konka coffee
KONKA

AMAKURU

UKWEZI

Hagiye gukorwa ubushakashatsi buzerekana uko Abanyarwanda bazi igiswahili bangana

Hagiye gukorwa ubushakashatsi buzerekana uko Abanyarwanda bazi igiswahili bangana
6-04-2018 saa 15:08' | By Chief Editor | Yasomwe n'abantu 686 | Ibitekerezo

Ibihugu bigize Umuryango wa Afurika y’Uburasirazuba birimo n’u Rwanda, bihuje intumbero yo guteza imbere ururimi rw’igiswahili nk’ururimi ruvugwa na benshi mu baturage bo mu bihugu 6 bigize uyu muryango. Kuri ubu mu Rwanda, hagiye kuba ubushakashatsi buzagaragaza ingano y’abanyarwanda bazi igiswahili mu nzego zose.

Itsinda rigizwe n’abayobozi ba Komisiyo y’Igiswahili mu muryango wa Afurika y’Uburasirazuba ndetse n’abafatanyabikorwa babo mu Rwanda, bamaze iminsi bari mu mahugurwa aho bamwe mu banyarwanda bazobereye mu mikoreshereze y’igiswahili bagiye kuzenguruka u Rwanda bakora ubushakashatsi buzagaragaza uburyo igiswahili kizwi kandi gikoreshwa haba mu nzego za Leta, iz’abikorera n’abantu ku giti cyabo.

Itsinda ry’abari mu mahugurwa y’abazakora ubushakashatsi, abayobozi n’abafatanyabikorwa

Ubu bushakashatsi buzagaragaza imibare n’ikigero cy’ubumenyi bw’igiswahili mu nzego zose mu Rwanda, hanyuma ibizavamo bizatange amakuru y’ibikenewe mu kurushaho kwimakaza ubumenyi bw’uru rurimi ruzajya rukoreshwa cyane n’abo mu bihugu bya Uganda, Burundi, Tanzania, Kenya n’u Rwanda bihuriye muri uyu muryango.

Dr Kenneth Simala, Umunyamabanga Nshingwabikorwa wa Komisiyo y’Igiswahili mu muryango wa Afurika y’Uburasirazuba, yabwiye abanyamakuru ko u Rwanda ruri mu bihugu bizashyirwamo imbaraga mu kuzamura ubumenyi bw’igiswahili, kuko usanga muri uyu muryango hari ibindi bihugu bisanzwe bikoresha igiswahili cyane birimo Tanzania na Kenya.

Yavuze kandi ko u Rwanda rufite ubushake bugaragara mu guteza imbere ubumenyi bw’Igiswahili, anashima by’umwihariko ubuyobozi bw’igihugu ku kuba haherutse gusohoka Iteka rya Perezida rishyira uru rurimi mu ndimi z’ubutegetsi, rugasangamo Ikinyarwanda, Icyongereza n’Igifaransa.

Mu gihe cy’aya mahugurwa, iri tsinda ry’abayobozi ba Komisiyo y’Igiswahili mu muryango wa Afurika y’Uburasirazuba, abafatanyabikorwa ndetse n’abahuguriwe gukora ubushakashatsi, banafashe akanya ko gusura urwibutso rwa Jenoside rwa Kigali ruri ku Gisozi banashyira indabo ku mva zishyinguwemo abatutsi bishwe muri Jenoside yakorewe abatutsi.

Basuye urwibutso rwa Jenoside rwa Kigali

Dr Kenneth Simala (ufite indabo), ni we munyamabanga Nshingwabikorwa wa Komisiyo y’Igiswahili mu muryango wa Afurika y’Uburasirazuba


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...