konka coffee
KONKA

AMAKURU

UKWEZI

Karongi: Umugenzuzi w’imari ya Leta yafashwe ari kwakira Ruswa

Karongi: Umugenzuzi w’imari ya Leta yafashwe ari kwakira Ruswa
1-06-2018 saa 15:00' | By Vincent Nsengiyumva | Yasomwe n'abantu 10302 | Ibitekerezo 4

Umugenzuzi w’Imari mu Karere ka Karongi Niyibizi Evase w’imyaka 46 yafatiwe mu cyuho arimo kwakira Ruswa y’amafaranga ibihumbi ijana (100.000) yazaga yiyongera ku yandi yari yahawe n’ubuyobozi bw’ishuri rya VTC Rubengera.

Uyu mugenzuzi (Auditor) Niyibizi Evase yafatanwe n’umuyobozi w’ikigo cy’ishuri cya VTC Rubengera witwa Nishimwe Vedaste bakaba bacumbikiye kuri sitatiyo ya RIB iherereye Bwishyura muri Karongi.

Urwego rw’Ubugenzacyaha bw’u Rwanda, RIB ruvuga ko Niyibizi Evase yafashwe kuwa kane tariki 28 Gicurasi 2018, mu kagari ka Gacaca Umurenge wa Rubengera ari guhabwa ruswa ya 100 000Frw yari azaniwe n’uwitwa Nzamurambaho Magnifique Fidel usanzwe ari Umucungamutungo w’iki kigo cya VTC Rubengera.

Urwego rw’ubugenzacyaha RIB ibinyujije ku rukuta rwayo rwa Twitter, ikomeza ivuga ko ayo mafaranga Niyibizi Evase yari azaniwe n’Umucungamutungo w’ikigo cya VTC Rubengera, yari ayo kuzuza ayo bari bumvikanye ko azahabwa kugira ngo abakurireho igihombo ikigo cyagize cy’amafaranga agera kuri Miliyoni eshatu n’ibihumbi Magana ane na mirongo itanu (3,450,000Rfw).

Icyo gihombo cyari icy’ ibikoresho by’ubwubatsi no gusudira byari byatanzwe nk’inkunga ya "Swiss Contact" Project.

Ubwo bamaraga kugira igihombo cy’aya mafaranga, Nishimwe Vedaste uyobora iki kigo yahise yumvikana n’uyu mugenzuzi w’akarere ka Karongi Niyibizi Evase ko bazamuha ibihumbi Magana atanu (500.000frw) maze akabakuriraho icyo gihombo.

Ngo bakimara kubyumvikana tariki ya 18 Gicurasi 2018 Niyibizi Evase yahise ahabwa ibihumbi Magana abiri na mirongo itanu (250.000Rfw ) bumvikana ko andi bazayamuha nyuma akaba ariyo yafashwe arimo kwakira.

RIB yavuze ko bamufashe ari guhabwa ibihumbi ijana (100.000Rfw) ariko andi ngo ibihumbi ijana na mirongo itanu (150.000 Rfw) yari asigaye kugirango ibihumbi 500 bamwemereye yuzure, ngo yari kuzamugeraho mu cyumweru gitaha nk’uko babyivugiye.

Niyibizi Evase wari umugenzuzi w’imari ya Leta n’Umuyobozi w’ishuri rya VTC Rubengera bari mu maboko ya Polisi


INKURU ZA :
Tanga Igitekerezo
Ibitekerezo 4
xx Kuya 1-06-2018

ruswa iraribwa nuko idashira.

egoko Kuya 1-06-2018

nibawarafashe inguzanyo shahu urarigwishije wiyubikiye imbehe ugiye gukora mabuso uzayivamo bank iteza ibyawe ubundi wigire.mugatebo kabakene

Gasigwa Kuya 1-06-2018

Bazafate n’uwitwa Albert Jessy Ni IT w’ akarere nawe aryamenshi kuburyo ntamuntu ukorera kuri contract adaca amafaranga wabyanga contract yawe ikazarangizwa utamenye uko bigenze.
Akarere ka Karongi karamwizeye kamuha ubushobozi bwo gukora contract nkaho ariwe mpuguke muri recruitment.

Ikindi niwe basaba kubakoreshereza reservation ago barinbwakirire abantu maze so ukurya amafaranga akivayo, Nina umuntu yemerewe ago kurara bakamujyana ahaciriritse land in banish yuga kuri facture yo hejuru.
Ibiryo imvange ugasanga banditse ko umuntu yariye ibya 7000 cg 5000 kandi bamugaburiye ibya 1000Frw.

Nzaba ndora

nana Kuya 1-06-2018

mubona inda zabo wagirango zirimo abana siruswa birirwa batamira hirya nohino iraribwa ntabwo leta yayirwanya ngo iyishobore

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
  • uwayo https://umuseke.rw/amp/turarakaye-twabuze-epfo-na-ruguru-abagore-babwira-paapa.html

    ">nsubize#Igiraneza https://umuseke.rw/amp/turarakaye-twabuze-epfo-na-ruguru-abagore-babwira-paap
  • IZINDI NKURU WASOMA
    Loading...