konka coffee
KONKA

AMAKURU

UKWEZI

Abakora imirimo iciriritse itanditse bizihije umunsi w’umurimo, bizezwa ubwiteganyirize bw’abakozi

Abakora imirimo iciriritse itanditse bizihije umunsi w’umurimo, bizezwa ubwiteganyirize bw’abakozi
1-05-2018 saa 17:45' | By Vincent Nsengiyumva | Yasomwe n'abantu 531 | Ibitekerezo

Abagize urugaga rw’abakora imirimo itandukanye itanditse (SYTREICI) bizihije umunsi mpuzamahanga w’umurimo ku nshuro yabo ya mbere, bungurana ibitekerezo ndetse banizezwa na Minisiteri ifite umurimo mu nshingano ko nabo bafite uburenganzira busesuye bwo kubona ubwiteganyirize bw’abakozi.

Ibi byagarutsweho mu birori byahuje abagize urugaga rw’abakozi bakorera imirimo itanditse mu bice bitandukanye mu mujyi wa Kigali, byabereye ahazwi nko kuri Maison de Jeune mu murenge wa Kimisagara.

Benshi mu bagize SYTREICI ni bamwe mu baretse imirimo itandukanye yatezaga akajagari mu mujyi wa Kigali, nk’ubuzunguzayi, abana bo mu mihanda ndetse hakabamo n’abakora imirimo inyuranye nk’abakozi bo mu ngo, abakora umwuga w’ubudozi, abakora imirimo yo gufurira abantu, abadozi b’inkweto...

Aba bantu biganjemo abakoraga ubucuruzi bwo mu muhanda buzwi nk’ubuzunguzayi bamaze kubureka, bose mu buhamya bwabo bagarukaga ku buzima bwiza babayeho nyuma yo kuvanywa mu mihanda bagahurizwa hamwe, bamwe bagahabwa igishoro ndetse n’amasoko agezweho yo gucururizamo.

Mukazitoni Christine wari umuzunguzayi w’imbuto mu mujyi wa Kigali yavuze ko bamwe mu baretse ubuzunguzayi bakorewe ubuvugizi, bahabwa amasoko, babakora amatsinda bagana amabanki,ubu bakaba bakora ubucuruzi bufite gahunda kandi bubaha icyerekezo.

Yagize ati “Nazunguzaga agatebo k’imbuto nta address twari dufite ariko ubu dufite address dukorera mu isoko ryemeye n’amategeko.Ababyeyi twishyize hamwe SYTREICI idukorera ubuvugizi.Turi mu byishimo ntabwo tukiri mayibobo ahubwo turacuruza tunezerewe.”

Umuyobozi mukuru wa SYTREICI, Nyiramasengesho Jeanette yavuze ko iyi Syndika igihanganye n’ikibazo cyo gushakira abanyamuryango bayo aho bakorera, cyane ko umubare w’abakora ubucuruzi buciriritse butanditse ukiri munini cyane.

Yavuze ko nyuma yo guhuriza hamwe abanyamuryango, bagiye baganirizwa mu rwego rwo kubahindura imyumvire, babatinyura kugana amabanki ndetse banabigisha umuco wo kwizigamira, none ubu bageze ku rwego rushimishije.

Ati “ Abenshi ikibazo bari bafite gikomeye ni ukuba nta gishoro bari bafite, kandi noneho kubagira inama akensi batandukanye tukabona ko bitashobokaga.Syndika ikintu yabanje gukora gikomeye ni ukubanza kubahuriza hamwe,tumaze kubahuriza hamwe dutangira kwiga uko haboneka ibishoro bikeya.”

Umuyobozi mukuru wa SYTREICI, Nyiramasengesho Jeanette

Umugenzuzi Mukuru w’umurimo muri MIFOTRA, Hobes Nkundimana yasabye abibumbiye muri SYTREICI gukora cyane bakava mu bakora imirimo iciriritse bakajya mu byiciro bya ba Rwiyemezamirimo.

Nkundimana yakomeje avuga ko abakora imirimo itanditse batigeze bahezwa ku bwiteganyirize bw’abakozi, aboneraho kubamara impungenge ko nabo bari mu bagomba guteganyirizwa.

Ati “Itegeko ry’umurimo mu Rwanda ntiryigeze riheza abakora imirimo itanditse. N’ubwo itegeko ry’umurimo rivuga ko 90% by’abakozi babarirwa mu mirimo itanditse, ntibikuraho ko basigarana uburenganzira ku bwiteganyirize bw’abakozi, uburenganzira ku kwibumbira hamwe n’uburenganzira ku buzima n’umutekano mu kazi. Niyo mpamvu rero tuvuga ko badahejwe ku bijyanye n’ubwiteganyirize bw’abakozi.”

Umugenzuzi Mukuru w’umurimo muri MIFOTRA, Hobes Nkundimana nawe yitabiriye ibi birori

Syndika y’abakozi bakora imirimo itandukanye itanditse (SYTREICI), yashinzwe mu kwezi kwa Gashyantare 2014 ku gitekerezo cya Nyiramasengesho Jeanette, atangirana n’abagore bakeya, kugeza ubu ikaba imaze kugira abanyamuryango basanga 4500 bishimira iterambere bamaze kugeraho.

SYTREICI imaze kugira abanyamuryango basaga 4500


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...