konka coffee
KONKA

AMAKURU

UKWEZI
ubumwe

Ndahimana wasezeranye yambaye kambambili yaguriwe inzu ya miliyoni 3,7 [AMAFOTO]

Ndahimana wasezeranye yambaye kambambili yaguriwe inzu ya miliyoni 3,7 [AMAFOTO]
27-12-2018 saa 21:19' | By Nsanzimana Ernest | Yasomwe n'abantu 17665 | Ibitekerezo 15

Abakoresha imbugankoranyambaga bakusanyije amafaranga bagurira umuryango wa Ndahimana Narcisse na Mutuyemariya Consilie inzu ya miliyoni 3 n’ ibihumbi 700 nk’ uko bigaragara ku masezerano y’ ubugure.

Iyi nzu umuryango wa Ndahimana waguriwe iherereye mu murenge wa Shyogwe, Akagari ka Kinini, Umudugudu wa Kabungo, ifite agaciro ka 3 700 000.


Byabaye nyuma y’ uko na Fun club ya Rayon Sports ibabarizwa muri Mozambique yahaye umuryango wa Ndahimana inkunga y’ ibihumbi 350 000frw.

Ndahimana w’ imyaka 47 atuye mu Murenge wa Shyogwe, Akarere ka Muhanga, ubuzima abayemo bwakoze benshi ku mutima ubwo ku mbugankoranyambaga hakwirakwiraga amafoto ye yasezeranye mu mategeko yambaye Kambambili.

Tariki 26 Ukuboza nibwo Ndekwe Philbert , Perezida w’iyo Fan Club yo muri Mozambique yashyikirije Ndahimana n’umugore we sheke iriho iyo nkunga.
Ndekwe amaze iminsi mu Rwanda yari yitabiriye inama y’umushyikirano n’izindi nama zinyuranye zihuza Abanyarwanda bo muri Diaspora.

Ndekwe avuga ko inkunga bakusanyije ari iyo gufasha umuryango wa Ndahimana mu muhango wo gusezerana imbere y’Imana tariki 30 Ukuboza 2018.

Yagize ati "Amashusho yatambutse ku mbuga nkoranyambaga yadukoze ku mutima , twumva ko natwe hari icyo twakorera umuryango wa Ndahimana kuko ibikorwa byacu ntabwo bigarukira ku gufana gusa no kwishimira intsinzi ahubwo tugira n’izindi gahunda zo gufashanya hagati yacu ndetse no gufasha abatishoboye iyo bibaye ngombwa."


Iyi nzu niyo umuryango we wabagamo, ubu yatewe umucanga

Evarite waherekeje Ndekwe yabonye ubuzima umuryango wa Ndahimana ubayemo abongera ibihumbi 20 byo kuba bifashisha mu gihe batarabikuza sheke.

Ndahimana yafungurijwe konti muri BK inyuzwaho amafaranga y’ inkunga ahabwa. Abagiraneza bamusaniye inzu ndetse hari n’ abagiye gusangira nawe noheli.

Ndahimana avuga ko akurikije uko abantu bakomeje kumufasha ntacyo yashinja Imana.

Yagize ati: "Icyo nshimira Imana, ntabwo nigeze nongera kuburara cyangwa se ngo abana banjye babwirirwe. Abantu baransuye, bangenera igikoma, bamenyera abana utwambaro, nta kintu mbona nashinja Imana."


Ndahimana yavuze ko yasezeranye n’ umugore ngo amushimire ko yakomeje kumwitaho muburwayi bwe

Ndahimana afite ikibazo cy’ ubukene aterwa no kuba amaze 9 afite uburwayi butuma ntacyo abasha gukora.

Ndahimana yatangiye kuvurwa bigizwemo uruhare n’Akarere ka Muhanga. Ibitaro bya Kabgayi byamwohereje muri CHUK kugira ahabwe ubuvuzi byisumbuyeho.


INKURU ZA :
Tanga Igitekerezo
Ibitekerezo 15
Alexis Kuya 30-12-2018

Kuki mutashaka abandi babaye nkawe nabo ngo tubafashe

Alexis Kuya 30-12-2018

Kuki mutashaka abandi babaye nkawe nabo ngo tubafashe

Peter Gikundiro Mugwaneza Kuya 28-12-2018

Imana ihe umugisha buri wese wagize icyo yigomwa agifashisha uriya muryango

Elise Kuya 28-12-2018

Ntabwo ari ngombwa ko ibintu byose byandikwa cyane ko nta n’inyungu tubifitemoahubwo twishimira ko umuntu yavuye kurwego rubi agera ku rwiza,gusa Imana ishimwe

Timothe ndayisenga Kuya 28-12-2018

Turashimira abantu bamaze kwitanga mugufasha uwomuryango tunasaba adress ze neza kuko natwe dufite ubushake bwo kumufasha bidaciye muzindinzira urugera nka adress za mudugudu mukuturangira neza aho atuye .

Prudence Kuya 28-12-2018

Nibyo;
Imbuga Nkoranyambaga zifasha gucyemura ibibazo.
Igisigaye ni uguha umurongo uburyo bicyemurwamo.

Prudence Kuya 28-12-2018

Nibyo;
Imbuga Nkoranyambaga zifasha gucyemura ibibazo.
Igisigaye ni uguha umurongo uburyo bicyemurwamo.

-xxxx- Kuya 28-12-2018

dushimimana jean marie vianney niba uri na dany vumbi wiyoberanyije gabanya ubwo bucucu n’ubugome ufite mumutima wawe. Group ya dani vumbi se ibahe? dani vumbi se ahubwo ni iki? mujye mugabanya gushaka kubakira izina kubantu bababaye.

abantu bafashije uyu mugabo Imana izasubize aho bakuye inshuri ibihumbi , kandi nizeyeko Imana izabagororera, niyo bitaba nonaha ariko abazabakomokaho bazagira Umugisha.

Izere rosine Kuya 28-12-2018

Mana amashimwe nayawe kuko Niwowe ukorera Mubantu bawe bagakora ibikorwa nkibi by’indashyikirwa!!!!

gakuba Kuya 28-12-2018

nta gisobanutse kirimo abo muli mazambique ngo batanze 350 000 ngo yaguriwe inzu ya 3 500 000 ngo inzu ye yatewe, umucanga,aliko a bandika basoma ibyo banditse mbere yo ku bishyirwa kumbuga!!

Alphonse Kuya 28-12-2018

Imana y’amahoro ikorera igihe ishakiye, n’ihabwe icyubahiro mw’Ijuru no mw’isi kubw’imirimo itangaje irimo gukorerwa uyumuryango. Amen.

Alphonse Kuya 28-12-2018

Imana y’amahoro ikorera igihe ishakiye, n’ihabwe icyubahiro mw’Ijuru no mw’isi kubw’imirimo itangaje irimo gukorerwa uyumuryango. Amen.

Mimi Kuya 28-12-2018

Ariko Mbega mana ngo urakora! Nguhaye icyubahiro Ku biri gukorerwa uyu muryango.

Rwiririza Peter Kuya 27-12-2018

Abafashije uriya muryango ni benshi. Nimubaze Akarere ka Muhanga kababwire n’abandi banyarwanda batanze inkunga mubavuge bose, kuko bose ni abo gushimirwa.

Dushimiyimana jean marie vianney Kuya 27-12-2018

Ko tubonyeko fun club ya Rayon sport Mozambike yatanze inkunga ya 350,000 iyi nkuru ikaba itagaragaza abaguriye Inzu uriya muryango? Nibande baguze iriya nzu. ESE ko Group ya ba Vumbi Danny yateranyije arenga 5,000,000 bo bazakora iki? ko ntacyo bakora kandi amafaranga yaramazegutangwa?

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...