konka coffee
KONKA

AMAKURU

UKWEZI
ubumwe

RSSB igiye kubaka inzu ziciriritse izagurisha kuva kuri Miliyoni 10

RSSB igiye kubaka inzu ziciriritse izagurisha kuva kuri Miliyoni 10
16-02-2019 saa 11:24' | By Vincent Nsengiyumva | Yasomwe n'abantu 1955 | Ibitekerezo 2

Ikigo cy’Ubwiteganyirize mu Rwanda (RSSB), cyatangaje ko kigiye kubaka inzu ibihumbi birindwi (7000) i Gasogi mu Karere ka Gasabo zifite agaciro kari hagati ya miliyoni 10 na 20 Frw mu rwego rwo gutuza n’abafite amikoro make.

Ibi byatangajwe kuri uyu wa Gatanu tariki 15 Gashyantare 2019 mu kiganiro ubuyobozi bw’iki kigo bwagiranye n’abanyamakuru mu rwego rwo kugaragaza ibyagezweho mu mezi atandatu ashize ndetse n’ibiteganywa mu mezi 6 ari imbere.

Umuyobozi Mukuru wa RSSB, Richard Tusabe, yagaragaje ko hari byinshi byagenze neza ariko ngo hari n’imbogamizi bagenda bahura nazo zigatuma batagera kubyo biyemeje 100%.

Yavuze ko hari byinshi byashyizwe mu bikorwa kandi biri gutanga umusaruro mu buryo bugaragara birimo nko kunoza serivisi za mituweli hakoreshejwe ikoranabuhanga kuvugururwa uburyo bwo gusezerera abajya mu za bukuru n’ibindi bizamura imibereho y’abafatanyabikorwa.

Uretse ibi bimaze kugerwaho, Richard Tusabe avuga ko hari n’ibindi byinshi bateganya gushyira mu bikorwa bizamura imibereho y’abanyarwanda by’umwihariko abanyamuryango ba RSSB birimo nko kubakira amacumbi abafite ubushobozi bucye maze nabo babone inzu zo kubamo.

Yavuze ko iyi gahunda yo kubaka aya macumbi izatangira muri uyu mwaka wa 2019 ngo kuko ibisabwa byose birimo n’aho kuzubaka byamaze kuboneka.

Yagize ati “Murabizi ko mu bibazo dufite nk’igihugu harimo icy’ubwubatsi , RSSB nk’uko mubizi kuva mu 2003 twubatse Umudugudu wa Kagugu, uwa Vision 2020 kandi turakomeje kugira ngo tuzibe icyuho kiri mu mazu ariko tureba ku ngeri z’abafatabuguzi bacu bose, ufite ubushobozi buhanitse , ufite ubushobozi bukeya buri muntu yibone mu byo turimo gukora.”

Yakomeje agira ati “ Dufite undi mushinga wo kubaka amazu aciriritse cyane, tukaba turimo kuganira n’abafatanyabikorwa , turashaka kuyubaka Gasogi. Tuzayubaka ahitwa ku ijuru rya Gsasogi aho duteganya kuhubaka amazu ibihumbi birindwi ku giciro cyoroheye abafatabuguzi bacu bafite amikoro make. Ni inzu nziza kandi zizaba zihendutse kuko imwe izaba igura kuva kuri miliyoni 10 kugeza kuri 20 z’amafaranga y’u Rwanda.”

Richard Tusabe avuga ko hari imbogamizi bagenda bahura nazo harimo bamwe mu bakozi bafatanya n’abaturage gukora uburiganya bakiba amafaranga y’iki kigo.

Yanagarutse ku bigo bikorana n’iki kigo birimo n’amafarumasi bicuruza magendu bigatuma RSSB igwa mu bihombo, gusa ashimangira ko ibigo nk’ibi byahagurukiwe mu buryo bukomeye ndetse ko hari abatangiye gufatwa.

Umuyobozi Mukuru wa RSSB, Richard Tusabe mu kiganiro n’abanyamakuru. Photo:TNT


INKURU ZA :
Tanga Igitekerezo
Ibitekerezo 2
Uwera Kuya 19-02-2019

Nonese mudusobanurire uwakenera amakuru kuri izo nzu yabarizahe tubwire turayakeneye pe

Ndayisaba Herman Kuya 18-02-2019

Ni iby’agaciro gufasha umuryango nyarwanda mu rwego rwo kubona amacumbi
Ariko nifuzaga ko mwazambariza gahunda yo kongera ibikorwa bya RSSB byari biteganyijwe mu karere ka Kicukiro, Umurenge wa Gahanga aho bigeze.
Bituma nta bikorwa birambye bihakorerwa kubera gutinya kuhimurwa isaha nisaha Murakoze

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...