AMAKURU

UKWEZI

Ubukwe bwa Sweety na Gasongo bwahuruje imbaga,benshi babukurikiranira mu madirishya - Amafoto

Ubukwe bwa Sweety na Gasongo bwahuruje imbaga,benshi babukurikiranira mu madirishya - Amafoto
1-06-2018 saa 10:00' | By Vincent Nsengiyumva | Yasomwe n'abantu 11477 | Ibitekerezo

Ntirenganya Jean de Dieu uzwi ku izina rya Gasongo n’umukobwa yihebeye witwa Nibagwire Venelanda uzwi ku kazina ka Sweety bamamaye cyane mu mujyi wa Kigali kubera imiterere yabo, bamaze gusezerana imbere y’amategeko kuri uyu wa Kane tariki 31 Gicurasi 2018, ubukwe bwitabirwa n’imbaga y’abantu benshi babura aho bicara babukurikiranira mu madirishya.

Umuhango wo gusezeranya kwa Ntirenganya (Gasongo) na Nibagwire (Sweety) yihebeye wabereye mu murenge wa Nyamirama akarere ka Kayonza intara y’Iburasirazuba.

Mu minsi ishize nibwo hasohotse impapuro z’integuza y’ubukwe bwaba bombi, ariko abantu ntibabivugaho rumwe kuko abenshi babifataga nk’ibihuha biri gukwirakwizwa kubera ukuntu aba bombi ari bagufi bidasanzwe.

Gusa aba bombi baje kumvikana kuri Radio 10 bakura abantu mu rujijo maze biyemerera koko ko bari bugufi gusezerana kubana akaramata, ndetse banahamya ko urwo bakundana rutagira ikizinga.

Aba bombi bazwi nk’abantu bagufi cyane, bumvikana nk’abantu batebya cyane, dore ko ubwo baganiraga n’umunyamakuru w’iyi Radio bamubwiye ko bombi babanje kugerageza kureba ko babyara, maze biha akabyizi, ubu buri wese akaba afite umwana yagiye abyara ku wo babanje gukundana.

Nibagwire (Sweety) n’umukunzi we Ntirenganya (Gasongo), bamenyekanye cyane mu mafilimi bagiye bakinamo, ndetse uyu mukobwa we akaba azwi cyane n’abakunda kujya gutegera imodoka muri Gare ya Nyabugogo bagiye mu ngendo zitandukanye, kuko ariho asanzwe akorera akaze ke amazemo imyaka myinshi ko gushakira abagenzi amamodoka ajya mu ntara.

Nibagwire Venelanda avuka mu murenge wa Nyamirama muri Kayonza ari naho basezeraniye imbere y’amategeko naho umukunzi we Ntirenganya we avuka mu karere ka Nyamagabe mu Majyepfo aho bita mu Gasarenda.

Biteganyijwe ko ibirori byo gusaba no gukwa ndetse no gusezerana imbere y’Imana by’aba bombi bizaba tariki ya 30 Kamena 2018, aho bizeye ko bazakora ubukwe bw’igitangaza.

JPEG - 105.1 kb

Abantu benshi bakurikiraniye amasezerano y’aba bombi mu madirishya

JPEG - 102 kb

Sweety na Gasongo basezeranye kuzabana akaramata

JPEG - 83.5 kb

Aha Gasongo yarimo asinya mu gitabo cy’abamaze gusezerana imbere y’amategeko

Sweety nawe yasinyiye ko yemeye kubana na Gasongo nta gahato

JPEG - 45.8 kb

Uku niko Gasongo na Sweety bari bambaye


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
netlink
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...