konka coffee
KONKA

AMAKURU

UKWEZI
Minijust

Abamotari bagiye guhabwa ikarita y’ ikoranabuhanga ibaranga

Abamotari bagiye guhabwa ikarita y’ ikoranabuhanga ibaranga
28-12-2018 saa 10:02' | By Nsanzimana Ernest | Yasomwe n'abantu 858 | Ibitekerezo

Ikigo cy’ igihugu ngenzuramikorere RURA n’ ihuriro ry’ amakoperative y’ Abamotari mu Rwanda batangaje ko abamotari bagiye guhabwa ikarita ibaranga y’ ikoranabuhanga mu rwego rwo guca akajagari muri uyu mwuga.

Akajagari kavugwa muri uyu mwuga gashingiye kukuba hari abakora uyu mwuga batazwi. Ni mu gihe kandi abamotari bashinja amakoperative yabo gukorera mu kajagari no kunyereza imisanzu baba batanze.

Umwe mu bamotari yavuze ko bitumwikana ukuntu kugeza ubu impuzamakoperative y’ abamotari FERWACOTAMO itarubaka inzu y’ ikicaro ikoreramo kandi abamotari badasiba gusabwa imisanzu.

Tony Kulamba ushinzwe ubwikorezi muri RURA yavuze ko abamotari nibamara guhabwa aya makarita bizafasha mugukurikirana abanyereza amafaranga y’ abamotari.

Yagize ati “(Abamotari) bavuga ko amafaranga yabo anyerezwa, byagoranaga kumenya ngo amafaranga yanyerejwe ni angahe utazi ngo yavuye mu banyamurwanyo bangahe. Ubwo bagiye kumenyekana, n’ amafaranga yabo azamenyekana bityo uwaba yayanyereza abibazwe n’ inzego.”

Perezida wa FERWACOTAMO, Daniel Ngarambe nawe ashimangira ko kuba abamotari bagiye guhabwa amakarita bizaca akajagari muri uyu mwuga.

Ati “Wasangaga bamwe batwara nta assurance ugasanga umuntu arapfuye abuze aho abarizwa, biraza kuduha gukora umwuga wacu neza”

Abamotari bo mu Rwanda bagera ku bihumbi 45 bakaba babarizwa mu makoperative arenga 200, gusa abamaze kwibaruzwa ngo bahabwe ikarita ibaranga ni ibihumbi 25.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...