AMAKURU

UKWEZI

Gatsibo: Umukwabo udasanzwe! 22 bakekwaho gusambanya abana bamaze gutabwa muri yombi

Gatsibo: Umukwabo udasanzwe! 22 bakekwaho gusambanya abana bamaze gutabwa muri yombi
3-12-2018 saa 15:09' | By Vincent Nsengiyumva | Yasomwe n'abantu 2981 | Ibitekerezo 2

Mu murenge wa Murambi mu Karere ka Gatsibo, kuri uyu wa 2 Ugushyingo 2018 hatangiye umukwabo udasanzwe wo guta muri yombi abakekwaho gutera inda abangavu batarageza imyaka y’ubukure, aho abagera kuri 22 bamaze gufatwa.

Ni gahunda y’ubukangurambaga izakorwa muri iki cyumweru, aho inzego z’umutekano zizagera mu mirenge yose igize aka karere zishakisha abakekwaho gusambanya abana b’abangavu bakabatera inda zitateganyijwe.

Muri uyu murenge wa Murambi watangiriyemo ubukangurambaga niwo wagaragayemo umubare w’abangavu benshi batewe inda, aho abamaze kumenyekana bagera 68. Muri uyu mukwabo wakozwe 19 nibo batawe muri yombi basanga abandi 3 bari bamaze iminsi bafashwe.

Mu mirenge yose igize akarere ka Gatsibo hakozwe urutonde rw’abakobwa bagaragaje abagabo babateye inda, rukaba rugaragaraho abagera kuri 494.

Mu kiganiro yagiranye n’ikinyamakurru Ukwezi.com Umuyobozi w’Akarere ka Gatsibo Gasana Richard yavuze ko bafashe gahunda yo gukora ubukangurambaga bugamije kwamagana abatera abangavu inda aho abakekwaho iki gikorwa bari gutabwa muri yombi.

Yagize ati “ Nk’akarere twafashe icyemezo ko tugiye gukora ubukangurambaga mu cyumweru cyose. Ni ubukangurambaga bwo kwamagana abatera abangavu inda, ariko tunigisha, tugaragaza uruhare rw’ababyeyi mu kurinda abana b’abakobwa guterwa inda, tunabwira abaturage amategeko ajyanye n’ibihano bihabwa abagabo bateye abana inda.”

Yakomeje avuga ko muri buri murenge hari imibare izwi yagaragajwe y’abagabo bateye abakobwa inda.

Meya Gasana avuga ko abo bakekwa bari gutabwa muri yombi kugira ngo bazakorerwe DNA abo bizahama bashyikirizwe ubushinjacyaha bubakurikirane.

Yagize ati “ Kugeza uyu munsi tumaze gufata 22. Twahereye ku murenge wa Murambi wagaragayemo benshi, ariko tuzakomereza no mu yindi mirenge.”

Uyu muyobozi w’Akarere ka Gatsibo atanga ubutumwa ku babyeyi ko bagomba kwita ku mibereho y’abana babo, bakabakurikirana bakamenya gahunda zabo za buri munsi.

Umuyobozi w’Akarere ka Gatsibo Gasana Richard avuga ko uyu mukwabo uzagera mu mirenge yose igize aka karere


INKURU ZA :
Tanga Igitekerezo
Ibitekerezo 2
Mfashingabo Kuya 11-12-2018

DNA ikoreshejwe neza yatuma benshi batarengana. Bajye bapima vuba ibisubizo bitangwe vuba.

bahe Kuya 4-12-2018

mubshishikarize kuboneneza urubyaro naho mwafunga mutafunga ntakizatuma abobangavu batabakubita ibikoresho nibo baba babishaka cyane erega ntabwo yaguha ngumurebere izuba rero muzafunga muzananirwa

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...