konka coffee
KONKA

AMAKURU

UKWEZI
ubumwe

Ababyeyi babyariye mu bitaro bya Kibagabaga batagira kivurira baratabaza abagira neza

Ababyeyi babyariye  mu bitaro bya Kibagabaga batagira kivurira baratabaza abagira neza
9-05-2019 saa 22:39' | By Muhizi Olivier | Yasomwe n'abantu 1351 | Ibitekerezo 1

Bamwe mu babyeyi babyariye mu bitaro bya Kibagabaga baratabaza abagira neza kuko hari n’abadafite ubwisungane mu kwivuza mituwel ndetse no kubona ifunguro n’ikibazo .

Kuri uyu wa 7 Gicurasi 2019 ababyeyi babyariye mu bitaro bya Kibagabaga badafite ubitaho basuwe n’itsinda ritegura Umunsi wera w’umucyo basangira amafunguro ndetse basezeranya abo babyeyi kubafasha mu kwivuza .

Abarwayi n’ababarwaza b’ishimiye iki gikorwa cyo gusangira ifunguro nabo

Hari ababyeyi abamaze igihe barabuze uko bava muri bitaro kubwo kubura ubwishyu ngo basezererwe, batahe ndetse hari n’abo abana babo badahabwa inking kubwo kubura ubwisungane umwe mubabyeyi waganiriye ni Ikinyamakuru Ukwezi kuri ibi bitaro yavuze ko ahamaze hafi ukwezi kurenga .

Yagize ati "Njyewe maze hano hafi ukwezi kurenga umugabo wange n’umukene ubundi nari nabyariye ku kindi kigo nderabuzima ariko banyohereza hano kuko umwana yavutse atujuje igihe bamushyira mu byuma amaramo igihe ,ariko nyuma bamukuramo ubu amaze ukwezi ntarukingo kuko twabuze ubwishyu ,nange mfungiye hano kuko ntabushobozi mfite bwo kwishyura amafaranga arenga ibihumbi 180 Frw"

Avuga ko umwana we amaze hafi ukwezi kurenga ntarukingo abonye kuko yabuze ubwishyu kandi nta nubwisungane mu kwivuza afite

Akomeza avuga ko umugabo we ari umukene kuburyo no kubona ingemu biugora ati "umugabo wange ni umukene no kubona ingemu biramugora hari igihe jya kubona nkabona azanye igitoki kirimo ubunyobwa gusa na mukaru nukuri ndamushima ntako aba atagize ,turasaba abagira neza kudufasha kuko nkubu mfite agahinda ko kuba umwana wange atabona urukingo yujuje ukwezi n’igice".

Undi Mubyeyi nawe yashimiye abateguye iki gikorwa ati "ubundi bamwe muri twe tuba duturuka ahantu kure kuburyo kubona abatugemurira bitugora ukongeraho n’ubukene buba busanzwe mu miryango yacu tukabaho duhangayitse kuri ibi bitaro ariko ikibazo gikomeye nukubura ubwishyu kuko hari n’abatabona imiti".

Bashimishijwe no kubona ifunguro kuko ubusanzwe kuribona bibagora cyane

Edouard Mubalaka uyobora itsinda ry’abategura umunsi wera w’umucyo avuga ko iki gikorwa cy’urukundo bagitegura bagamije kubwira abanyarwanda n’Isi iby’Imana y’i Rwanda . yagize ati” Kugira umutima w’urukundo ntako bisa, kuba twasuye abarwayi bo muri ibi bitaro ni , Imana y’I Rwanda dukunda kandi twemera ibiduheramo imigisha myinshi itagabanyije, iki gikorwa rero tugikora tugamije kwigisha abanyarwanda n’isi yose muri rusange urukundo rw’Imana y’I Rwanda idahwema kutugaragariza ndetse tugafasha n’ababaye ”

Mubalaka avuga ko ubushobozi bukiri buke ariko aho buzabonekera bazakomeza gufasha ababaye asaba abanyarwanda kugira umutima w’urukundo

Dr. Mutaganzwa uyobora ibitaro bya Kibagabaga , ashima cyane iki gikorwa ndetse akavuga ko gifite byinshi kivuze kandi gikemuye.

Ati” iki gikorwa turakishimiye cyane kandi gikemuye byinshi mu bibazo abarwayi bacu bahura nabyo.gusangira ifunguro nabo kuri bamwe batari banaherutse kuribona ni kimwe m’ubufasha babonye bubagarurira icyizere cy’ubuzima, ndetse no kuba hari bamwe bazafashwa kubona ubwisungane n’ikintu cyiza ariko natwe bikadufasha kuko bizagabanya umwenda abarwayi batagira ubwisungane baba batubereyemo ”.

Umuyobozi w’ibitaro bya Kibagabaga avuga ko yashimishijwe n’iki gikorwa kuko bifasha abarwayi

Abategura umunsi wera w’umucyo bavuga ko uzaba tariki ya 7 Nyakanga 2019 bashima imana y’I Rwanda .

Iki gikorwa abagize itsinda ritegura umunsi wera w’umucyo bagitegura buri mezi 3


INKURU ZA :
Tanga Igitekerezo
Ibitekerezo 1
Louise Kuya 11-05-2019

Ndumva harimo n’ ubugome pe. Njye nzi ko urukingo rutangirwa ubuntu mu Rwanda hose. Ubwo se niba batamukingira narwara bazamuvura? Ntabwo se bazi akamaro k’ urukingo?

English
IGURIRE
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...