konka coffee
KONKA

AMAKURU

UKWEZI
Minijust

Abanyeshuri ba UR basabwe guhaguruka bakarwanya ingengabitekerezo ya Jenoside

Abanyeshuri ba UR basabwe guhaguruka bakarwanya ingengabitekerezo ya Jenoside
13-12-2018 saa 18:33' | By Muhire Aime Placide | Yasomwe n'abantu 854 | Ibitekerezo 2

Abanyeshuri ndetse n’abarezi ba Kaminuza y’u Rwanda muri Koleji yayo y’Uburezi ikorera i Rukara mu Karere ka Kayonza, basuwe na Safari Begumisa Théoneste na mugenzi we Muzana Alice. Baganirizwa kuri gahunnda zabateza imbere nk’urubyiruko, banaboneraho kubasaba kugira uruhare rukomeye mu kuirwanya ingengabitekerezo ya Jenoside n’ibyaha bifitanye isano na yo.

Ibi byagarutsweho kuri uyu wa 12 Ukuboza2018 ubwo izi ntumwa za rubanda zasuraga iyi Kaminuza ya Rukara iherereye mu Burasirazuba bw’u Rwanda, ubwo hizihizwaga ku nshuro ya 70 Amasezerano Mpuzamahanga yo Gukumira no guhana icyaha cya Jenoside, kurwanya ingengabitekerezo yayo Jenoside n’ibyaha bifitanye isano na yo.

Ni umunsi usanzwe wizihizwa kuwa 9 Ukuboza buri mwaka ariko ntibyashobotse kuko wahuriranye n’umunsi w’ikiruhuko.

Nyuma yo guhabwa ikaze na Dr. Karangwa Evariste wari uhagarariye Ubuyobozi bw’ikigo, Depite Safari Begumisa Théoneste yatangije ikiganiro asobanurira imvo n’imvano y’icyaha cya Jenoside yakorewe Abatutsi ndetse n’uruhare Abanyarwanda n’Abanyamahanga bayigizemo.

Yakomoje ku mateka y’u Rwanda, aho yagaragaje ko mbere y’umwaduko w’Abakoloni Abanyarwanda bari bafitanye ubumwe, basangira byose, ariko aho baziye bazanye politiki y’amacakubiri n’umwiryane yaje kwibasira Abatutsi kugeza ku ndunduro yayo ya Jenoside yo muri Mata 1994 yari igamije kubarimbura.

Depite Safari yibukije abari aho ko Jenoside ibanzirizwa n’ingengabitekerezo ihembera urwango ku gice kiba kizarimburwa, urwango rugahabwa intebe maze bigasozwa no kurimbura abari muri cya gice cyibasiwe.

Yagize ati “Umuntu ukorera mu ruhame igikorwa byaba mu magambo, mu nyandiko, mu mashusho cyangwa mu bundi buryo kigaragaza imitekerereze yimakaza cyangwa ishyigikira kurimbura abantu bose cyangwa bamwe muri bo bahuriye ku bwenegihugu, ubwoko, ibara ry’uruhu, cyangwa ku idini aba akoze icyaha cy’ingengabitekerezo ya Jenoside.”

Depite Alice Muzana yagarutse ku ngamba zashyizweho na Leta y’u Rwanda hagamijwe guhana no gukumira icyaha cya Jenoside, kurwanya ihakana n’ipfobya ryayo, kurandura burundu ingengabitekerezo yayo n’ibyo igaragariramo byose.

Depite Alice yibukije abari aho ko bivugwa ko habayeho icyaha cyo gupfobya Jenoside igihe cyose umuntu agaragarije mu ruhame kandi ku bushake imyitwarire igamije kugabanya uburemere cyangwa ingaruka za Jenoside, koroshya uburyo jenocide yakozwemo ndetse no kugaragaza imibare itari yo y’ abazize jenoside.

Yibukije urubyiruko ko hagomba gufatwa ingamba zikakaye kubera ko ingengabitekerezo ya Jenoside ikigaragara mu bantu, aho yanagiye agaragaza hamwe na hamwe yagiye igaragara imbere mu gihugu.

Umunyeshuri witwa Uwera Joselyne yasabye ko hashyirwaho ihuriro rigamije guhugura urubyiruko ku mateka y’u Rwanda kuko asanga ibiganiro bitangwa mu minsi yo kwibuka bidahagije.

Depite Alice na Depite Safari bibukije abantu ko n’ubwo Leta y’u Rwanda yashyize imbaraga nyinshi mu kubumbatira ubumwe n’ubwiyunge bw’Abanyarwanda yashyizeho n’amategeko ahana abagaragayeho ibikorwa bigize icyaha cy’ingengabitekerezo ya Jenoside.

Depite Alice Muzana yasabye urubyiruko kudahishira uwo ari we wese babonyeho ingengabitekerezo

Abanyeshuri basabye ko hakwiye gushyirwaho gahunda yo kwigishwa amateka

Urubyiruko rwatanze ibitekerezo binyuranye


INKURU ZA :
Tanga Igitekerezo
Ibitekerezo 2
Shadrac Kuya 15-12-2018

Mu mafoto aherekeje iyi nkuru hari iyo mwibeshyeho nyirayo.Mu ifoto ya 1 muvuga ko ari Hon Safari B.Theoneste.Mwabikosora mugashyiraho iye kuko uriya ni Dr.Karangwa Evariste wari uhagarariye ubuyibozi bw’Ikigo muri kiriya kiriya kiganiro.Murakoze!

Shadrac Kuya 15-12-2018

Mu mafoto aherekeje iyi nkuru hari iyo mwibeshyeho nyirayo.Mu ifoto ya 1 muvuga ko ari Hon Safari B.Theoneste.Mwabikosora mugashyiraho iye kuko uriya ni Dr.Karangwa Evariste wari uhagarariye ubuyibozi bw’Ikigo muri kiriya kiriya kiganiro.Murakoze!

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...