konka coffee
KONKA

AMAKURU

UKWEZI

Umukecuru wamenyekanye nka ‘Nyirabasare wo kuri Base’ yitabye Imana

Umukecuru wamenyekanye nka ‘Nyirabasare wo kuri Base’ yitabye Imana
4-05-2018 saa 10:12' | By Vincent Nsengiyumva | Yasomwe n'abantu 5017 | Ibitekerezo 3

Umukecuru witwa Ayirwanda Monika wamenyekanye cyane nka ‘Nyirabasare wo kuri Base’ wari utuye mu Murenge wa Shyorongi mu Karere ka Rulindo yitabye Imana azize uburwayi.

Uyu mukecuru Ayirwanda Monika yamenyeka mu ndirimbo ya Orchestre Impala yitwa ‘Nyirabasare’ aho bamuririmbye bavuga ko yahetse umwana mu ngutiya kandi umugabo we ari umwarimu.

Urupfu rwa Nyirabasare rwamenyekanye ku mugoroba wo kuri uyu wa Kane tariki ya 3 Gicurasi 2018, bitangajwe n’ubuyobozi bw’umurenge wa Shyorongi dore ko aribwo bwakurikiranaga ubuzima bwe umunsi ku wundi kubera ko atari yishoboye.

Uyu mukecuru wari ugeze mu za bukuru, muri 2016 ubwo umunyamakuru wa Rayol TV yamusuraga yamuganiriye byinshi byerekeye ubuzima bwe, anashimangira ko ariwe koko Orchestre Impala yaririmbye mu ndirimbo yabo bise ‘Nyirabasare’.

Umukecuru Nyirabasare wavugaga ko atibuka igihe nyirizina yavukiye, ariko iyo yagenekerezaga wumvaga afite imyaka iri hejuru ya 90.

Umuyobozi w’umurenge wa Shyorongi Sebagabo Nkunzingoma Zazou,yatangaje ko nyakwigendera yitabye Imana azize uburwayi, dore ko yanaguye mu bitaro bya Kibagabaga aho yari amaze iminsi arwariye.

Ubuyobozi bw’uyu murenge wa Shyorongi buvuga ko buri gushaka uburyo bwo kumushyingura mu mpera z’iki cyumweru, dore ko nta wundi muntu wo mu muryango we n’umwe uzwi ukiriho.

Nyirabasare yitabye Imana azize uburwayi


INKURU ZA :
Tanga Igitekerezo
Ibitekerezo 3
Komando Kuya 6-05-2018

Imana imuhe iruhuko ridashira . Ese nta mwana yigeze abyara ?

Patience Adrienne Kuya 5-05-2018

Imana imwakire mubahire Nyirabasare.

kiki Kuya 4-05-2018

nubwo yarashaje apfanye agahinda ntanumuntu numwe wumuvandimwe we ugihar?!

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...