konka coffee
KONKA

AMAKURU

UKWEZI

Musanze: Umwana w’imyaka 2 yahiriye mu nzu arakongoka ababyeyi bagiye kwinywera inzoga

Musanze: Umwana w’imyaka 2 yahiriye mu nzu arakongoka ababyeyi bagiye kwinywera inzoga
3-04-2018 saa 13:48' | By Vincent Nsengiyumva | Yasomwe n'abantu 5501 | Ibitekerezo 3

Umwana w’umukobwa wo mu kigero cy’imyaka 2 n’igice witwa Uwikaze Kevine wo mu mudugudu wa Bugese, akagari ka Mburabuturo Umurenge wa Muko mu karere ka Musanze yahiriye bikomeye mu nzu bimuviramo gupfa, mu gihe ababyeyi be bari bigiriye kwinywera inzoga ku kabari kari hafi aho.

Izi nsanganye zabaye mu ijoro ryo ku cyumweru tariki ya 1 Mata 2018 mu masaha ya saa tatu za nijoro ubwo ababyeyi be bari bamusize mu buriri aryamye.

Bivugwa ko ababyeyi be, Muhawenimana Sonia n’umugabo we Ntibarilkure Sprien bashakanye ariko akaba atari we babyaranye nyakwigendera Kevine, bari basize bamufungiranye mu nzu.

Umuvugizi wa Polisi y’u Rwanda mu Ntara y’Amajyaruguru CIP Twizeyimana Hamdouni yahamirije Ukwezi.com iby’iyi nkuru, avuga ko umwana yahiye agakongoka ku buryo n’umurambo we utabashije kuboneka.

Yagize ati “Nibyo koko umwana witwa Uwikaze Kevine wo mu kigero cy’imyaka ibiri n’igice yarahiye bikomeye ku buryo no kubona amagufwa ye byabaye ingorabahizi.”

CIP Hamuduni yakomeje avuga ko kugeza ubu hataramenyekana icyatwitse uyu mwana ngo cyane ko hahiye uburiri yari aryamyeho gusa ntihagira ahandi hashya muri iyo nzu.

Ati “ Ni ibintu birimo amayobera kuko yarahiye arakongoka n’akamatera yari aryamyeho kdi nta mwotsi wigeze ugera hanze ngo n’abaturanyi babe batabara cyane ko n’inzu itahiye.”

Yakomeje avuga ko hakiri gukorwa iperereza kugira ngo hamenyekane uwaba abiri inyuma, ariko ababyeyi be bombi ndetse n’abandi baturanyi bari mu maboko ya polisi kuri sitasiyo ya Muko mu rwego rwo gushakishwamo amakuru cyane ko abaturanyi bemeza ko nyakwigendera yaba yaratwitswe.

Uwikaze yarahiye arakongoka ku buryo no kubona amagufwa ye byabaye ingorabahizi


INKURU ZA :
Tanga Igitekerezo
Ibitekerezo 3
peace@yahoo.fr Kuya 5-04-2018

Sindi umucamanza ariko uko nsomye inkuru uru rubanza naruca batubwiye ko uyu mwana ari uwuyu mugore atari uwuyu mugabo by umvikane ko yaje amufite ikindi inzu ntiyahiye hahiye ibyo umwana aryamyeho gusa nawe ikindi gusohoka ariya masaha bakajya mukabari basize umwana aryamye munzu wenyine kubwanjye yishwe nabitwa ko bari bamubereye ababyeyi nyina afatanyije n umugabo cg umugabo akaba yarashutse uwo mugore agasigara inyuma agasiga atwitse ko byumvikane ko nubundi ayo masaha yari yasinziye

babakatire urubakwiriye.

milinda Kuya 3-04-2018

Ariko ngewe senzi kabisa.abantu babyara bataraba responsable baba bari gutera abandi babyeyi agahinda.birababaje kubona ingirwa babyeyi zisiga umwana wigitambabuga munzu zikajya mubugiryi bwo kunkwa ibiziba.uwo muziranenge Imana imuryamishe aheza ntakindi kdi ababyeyi nkabo mujye mubahana bajye bareka kuzana uburofa kubuzima bw impinja.nge ikintu cyose kibaye k umwana sinkihanganira kuko umwana mubyukuri aba abejejwe n ubuzima kdi akeneye protection.shummm

milinda Kuya 3-04-2018

Ariko ngewe senzi kabisa.abantu babyara bataraba responsable baba bari gutera abandi babyeyi agahinda.birababaje kubona ingirwa babyeyi zisiga umwana wigitambabuga munzu zikajya mubugiryi bwo kunkwa ibiziba.uwo muziranenge Imana imuryamishe aheza ntakindi kdi ababyeyi nkabo mujye mubahana bajye bareka kuzana uburofa kubuzima bw impinja.nge ikintu cyose kibaye k umwana sinkihanganira kuko umwana mubyukuri aba abejejwe n ubuzima kdi akeneye protection.shummm

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...