konka coffee
KONKA

AMAKURU

UKWEZI

Abanyarwanda baburiwe ku mvura idasanzwe ishobora kugwa igahitana byinshi

Abanyarwanda baburiwe ku mvura idasanzwe ishobora kugwa igahitana byinshi
9-10-2018 saa 14:16' | By Vincent Nsengiyumva | Yasomwe n'abantu 2300 | Ibitekerezo 3

Ikigo cy’Igihugu gishinzwe iteganyagihe “Meteo Rwanda” cyaburiye Abanyarwanda ko hari ibimenyetso bigaragaza ko mu gihugu hashobora kugwa imvura idasanzwe kuva tariki 9 kugeza 13 uku kwezi.

Ikigo cy’Igihugu cy’Iteganyagihe cyatangaje ko muri iyi minsi hazagwa imvura nyinshi iri ku kigero cya milimetero hagati ya 20 na 30 ku munsi, kandi irimo n’umuyaga.

Iyi mvura ishobora kuzaba ikaze cyane ikigo cy’Igihugu cy’ iteganyagihe kigaragaza ko ishobora guteza imyuzure ikanangiza ibintu byinshi.

Uturere iki kigo kivuga ko dushobora kwibasirwa n’iyo mvura ni Musanze, Gicumbi, Burera, Nyabihu, Rubavu, Nyamasheke, Nyamagabe na Nyaruguru.

Mu mezi ane gusa kuva muri Mutarama 2018, leta yakoresheje amafaranga arenga miliyoni 340 mu kugoboka abahuye n’ingaruka z’ibiza. Mu mezi atanu ya mbere y’uyu mwaka kandi byahitanye abantu bagera kuri 215.


INKURU ZA :
Tanga Igitekerezo
Ibitekerezo 3
Mbarushimana theogene Kuya 15-10-2018

Icyokigo kirabeshya namunsinumwe bavugangobihure baratubeshya

Sinzi Kuya 11-10-2018

Methro Rwanda mbona ifite ikibazo kihariye. Baratubeshhye mu gihe cyashize tugira igihombo kidasanzwe. Ntabwo nabizera rwose. Ntabwo numva ukuntu mu 30 yaranze ukwezi kwa mbere 2018, babuzemo n’uminsi n’umwe bahuza n’ukuri. Twarababaye.

Erc Kuya 9-10-2018

Meteo baratubeshya ntakuri kwabo bari bavuze ngo imvura uzarumbuka none ibigori nibishyimbo byumye kubera izuba

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...