konka coffee
KONKA

AMAKURU

UKWEZI

Nyaruguru: Umusore akurikiranweho kwica nyina amuciye umutwe

Nyaruguru: Umusore akurikiranweho kwica nyina amuciye umutwe
15-05-2018 saa 09:32' | By Vincent Nsengiyumva | Yasomwe n'abantu 4457 | Ibitekerezo 4

Umusore wo mu Kagari ka Nyarure, Umurenge wa Munini Akarere ka Nyaruguru ari mu maboko ya Polisi aho akurikiranweho icyaha cyo kwica nyina umubyara witwa Mukarushema amuciye umutwe.

Aya mahano uyu musore w’imyaka 28 yayakoze ku mugoroba wo ku Cyumweru tariki ya 13 Gicurasi 2018, ubwo yacungaga nta muntu uri mu rugo agahita atema nyina ijosi agahita yitaba Imana.

Amakuru ikinyamakuru Ukwezi.com akesha abaturanyi b’uyu muryango ashimangira ko wari usanzwe ugaragaramo amakimbirane ashingiye ku mitungo, aho mu muryango hakundaga kugareagara intonganya, bikaba bikekwa ko ariyo ntandaro y’ubu bwicanyi.

Uyu musore akimara kwica nyina umubyara wari mu kigero cy’imyaka 65, yahise atoroka muri iryo joro ryo ku Cyumweru yamwisheho, ariko ku munsi wo ku wa Mbere aza kwishyikiriza Polisi ikorera muri aka karere ka Nyaruguru.

Umunyamabanga Nshingwabikorwa w’Umurenge wa Munini, Ndamuramya Fidèle, yashimangiye ko uwo muryango wari usanzwe ugirana amakimbirane ashingiye ku mitungo kuko se ubyara uwo musore amaze gupfa nyina abazanamo undi mugabo abyara abandi bana ku buryo batarebanaga neza.

Yagize ati “Bari basanzwe bapfa imitungo, se ubyara uwo muhungu yarapfuye noneho nyina abazanamo undi mugabo babyarana abana batatu, bahoraga mu makimbirane bapfa imitungo bavuga ko abo bana b’undi mugabo babaryamira. Ejo rero nibwo yamuteze avuye gukura ibijumba amutema ijosi ahita apfa.”


INKURU ZA :
Tanga Igitekerezo
Ibitekerezo 4
DUSENGE Kuya 17-05-2018

Ark Mana isi igeze kwiherezo pe! ndumiwe

byiringiro Kuya 16-05-2018

kabisiuwomusoremumukatireurwaburundukukontabwobishobokakwicanyokowakubyaye

Filimini Kuya 15-05-2018

Nukuri birababaje aho umwana yica uwamubyaye abaturage baje batangira amakuru kugihe kandi vuba kungo zibana mumakimbirane,uwomusore wakoze ayomahano akanirwe urumukwiye

dddddddddddd Kuya 15-05-2018

Ariko ubu si ubujiji harimo n’ubugoryi bukabije rwose.
Ubu se ko yishe Nyina akaba agiye gufungwa burundu, imitungo yarwaniraga igasigarwa mo n’umugabo wa Nyina?

Intego yari afite ayigeze ho koko?

Akwiye gukanirwa urumukwiye umuntu utinyuka kwica umubyeyi wamwibarutse koko?

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...