AMAKURU

UKWEZI

Abanyenshuri b’Abanyarwanda biga ikoranabuhanga bagiye gukorera amahugurwa mu Bushinwa

Abanyenshuri b’Abanyarwanda biga ikoranabuhanga bagiye gukorera amahugurwa mu Bushinwa
20-10-2018 saa 14:35' | By Muhizi Olivier | Yasomwe n'abantu 619 | Ibitekerezo

Abanyeshuri 8 b’Abanyarwanda batoranyijwe mu bitabiriye irushanwa rya “Seeds for the Future” rigamije guhishura abanyempano mu guhanga udushya mu ikoranabuhanga bagiye kumara iminsi mu Bushinwa mu mahugurwa yateguwe na Huawei.

Kuwa 18 Ukwakira, nibwo habaye umuhango rusange wari wateguwe na Huawei wo gusoza aya marushanwa , aba banyeshuri batoranyijwe binyuza mu irushanwa ryateguwe na Sosiyete ya Huawei yo mu Bushinwa, igamije kugaragaza abahanze ikoranabuhanga ritanga ibisubizo ku bibazo bya sosiyete.

Abatoranyijwe bavuye mu irushanwa ryahuje abanyeshuri 52 bo muri Kaminuza y’u Rwanda; iy’Ubukerarugendo, Ikoranabuhanga n’Ubucuruzi (UTB); INES Ruhengeri na Kaminuza yigenga ya Kigali (ULK).

Abo banyeshuri bazerekeza mu gihugu cy’Ubushinwa ku cyicaro cy’ishuri ry’ikoranabuhanga kiri Huawei- Shenzhen, mu Bushinwa, bazahamara ibyumweru bibiri, bihugura ubumenyingiro bwimbitse buheruka ubundi mu ikorabuhanga no kumenya gukemura ibibazo rishobora guteza bwitwa « TIC ».

Abariteguye batangaza ko rizatangirwamo ubumenyi mu ikoranabuhanga ryateye imbere nka 5G LTE, gukoresha mudasobwa mu buryo bwisumbuye n’amahirwe yo gukorera muri laboratwari zigezweho za Huawei.

Abanyeshuri bazitabira aya marushanwa mu Bushinwa ku kigo cya Hauwei

Umuyobozi wa Huawei mu Rwanda, Jack Xiong, yavuze ko iyi gahunda yo kohereza abanyeshuri mu mahugurwa igamije kubongerera ubumenyi no kubafasha kumenya impano bafite mu by’ikoranabuhanga.

Yagize ati “Biturutse kuri iyi porogaramu , tuzagerageza kuborohereza kubagezaho ubumenyi, kandi bifashe abize ikoranabuhanga gushobora kuzamura ubumenyi bwo kwivumburira impamo bifitemo mu by’ikoranabuhanga.‘’

Abdallah Baguma, wari uhagarariye Minisitiri y’Uburezi, yashimiye abo banyeshuri bahize abandi ku bw’umuhate bagize abasaba kuzabyaza umusaruro amahirwe bahawe.

Nshogoza René Christian wiga muri UTB uri mu batoranyijwe bazajya guhugurirwa mu Bushinwa yashimangiye ko amahirwe yahawe azamufasha guhindura imyumvire mu ishoramari n’ikoranabuhanga.

Yagize ati “Kujya mu Bushinwa bizahindura imyumvire yanjye mu ishoramari n’ikoranabuhanga. Bizamfasha no kubyaza igitekerezo cyanjye umushinga wagirira Abanyarwanda benshi akamaro.”

Gahunda ya “Seeds for the Future” ikorera mu bihugu 96 ku Isi, ihuza abanyeshuri basaga 30,000.

U Rwanda rwasinyanye amasezerano y’imikoranire na Huawei agamije kwihutisha ikoranabuhanga ku wa 16 Werurwe 2017, nyuma y’ibiganiro Perezida Kagame yagiranye n’Umuyobozi wayo Sun Yafang.

Ni amasezerano agena ko iki kigo kizafasha u Rwanda kuzamura abanyempano mu ikoranabuhanga, kubaka ububiko bw’amakuru ari kuri Internet (Data Center), umuyoboro wagutse wa internet, ikoranabuhanga rituma abafite umuriro w’amashanyarazi boroherwa no kubona internet (Smart Grid) n’uguze umuriro wo gukoresha ugashobora guhita wijyana muri mubazi ku bw’iyo internet.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...