konka coffee
KONKA

AMAKURU

UKWEZI
Minijust

Gasabo: Hima Cement yubakiye ibyumba by’amashuri ikigo abana bicarana ari 6 ku ntebe

Gasabo: Hima Cement yubakiye ibyumba by’amashuri ikigo abana bicarana ari 6 ku ntebe
25-01-2019 saa 15:30' | By Akayezu Jean de Dieu | Yasomwe n'abantu 2222 | Ibitekerezo

Ikigo cy’amashuri abanza cya Nyacyonga giherereye mu murenge wa Jabana mu karere ka Gasabo, gifite ikibazo cy’ubucucukije bukabije mu mashuri kuburyo nko mu mwaka wa mbere ishuri rimwe ryigamo abana 140, abana 6 bakicarana ku ntebe imwe ubundi yagakwiye kuba yicaraho abana babiri. Uruganda rwa Hima Cement rutunganya sima rukanakora ibikorwa bitandukanye by’ubwubatsi, rwateye inkunga iki kigo bacyubakira ibyumba bibiri by’amashuri.

Mu mwaka wa 2018 nibwo uruganda rwa Hima Cement rwubakiye iki kigo cy’amashuri ibyumba bibibiri, bikaba byamurikiwe ubuyobozi bw’iki kigo n’ubw’akarere ka Gasabo kuri uyu wa Gatanu tariki 25 Mutarama 2019, mu muhango wari wanitabiriwe n’abahagarariye ababyeyi barerera muri iki kigo cy’amashuri.

Ababyeyi barerera muri iki kigo nabo bishimiye igikorwa bakorewe na Hima Cement

Kubwimana Sosthene uyobora ikigo cy’amashuri abanza cya Nyacyonga, yatangaje ko bafite ikibazo cy’ubucucike bukabije muri iki kigo kuko hari aho mu ishuri rimwe bafite abana 140, kandi ngo usanga buri ntebe yicaraho abana batandatu, ibi ngo bigatuma abana batiga neza bityo bikanaba intambamyi y’irebe ry’uburezi rikwiye. Gusa yashimye cyane inkunga yatanzwe na Hima Cement kuko ngo izagabanya iki kibazo cy’ubucucike bukabije.

Uwonkunda Marie Redempta ushinzwe irangamimerere na notariya mu murenge wa Jabana, yavuze ko ubuyobozi bw’umurenge bwishimiye cyane uruhare rwa Hima Cement mu kunoza imyigire y’abana bo muri uyu murenge, anashimangira ko uru ruganda ari umuturanyi myiza kuko batekereje gukora iki gikorwa muri uyu murenge banasanzwe bakoreramo.

Uwonkunda Marie Redempta ushinzwe irangamimerere na notariya mu murenge wa Jabana

Umuyobozi wungirije w’akarere ka Gasabo ushinzwe imibereho myiza y’abaturage, Madamu Nyirabahire Languide, yatangaje ko ikibazo cy’ubucucike bukabije mu bigo bitandukanye by’akarere ka Gasabo batangiye kukivugutira umuti, bakaba barimo kubaka ibyumba by’amashuri bishya mu bigo bitandukanye byo muri aka karere ndetse Leta ikaba yaranabemereye intebe bazashyira muri ibyo byumba, uruhare rwa Hima Cement muri urwo rugamba narwo rukaba ari inkunga y’agaciro ku burezi bw’abana b’u Rwanda.

Umuyobozi wungirije w’akarere ka Gasabo ushinzwe imibereho myiza y’abaturage, Madamu Nyirabahire Languide

Jumoke Adegunle, umuyobozi w’uruganda rwa Hima Cement mu Rwanda, yavuze ko basanzwe batanga inkunga mu burezi, kubungabunga ibidukikije ndetse n’ibikorwa remezo, iki gikorwa kikaba ari kimwe muri byinshi bazashyigikiramo iterambere ry’u Rwanda nk’igihugu bakoreramo. Yavuze ko hari n’andi mashuri arimo kubakwa bafatanyije na WDA, avuga kandi ko bazakomeza gufatanya n’ubuyobozi bw’uyu murenge mu bikorwa bihindura imibereho y’abaturage.

Jumoke Adegunle, umuyobozi w’uruganda rwa Hima Cement mu Rwanda

Ibi byumba bibiri by’amashuri byubatswe na Hima Cement, byubakishijwe sima y’uru ruganda kandi bikaba binubatswe mu bikoresho bikomeye kandi biramba, kuburyo bitanga icyizere cy’uko abana bazigira ahantu heza kandi hafite isuku n’umutekano. Byatwaye amafaranga y’u Rwanda asaga miliyoni 42.

Uruganda rwa Hima Cement rukorera muri uyu murenge wa Jabana mu karere ka Gasabo


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...