AMAKURU

UKWEZI
ubumwe

Abakozi 2 mu rwego rw’ ubuzima batawe muri yombi bakurikiranyweho ibyaha bitandukanye

Abakozi 2 mu rwego rw’ ubuzima batawe muri yombi bakurikiranyweho ibyaha bitandukanye
25-07-2019 saa 17:41' | By Nsanzimana Ernest | Yasomwe n'abantu 5088 | Ibitekerezo 3

Urwego rw’ Umuvunyi rwatangaje ko rwafunze abakozi babiri bakora mu bigo bitandukanye bakurikiranyweho ibyaha bifitanye isano na ruswa.

Ni Bigirimana Jean Damascene alias Ngamba , umwanditsi wungirije mu Rugaga rw’ abanyamwuga rushamikiye ku bavuzi mu Rwanda, Rwanda Allied Health Professionals council (RAHPC) na Bayavuge Esperence, umukozi wo muri Laboiratoire mu kigo nderabuzima cya Janja mu karere ka Gakenke.

Bigirimana ukora mu bitaro bya Kaduha mu Ntara y’ Amajyepfo akurikiranyweho ibyaha birimo gufata icyemezo gishingiye ku itonesha, ubushuti , urwango, ikimenyane cyangwa icyenewabo ndetse n’ icyaha cyo gusaba cyangwa kwakira indonke kugira ngo hakorwe ibinyuranye n’ amategeko cyangwa ntihakorwe ibyagombye gukorwa.

Bayavuge akurikiranyweho icyaha cyo gutanga impano kugira ngo hakorwe ibinyuranye n’ amategeko.

Icyaha Bigirimana akurikiranyweho ugihamijwe ahanishwa igifungo kitari munsi y’ imyaka 5 ariko kitarenze imyaka 7 n’ ihazabu y’ amafaranga y’ u Rwanda yikubye inshuro kuva kuri 3 kugera kuri 5 ku gaciro k’ indonke yatse cyangwa yakiriye.

Naho icyaha Bayavuge akurikiranyweho nacyo ugihamijwe ahanishwa igifungo kitari munsi y’ imyaka 5 ariko kitarenze imyaka 7 n’ ihazabu y’ amafaranga y’ u Rwanda yikubye inshuro kuva kuri 3 kugera kuri 5 ku gaciro k’ indonke.


INKURU ZA :
Tanga Igitekerezo
Ibitekerezo 3
nkunsi Kuya 7-08-2019

ahubwo abasinzi baba benshi pe kdi se ko ntawavuze kuri Fanta

-xxxx- Kuya 27-07-2019

Abafata ruswa nkizo nibenshi music minisante baze nakayonza barahari

Nshizirungu Kuya 25-07-2019

Mumuhane

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...