AMAKURU

UKWEZI
ubumwe

Rwanda, Burundi na Tanzania byasuye urugomero ruzabisaranganya amashanyarazi

Rwanda, Burundi na Tanzania byasuye urugomero ruzabisaranganya amashanyarazi
21-06-2019 saa 13:34' | By Nsanzimana Ernest | Yasomwe n'abantu 1488 | Ibitekerezo

Minisitiri w’ Ibikorwaremezo Amb. Claver Gatete niwe wahagarariye guverinoma y’ u Rwanda mu muhango wo gusura imirimo yo kubaka urugomero ruzatanga umuriro ungana na megawatt 80.

U Burundi bwari buhagarariwe na Minisitiri w’ Ingufu Eng.Come Manirakiza naho Tanzania ihagarariwe na Minisitiri w’ Ingufu Dr Medard Kalemani.

Aba baminisitiri basanze iyi mirimo yo kubaka urugomero rw’ akarere rwa Rusumo igeze hafi muri kimwe cya kabiri.

Imirimo yo kubaka uru rugomero rwa Rusumo yatangiye kuri Gashyantare 2017, biteganyijwe ko uru rugomero rugomba kuba rwuzuye mu myaka 3 niba nta gihindutse.

Megawatt 80 zizatangwa n’ uru rugomero zizasangirwa n’ u Burundi, u Rwanda na Tanzania. By’ umwihariko mu Rwanda abaturage bazacanirwa n’ uru rugomero ni abo mu karere ka Kirehe na Goma mu Ntara y’ Iburasirazuba.

Buri gihugu kizafata Megawat 26. Uyu muriro uzacanira abaturage barenga miliyoni 1. Mu Rwanda abaturage bazacanirwa na Rusumo falls barenga ibihumbi 500, mu Burundi barenga ibihumbi 400 naho muri Tanzania ni 159.

Biteganyijwe ko uru rugomero rwa Rusumo Falls ruzafasha guverinoma y’ u Rwanda muri gahunda rwiyemeje yo kugeza amashanyarazi ku baturage bose bitarenze 2024.

Uyu rugomero rwa Rusumo Falls biteganyijwe ko ruzuzura rutwaye akayabo ka miliyoni 340 z’ amadorali y’ Amerika.

Aya madorali arimo ayo kwimura imiryango 100 ituye ahazagerwa n’ imirimo yo kubaka uru rugomero.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...