konka coffee
KONKA

AMAKURU

UKWEZI

Abafite ubumuga basoje ibikorwa byo kwiyamamaza bizeza uburezi budaheza

Abafite ubumuga basoje ibikorwa byo kwiyamamaza bizeza uburezi budaheza
31-08-2018 saa 13:13' | By Jerome Munyentwari | Yasomwe n'abantu 1197 | Ibitekerezo

Kuri uyu wa Kane tariki 30 Kanama 2018 abakandida Depite bahatanira umwanya wo guhagararira abafite ubumuga mu Nteko ishinga Amategeko, biyamamarije mu Karere ka Rulindo, bashimangira ko nta mwana ufite ubumuga uzongera kugira ingorane mu myigire ye.

Abakandida depite 10 nibo biyamamaje bahatanira umwanya umwe ugomba kuba urimo uhagararariye abafite ubumuga . Aba bakandida uko ari 10 harimo abagabo barindwi n’abagore babiri.

Aba biyamamariza umwanya wo guhagararira abafite ubumuga mu Nteko, bagaragarije abagize inteko itora ko hari ikibazo mu burezi, aho abana bafite ubumuga babangamirwa n’ikibazo cy’imyigire yabo ngo kuko ahenshi usanga nta buryo buborohereza buhari.

Umuhuzabikorwa w’abafite ubumuga mu Murenge wa Mugunga ho mu karere ka Gakenke, Ndahayo Jean de Dieu, yatangaje ko ikibazo cy’uburezi bw’abafite ubumuga mu murenge ayobora giteye inkeke.

Yagize ati “Uburezi bw’abana bafite ubumuga iwacu i Mugunga ni ikibazo kuko nyuma ya Jenoside yakorewe Abatutsi mu Rwanda, nta muryango n’umwe utari uwa Leta wigeze uhakorera. Byatumye abafite ubumuga baba nk’abibagirana, abana bata ishuri bya hato na hato, n’abafite umwete wo kwiga usanga babura inyunganirangingo n’insimburangingo zibafasha kugera ku ishuri.”

Akomeza avuga ko afite abana 81 agenzura bafite ubumuga mu murenge wa Mugunga, kandi ngo hatanzwe igare 1 rishobora kugeza umwana 1 ku ishuri muri 80 bakeneye kwiga.

Rudakubana Paul ni umuturage ufite ubumuga wo mu karere ka Gasabo, avuga ko hari abantu bafite ubumuga badafashwa kubera kutamenyekana, cyane cyane abana batuye mu bice by’icyaro,

Yagize ati “Hari nk’abana baba baravukiye mu cyaro batavuga ntibanumve, ugasanga imiryango yabo itishoboye bikagira ingaruka ku myigire yabo. Abana bahura n’iki kibazo ni benshi kandi babaye bize bakigirira akamaro bakakagirira n’ihugu kuko n’aba biyamamaza bafite ubumuga, icyizere bifitiye bagikesha kuba barageze mu ishuli kandi bakagerageza gufashwa kwiga bakagera kure bumva hashoboka.”

Mu mihigo y’abari kwiyamamaza bose bagaruka cyane ku kwita ku burezi bw’abana bafite ubumuga, buri umwe akaba yizeza ko n’aramuka atowe azaca ihezwa rikigaragara kuri amwe mu mashuli .

Ndayisaba Salvador uri mu bari kwiyamamariza uyu mwanya yagize ati “ Kutiga biragatsindwa!Nimungirira icyizere mukantora nzakora ubuvigizi bufatika, Leta y’ u Rwanda yongere amashuli yagenewe abafite ubumuga, kandi no kuyageraho bikazaba byoroheye buri wese ufite ubumuga aho yaba ari hose.”

Nyandwi Fulgence we yavuze ko, kwiga kw’abafite ubumuga kukibagoye cyane, avuga ko nibamutora nawe azaharanira ko abafite ubumuga bubakirwa anashuri yabo yihariye aborohereza imyigire yabo kuva mu mashuri abanza kugeza muri Kaminuza.

Safari William ashinzwe uburezi mu muryango utari uwa Leta wita ku bafite ubumuga NUDOR, asanga hari ibintu 3 byatuma uburezi bw’abafite ubumuga bwihuta.

Yagize ati “Politiki na Porogaramu y’uburezi bigomba gushyirwa mu bikorwa ku buryo bufatika, amashuri akaba ahari kandi agerwaho ku buryo bworoshye, ndetse hakabaho abarimu bahagije bahuguriwe inyandiko z’abantu batabona (Braille) n’ururimu rw’amarenga. Ibi twifuza ko uzatorerwa guhagararira abafite ubumuga abishyira imbere ya byose.”

Safari asanga n’imyumvire y’ababyeyi bafite abana bafite ubumuga ikwiye guhinduka, bakumva ko umwana wese afite uburenganzira nk’ubwa mugenzi we ku burezi.

Emmanuel Ndayisaba, Umunyamabanga Nshingwabikorwa w’Inama y’Igihugu abafite ubumuga NCPD, nawe yasabye ko uzatorerwa kubahagararira mu Nteko, agomba kuzirikana ko urwego agezeho rwo kwiyamamariza kubahagararira, arukesha amashuri yize, bityo bimutere umwete wo gushyira imbaraga mu kwihutisha uburezi bw’abana bafite ubumuga.

NCPD itangaza ko mu ibarura yamaze gukora mu gihugu hose yasanze mu Rwanda hari abana bafite ubuumuga ibihumbi 40 batabasha kujya ku ishuri kubera imbogamizi zinyuranye bahura nazo mu buzima bwabo bwa buri munsi.

Amatora y’Umudepite uhagarariye abafite ubumuga mu Nteko ishinga Amategeko azaba ku Cyumweru tariki 2 Nzeri 2018, guhera saa 10h00 z’igitondo.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
  • uwayo https://umuseke.rw/amp/turarakaye-twabuze-epfo-na-ruguru-abagore-babwira-paapa.html

    ">nsubize#Igiraneza https://umuseke.rw/amp/turarakaye-twabuze-epfo-na-ruguru-abagore-babwira-paap
  • IZINDI NKURU WASOMA
    Loading...