubera gukorogoshora!!! Iri shuri ndabona ryigisha abana gukorogoshora ariko bo bakabije kuba batangiye kwisumbukuruza kugera ubwo bumva ko bakoze indege kdi kiriya kirutwa na zazindi za plastic bacuruza nyabugogo (ibikinisho by’abana) kuko iriya ntibayokora banayikoze ubwo ni iyi kadahumeka yabo yaguruka pe. Nibajye mu byaro bajye kwirirwa bakorogoshora za Sonitec naho indege yo ntawayikora kuri buriya bwenge ndi kubabonana.

Mukamunana Kuya 6-12-2017

Cyera hari publicite najyaga numva kuri radio harimo umugabo witwa KIBIHIRA waturikanwe n ibisasu kubera gukorogoshora!!! Iri shuri ndabona ryigisha abana gukorogoshora ariko bo bakabije kuba batangiye kwisumbukuruza kugera ubwo bumva ko bakoze indege kdi kiriya kirutwa na zazindi za plastic bacuruza nyabugogo (ibikinisho by’abana) kuko iriya ntibayokora banayikoze ubwo ni iyi kadahumeka yabo yaguruka pe. Nibajye mu byaro bajye kwirirwa bakorogoshora za Sonitec naho indege yo ntawayikora kuri buriya bwenge ndi kubabonana.

hi Kuya 6-12-2017

jyewe ndabona mutabaca intege niba harimo uwawe uzamubuze kujyayo baravuga ngo uyima igihugu akanyobwa.......... wowe uri inyuma mumitekerereze reka abantu bakoreshe ibyo bize nibibananira aba barinyuma bazabishobora
inkuru yasomwe gutya urayigaya koko reba abasomye profile yawe ya Fcbk. courage abanyeshuri

lulu Kuya 6-12-2017

umva mwa banyamakuru mwe sinzongera kubabara ngo babise imihirimbiri peeee!iyi si inkuru yo gutangaza.

eric Kuya 6-12-2017

Ariko nahoze numva amakuru kuri kt radio numva hari abana benshi batanga ubuhamya bw’uko bateye imbere babikesheje ubumenyingiro bigiye muri iri shuri rya VTC RUHANGO mu bya electronic n’ubukanishi , hari nabavugaga ko bakorera amafaranga menshi hanze ! jye we rero nabaha inama yo kubyaza umusaruro ibyo bize indege bakazayishakira umwanya wayo nyuma

alfa Kuya 6-12-2017

Mwe kubaca intege ni uko ba Wilbur Wright bakoze Flyers one and two zitamaraga mu kirere n’umunota umwe ariko ubu bakaba ari bo ba pioneers of aviation. Ahubwo ntibazacike intege. Housing bayikoze hasigaye puissance. Hari n’ubwo n’iriya moteur bavuga bayishyiramo ntibikunde, ubwo ni ugukomeza igerageza n’ivugurura. Keep trying and improving!

Toles Kuya 6-12-2017

Hahahah! ibi ni ibiki koko?! umwana agiye kujya abumba imodoka mu byondo abanyamakuru bahurure bafotore?!!!!!

ivan Kuya 6-12-2017

ni mwitonde iki kintu kitatumarira abana ubona ariya mashashi yahangana numuyaga wo mukirere ikindi mukayita indege ngo bataramenya niba ishobora kuguruka ibi ni nka wamwana wagerageje kubumba convention center mwibumba

karimu Kuya 6-12-2017

Iki kintu nibitonde naho ubundi kizabakubita hasi kibamare bose... nibashake ikindi bakora indege zarangije gukorwa

ALI Kuya 6-12-2017

Nyamara iri shuri jyewe ndabona risobanutse kuko niba biriya bikoresho mbonye biga gukora by’amaterevision na za photocopiese nibindi biga kubikora bkigisha nubukanishi bw’imodoka yje mbona uwabyize neza atabura ikimutunga naho ibyindege byo nibayishobora bazaba babaye intwari

Matabaro Kuya 6-12-2017

Hahahah None se ko ntaho mbona iyi ndege iguruka?

Rabbin Kuya 6-12-2017

Gusara ni ugushishikara, Ubu nkuyu munyamakuru wanditse iyinkuru nibamwita umuhirimbiri azarakara koko? Uraza ubwira abantu ngo indege yakozwe mu mashashi nkaya turi kubona koko?! mwabaye aba pro koko !!! Ubu kuvugako bakoze igikinisho cyindege byakunaniye!!!

Gby Kuya 5-12-2017

Ariko ubanza mwarasaze murabona icyo gikopo cyanyu cyaguruka ibi babyita kucyatsa kabisa

IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...