konka coffee
KONKA

AMAKURU

UKWEZI

Rulindo: Abagore barashinjwa kugaburira abana babiri inzoka, umwe ararembye bikomeye

Rulindo: Abagore barashinjwa kugaburira abana babiri inzoka, umwe ararembye bikomeye
31-03-2018 saa 12:14' | By Akayezu Jean de Dieu | Yasomwe n'abantu 6543 | Ibitekerezo 2

Abagore babiri bo mu mudugudu wa Rukore, akagari ka Kajevuba, umurenge wa Ntarabana ho mu karere ka Rulindo, Intara y’Amajyaruguru baravugwaho gukoresha abana babo mu gutwika inzoka bakayigaburira abana batari ababo kuri ubu abo bana bakaba barembye bikomeye aho umwe arwariye ku kigo nderabuzima cya Kajevuba kiri muri uyu murenge wa Ntarabana, mu gihe undi we yakomerewe cyane ubu yajyanywe ku bitaro bya Rutongo.

Umwana umwe wariye iyi nzoka ni uw’imyaka 7 akaba uwa Mukamusonera Josiane utuye mu mudugudu wa Rukore, undi mwana w’imyaka 4 ni uwa Nyiramakuba Xaverine nawe wo mu mudugudu wa Rukore mu kagari ka Kajevuba mu murenge wa Ntarabana ho mu karere ka Rulindo

Mukamusonera Josiane yabwiye Ukwezi.com ko kuwa Kabiri w’iki Cyumweru turi gusoza aribl bwo abagore babiri, bombi bakana ari baramukazi be, bakoresheje abana babo bakuru batwika inzoka bayigaburira abato kuri ubu ngo bakaba bamerewe nabi cyane aho umwe ari no mu bitaro bya Rutongo.

Nyiramakuba Xaverine asobanura iby’akaga umwana we yahuye nako we yagize ati “Ikibazo twahuye nacyo ni icy’abana batwitse inzoka bazigaburira abandi bana, ikibitwemeza ni uko abana barwaye, uyunguyu yariwe munda rero abandi bana babonye ariwe mu nda baratangira bati aho si ya nzoka yariye? Ni uko nibwo bahise babimbwira, iyo nzoka yari yishwe n’abagenzi bayisiga mu muhanda haza abagore babiri baravuga ngo inzoka y’impiri iyo bayishe bakayitaba irashanguka aho ishangukiye haza izindi ngo bazayitwike.”

Yakomeje agira ati “Abo bagore babiri bava inda imwe barayifashe bayishyira mu rubingo rwabo barangije mu gitondo baragenda barayitwika ariko ntibayitwika ngo ishire imihore bayigaburira abo bana”

Uyu mubyeyi yakomeje avuga ko uyu mwana we yamujyanye mu bavuzi ba Kinyarwanda bamuha imiti yo kumugangahura aho ngo bamuhaye amakara bamubwira ko aza kumwoza munda, ariko undi mwana we ngo kuri ubu yajyanywe ku bitaro bya Rutongo niho ari kuvurizwa kuko we yari yarembye cyane.

Aganira n’Ikinyamakuru Ukwezi.com ku murongo wa Telefone, umunyamabanga Nshingwabikorwa w’Umurenge wa Ntarabana, yavuze ko kugeza ubu nawe agikurikirana iby’aya makuru gusa atwizeza ko yamaze kuvugana n’ubuyobozi bw’akagari aho yizeye ko baza kumuha amakuru akaza kubitumenyesha. Turahita tubatangariza icyo abivugaho.


INKURU ZA :
Tanga Igitekerezo
Ibitekerezo 2
NIYUHIRE Daphrose Kuya 4-04-2018

Nukuri ibiriko biraba biteye ubwoba cane abo bagore batanze iyo nzoka bakwiye guhanwa kuki batayigaburiye abana babo bakayiha abana babandi n’igihe ciherezo pe igikwiye nukwisengera cane imisi nimibi.

NIYUHIRE Daphrose Kuya 4-04-2018

Nukuri ibiriko biraba biteye ubwoba cane abo bagore batanze iyo nzoka bakwiye guhanwa kuki batayigaburiye abana babo bakayiha abana babandi n’igihe ciherezo pe igikwiye nukwisengera cane imisi nimibi.

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...