konka coffee
KONKA

AMAKURU

UKWEZI
ubumwe

Show me Around irizihiza Noheli itembereza Abanyarwanda muri Nyungwe n’Akagera

Show me Around irizihiza Noheli itembereza Abanyarwanda muri Nyungwe n’Akagera
18-12-2018 saa 10:15' | By Vincent Nsengiyumva | Yasomwe n'abantu 1088 | Ibitekerezo 1

Sosiyete itembereza ba mukerarugendo Show Me Around Rwanda Safaris igiye gufasha Abanyarwanda gutembera ibyiza bitatse u Rwanda biboneka muri Pariki ya Nyungwe ndetse no muy’Akagera muri iyi minsi mikuru isoza umwaka.

Uruzinduko rwa mbere ruzaba ku wa Gatandatu tariki 22 Ukuboza 2018,mu ishyamba rya Nyungwe ririmo amoko arenga 200 y’ibiti n’urwunge rw’ibiti by’indabyo, amoko agera kuri 300 y’inyoni nk’ikinyoni kinini cy’Ubururu bita Turaco n’izindi.

Abazajyayo kandi bazatembera ku kiraro cya metero 45 z’uburebure kiri mu bushorishori bwa Nyungwe, bazanabona inyamaswa zirimo inguge n’ibitera, icyayi cya Kitabi n’ibindi.

Uruzinduko rwa kabiri ruzaba ku wa 29 Ukuboza 2018 muri parike y’Akagera iri mu Burasirazuba bw’u Rwanda, aho abazatembererayo bazasura inyamaswa z’amoko anyuranye.

Umuyobozi wa Show me Around Rwanda, Bukuru Augustin yakanguriye cyane cyane ababyeyi kuzana abana bari mu biruhuko, babafasha gusobanukirwa neza ibtatse igihugu cyabo.

Ati “Iki gihe abana benshi baba bari mu biruhuko. Ni umwanya mwiza kuri bo wo gutembera no kumenya byinshi ku gihugu cyabo, kugira ngo ibyo biga mu ishuri babashe kubibona imbonankubone. N’abakuru ni uko, muze dusure pariki yacu ya Nyungwe tunezezwe no gutembera kuri cya kiraro cyatangaje abanyamahanga.”

Gusura imwe muri izi pariki buri muntu arasabwa kwishyura amafaranga 35000 Frw na 60 000 Frw ku bantu babiri baziye hawe (couple) ndetse n’ibihumbi makumyabiri na bitanu (25000frw) ku banyeshuri.

Ba mukerarugendo bo mu karere k’Afurika y’Iburasirazuba bazishyura amadolari 50 n’aho abanyamahanga bandi bishyure amadolari 140.

Muri ayo mafaranga harimo itike, uburenganzira bwo kwinjira muri pariki, ifunguro rya ku manywa, abakuyobora n’ibindi.

Bukuru yavuze ko undi mwihariko w’uru rugendo ari uko buri wese azahabwa umwanya wo kubaza ibibazo byose ku bijyanye n’ibyiza bitatse u Rwanda.

Ushaka kugura itike cyangwa gusobanuza yahamagara nimero 0781473047 cyangwa 0789933484.

Abazagira amahirwe yo gutemberezwa muri Nyungwe bazanatembera ku kiraro kiri mu bushorishori bw’iri shyamba

Nyungwe igizwe n’ibiti by’inganzamarumbo by’amoko atandukanye ndetse n’iinyamaswa zinyuranye


INKURU ZA :
Tanga Igitekerezo
Ibitekerezo 1
mazina Kuya 18-12-2018

Noheli iregereje,abantu bagiye kwishimisha kahave.NOHELI niwo munsi mukuru wizihizwa n’abantu benshi ku isi kurusha iyindi.Igitangaje nuko n’amadini atemera YESU nayo awizihiza cyane mu rwego rwo "kwishimisha": Aba Hindous,Abaslamu,aba Boudhists,aba Shintos,Animists,etc... Nubwo bimeze gutyo,NOHELI niwo munsi ubabaza Imana kurusha iyindi kubera ko aribwo abantu bakora ibyaha cyane kurusha indi minsi.Barasinda ku bwinshi cyane,barasambana kurusha indi minsi mu rwego rwo kwishimisha.Nubwo isi yose iwizihiza bavuga ko ariwo Munsi Yesu yavutse,ni ikinyoma.Ntabwo Yesu yavutse le 25 December.Nta muntu uzi itariki Yesu yavukiyeho.Ikibi kurushaho,nuko iyo tariki yari umunsi mukuru Abaroma bizihizagaho Ikigirwamana cyabo kitwaga MYTHRA.Imana itubuza kuvanga ibintu byayo n’ibyerekeye Ibigirwamana.Birayibabaza cyane.Niyo mpamvu abakristu nyakuri batizihiza Noheli.

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...