AMAKURU

UKWEZI
ubumwe

Abakora ubucuruzi hagati y’ u Rwanda na Kongo bashonje bahishiwe

Abakora ubucuruzi hagati y’ u Rwanda na Kongo bashonje bahishiwe
27-05-2019 saa 11:54' | By Nsanzimana Ernest | Yasomwe n'abantu 2075 | Ibitekerezo 1

U Rwanda na Repubulika ya Demukarasi ya Kongo bari kumvikana k’ urutonde rw’ ibicuruzwa n’ ubwoko bwa bizinesi bizagabanyirizwa imisoro mu buhahirane bwambukiranya imipaka y’ ibihugu byombi.

Byaganiriweho mu biganiro byo ku wa Gatandatu w’ icyumweru gishize, byahuje Minisitiri w’ Ubucuruzi w’ u Rwanda Madamu Soraya Hakuziyaremye na Minisitiri wa Kongo ushinzwe ubucuruzi bwo hanze y’ igihugu Memas.

Kimwe mu byo ibi biganiro byari bigamije ni ukuganira ku ishyirwabikorwa amasezarno ibihugu byombi byasinyanye muri 2016 agamije koroshya ubucuruzi.

Minisitiri Lambert Matuku Memas yavuze ko ubucuruzi hagati y’ ibi bihugu bubangamiwe n’ ikibazo cy’ abaforoderi. Memas asaba ko hashyirwaho ingamba zikomeye zo kurwanya icyo kibazo nk’ uko byatangajwe na The New Times.

Muri 2007 nibwo hashyizweho gahunda yo koroshya ubucuruzi hagati y’ ibihugu byo mu muryango w’ ubucuruzi uhuza by’ Afurika y’ Iburasirazuba n’ iya Amajyepfo (COMESA).

Ku bihugu binyamuryango, bya COMESA ibicuruzwa biva mu gihugu bijya mu kindi ntibigomba kurenza umusoro wa $1,000( Rwf800,000) naho ku binyamuryango bya EAC, ntibigomba kurenza $2,000 (miliyoni 1.8 rwf).

Ibicuruzwa biva muri Repubulika ya Demukarasi ya Kongo bisoreshwa amadorali ibihumbi 2000, ikifuzo ni uko yagabunuka akaba amadorali 500.

Abashinzwe ubucuruzi ku mpande zombi bifuza ko iryo gabanywa ry’ umusoro ryahera ku musaruro w’ ubuhinzi.

Minisitiri Hakuziyaremye ati “Hari ubusabe bw’ uko abacuruzi batazajya basoreshwa abarenze amadorali 500. Nibyo RDC yasabye COMESA tuzabiganiraho”.

Itangazo ryashyizwe ahagaragara nyuma y’ ibi biganiro byahuje ba Minisitiri ku mpande zombi rivuga ko nyuma y’ amezi 6 u Rwanda narwo ruzagabanya imisoro kuri bicuruza biva muri Kongo.

Minisitiri Memas avuga ko ibihugu byombi nibimara kwemereranya ku bwoko bw’ ibicuruzwa bizagabanyurizwa imisoro, bizagabanya abacuruzi ba magendu.

U Rwanda na Kongo bishyize imbaraga mu mikoranire y’ ubucuruzi cyane aho haziyemo agatotsi mu mubano w’ u Rwanda na Uganda.


INKURU ZA :
Tanga Igitekerezo
Ibitekerezo 1
DUNIA MUTUNZI omar Kuya 28-05-2019

Donnez vos informations en français et en swahili s’il vous plaît

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...