konka coffee
KONKA

AMAKURU

UKWEZI

Uwungirije Ingabire Victoire ku buyobozi bw’ishyaka rye yatorokanye n’undi mugororwa

Uwungirije Ingabire Victoire ku buyobozi bw’ishyaka rye yatorokanye n’undi mugororwa
8-10-2018 saa 13:40' | By Vincent Nsengiyumva | Yasomwe n'abantu 6853 | Ibitekerezo 4

Twagirimana Boniface wari umaze umwaka afunzwe akiburana, akurikiranyweho kurema umutwe w’abagizi ba nabi akaba yari yungirije Victoire Ingabire ku buyobozi bw’ishyaka FDU Inkingi ritaremererwa gukorera mu Rwanda yatorokanye na mugenzi we Murenzi Aimable wari umaze imyaka 11 muri gereza we wari warakatiwe burundu.

Aba bombi batorotse gereza ya Nyanza mu gicuku cyo kuri iki Cyumweru bimenyekana mu gitondo cyo kuri uyu wa Mbere nk’uko byemejwe na SSP Sengabo Hillary, Umuvugizi w’Urwego rw’amagereza mu Rwanda wabitangarije Ikinyamakuru Ukwezi.com.

Yagize ati " Nibyo koko Twagirimana Boniface yatorokanye na mugenzi we Murenzi Aimable wari umaze imyaka 11 muri gereza, we yari yarakatiwe gufungwa burundu batorotse gereza ya Nyanza mu ijoro ariko byamenyekanye muri iki gitondo."

Twagirimana we yari amaze igihe kigera ku mwaka afunzwe ariko ntiyari yagakatiwe n’inkiko ku cyaha cyo kurema umutwe w’abagizi ba nabi.

Twagirimana na bagenzi be 7 bareganwaga kuba mu mutwe witwaje intwaro ugamije kugirira nabi ubutegetsi batawe muri yombi mu ntangiriro za Nzeri 2017.

Kuva Perezida wa FDU Inkingi, Ingabire Victoire Umuhoza yafungurwa, nta munsi w’ubusa atavugaga ko asaba Perezida ko yarekura uyu Boniface Twagirimana hamwe n’abandi bayoboke b’iri shyaka bakurikiranyweho umugambi wo gushaka kurema umutwe witwaje intwaro urwanya Leta y’u Rwanda.


INKURU ZA :
Tanga Igitekerezo
Ibitekerezo 4
banange Kuya 9-10-2018

atorokahe ariko mwagiye mushishoza wamuvanye mageragere ageze inyanza aratoroka mwagiye mureka kubeshya kotutarinka ra

Claude niyongabo Kuya 8-10-2018

Uyu yishwe kabisa abanyarwanda tumaze kujijuka ntimukatubeshe nkabana

Claude niyongabo Kuya 8-10-2018

Uyu yishwe kabisa abanyarwanda tumaze kujijuka ntimukatubeshe nkabana

gakuba Kuya 8-10-2018

ibi bigaragaza ko gereza zacu zidacunzwe, bihagije niba abantu batoroka, bikazamenyekana aruko habaye ibarura, abazicunda, niba ntabushibozi hashyirwe a babishoboye ahantu hafungiye, abantu bakoze ibyaha bikomeye harindwa, na bantu basinzira, nkabali, mungo zabo gute! !biratangaje

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...