AMAKURU

UKWEZI
ubumwe

Gisagara: Agahinda k’ umukobwa wapfushije umugabo bakimara gusezerana [VIDEO]

Gisagara: Agahinda k’ umukobwa wapfushije umugabo bakimara gusezerana [VIDEO]
9-11-2019 saa 12:25' | By Nsanzimana Ernest | Yasomwe n'abantu 6296 | Ibitekerezo

Umukobwa wo mu karere ka Gisagara mu murenge wa Kigembe akagari ka Rusagara ari mu gahinda amaranye iminsi nyuma yo gupfusha umugabo bari bakimara gusezerana imbere y’ amategeko n’ imbere y’ Imana.

Uyu mukobwa witwa Marie Anne ubu yibereye iwabo kuko umugabo we akimara gupfa bakamushyingura imiryango yateranye yemeza ko umukobwa yisubirira iwabo.

Mu kiganiro yagiranye na UKWEZI online TV yavuze ko umusore bari basezeranye yafashwe ari ku wa Gatanu bamujyana kwa muganga arorohererwa ku wa Gatandatu barasezerana bukeye ku Cyumweru umugabo yongera kuremba bamujyana ku kigo nderabuzima agezeyo bamuha transfert bamujyana ku bitaro bya Kibilizi ari naho yaguye.

Marie Anne avuga ko ibyamubayeho byamuteye igikomere ku buryo yumva atiteguye guhita yongera gutekereza gushaka umugabo gusa yizeye ko Imana izamuha undi.

Agira ati “Ntabwo igikomere cyabura ariko kubera ko tugomba kwihanganira byose, nkomeje kubyihanganira wenda igihe kigeze Imana ikampa undi birashoboka ko nafata umwanzuro wenda nkabyemera”.

Nyina wa Marie Anne avuga ko ibyabaye ku mukobwa we bigoye kubyakira, kubona umukobwa agenda uziko agiye kubaka urugo, mu gitondo kare kare akaguhamagara ngo uwiwanjye ararwaye, bakamujyana ku bitaro atarasibira kabiri akaba arapfuye umukobwa akagaruka mu rugo.

Theresie ati “Biragoye kubona waratanze utwo ufitwe twose ugasenya ugasambura wajya kubona ukabona n’ ibyo waharaniye ntibibayeho”.

Hari amakuru avuga ko uyu musore yaba yarazize abagizi ba nabi gusa nyina wa Marie Anne avuga ko ibyo ntacyo yabimenyaho ko ahubwo byamenywa n’ umuryango w’ umusore kuko ari babanaga nawe umunsi ku wundi.

Uyu musore Ndayambaje na Marie Anne bavuka mu murenge umwe akagari kamwe gusa ni mu midugudu itandukanye.

Umujyanama w’ ubuzima uturanye n’ imiryango y’ aba bagenzi avuga ko umusore yafashwe avuga ko ababara umugongo ariko babireba bagasanga atari umugongo usanzwe, nyuma arwara umutwe baramusengera bamujyana no kwa muganga birangira Imana imwisubije.

Avuga ku kababaro batewe n’ urupfu rw’ uyu musore Ndayambaje , uyu mujyanama w’ ubuzima yagize ati “Induru zaravuye ku musozi. Wageraga no ku mukecuru w’ imyaka 100 akakubwira ngo nabaho ni ubwa mbere mbonye ibi. Dufite agahinda katazatuvamo”.

INKURU IRAMBUYE MU MASHUSHO N’ AMAJWI


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...