konka coffee
KONKA

AMAKURU

UKWEZI

Kamonyi:Umurambo w’umugore watoraguwe ku nkengero z’umugezi

Kamonyi:Umurambo w’umugore watoraguwe ku nkengero z’umugezi
18-04-2018 saa 11:44' | By Vincent Nsengiyumva | Yasomwe n'abantu 3600 | Ibitekerezo 4

Umugore wo mu kigero cy’imyaka 45 utaramenyekana amazina yasanzwe ku nkengero z’umugezi witwa Umukunguri yapfuye. Uyu mugezi wasanzweho umurambo w’uyu mubyeyi uherereye mu murenge wa Nyamiyaga Akarere ka Kamonyi, ukaba utandukanya aka karere n’aka Ruhango.

Mu gitondo cyo kuri uyu wa Gatatu mu masaha ya saa kumi n’ebyiri n’igice nibwo abaturage babonye umurambo w’uyu mubyeyi ku nkengero z’uyu mugezi maze bahita batabaza nk’uko Umunyamabanga nshingwabikorwa w’umurenge wa Nyamiyaga, MBONIGABA Emmanuel yabitangarije Ukwezi.com.

Gitifu Mbonigaba yavuze ko uyu nyakwigendera atamenyekanye inkomoko n’imyirondoro ye ngo kuko nta cyangombwa na kimwe bamusanganye ndetse ko n’abaturiye uwo mugezi batabashije kumenya imyenda yari yambaye.

Yanakomeje avuga ko hataramenyekana icyaba cyahitanye uyu mubyeyi, ariko hari gukekwa ko yaba yahitanwe n’uyu mugezi ngo kuko ukunda kuzura cyane cyane mu bihe by’imvura nyinshi.

Yagize ati “ Ubwo abatuye hafi y’uyu mugezi batangiraga kujya mu mirimo yabo , babonye umurambo ku nkengero z’umugezi maze bahita batabaza. Twasanze nta byangobwa afite ku buryo kugeza na magingo aya tutaramumenya. Harakekwa ko nyakwigendera yaba yahitanwe n’umugezi ashaka nko kwambuka kuko mu bihe nk’ibi ukunze kuzura cyane.”

Gitifu Mbonigaba yavuze ko umurambo wahise ujyanwa ku bitaro kugira ngo usuzumwe hamenyekane icyaba cyamuhitanye ndetse ko inzego z’umutekano nazo ziri kubikoraho iperereza .


INKURU ZA :
Tanga Igitekerezo
Ibitekerezo 4
Désiré Irakoze Kuya 22-04-2018

Imana Imwakire Mu Bwami Bwayo Ntakundi Umuryango We Naho Utaramenyekana Mihangane Murakoze!

nshimiyimana jean pierre Kuya 21-04-2018

uwomugore akorerwe iperereza bamenyeumuryango we imanaimwakire ubayo.

Benigne Igiraneza Kuya 18-04-2018

Mwiriwe!
Turabasaba numero zumuyobozi twabaza amakuru yuwo muntu batoye kuko natwe twabuze umubyeyi ari mukigero kimwe nicye, niba bishoboka mudufashe.
Murakoze!

Benigne Igiraneza Kuya 18-04-2018

Mwiriwe!
Turabasaba numero zumuyobozi twabaza amakuru yuwo muntu batoye kuko natwe twabuze umubyeyi ari mukigero kimwe nicye, niba bishoboka mudufashe.
Murakoze!

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...