konka coffee
KONKA

AMAKURU

UKWEZI

Abanyeshuri b’Abanyarwanda bari guhugurirwa mu Bushinwa baravuga imyato ubumenyi bahakuye

Abanyeshuri b’Abanyarwanda bari guhugurirwa  mu Bushinwa baravuga imyato ubumenyi bahakuye
7-11-2018 saa 11:54' | By Muhizi Olivier | Yasomwe n'abantu 1181 | Ibitekerezo 1

Abanyeshuri 8 b’Abanyarwanda biga ikoranabuhanga bari mu rugendoshuri mu Bushinwa bishimiye amahirwe bahawe yo kwiga umuco w’Abashinwa n’ururimi rwabo banashishikariza abandi Banyarwanda kumenya uru rurimi kuko ari ingenzi mu bucuruzi .

Aba banyeshuri 8 batoranyijwe mu banyeshuri 52 bo muri Kaminuza zitandukanye zo mu Rwanda biga ibijyanye n’ikoranabuhanga.

Bahagurutse mu Rwanda ku wa 18 Ukwakira 2018 bagiye gukarishya ubumenyi bwabo mu ikoranabuhanga mu Bushinwa, bajyanywe n’ikigo cy’ikoranabuhanga HUAWEI muri gahunda yayo yise “Seeds for the Future program’’.

Si urugendoshuri mu ikoranabuhanga gusa aba banyeshuri bakoze kuko banahawe amahirwe yo kwiga ururimi rw’Igishinwa n’umuco wabo binyuze muri Kaminuza y’umuco ya Beijing.

Ayinyeretse Peace avuga ko yishimiye amahirwe yahawe na Huawei yo kwiga ururimi rw’Igishinwa ashimangira ko bizamufasha guhigika benshi ku isoko ry’umurimo.

Yagize ati “Dukeneye kwiga Igishinwa kuko Ubushinwa ari igihugu gikize cyane, kugira ngo tubone kuri ubwo bukire bw’Ubushinwa. Dukeneye ururimi rwabo nk’ikiraro kiduhuza n’Abashinwa ndetse nzakomeza kurwiga n’igihe nzaba ngarutse mu Rwanda.”

Nshogoza Rene Christian nawe wiga muri kaminuza y’ubucuruzi n’ubukerarugendo yashimishijwe no kumenya urundi rurimi mpuzamahanga rwiyongera zindi zikoreshwa mu Rwanda anashishikariza abandi kwihatira kumenya izindi ndimi.

Umwarimu muri Kaminuza ya Beijing Culture yashimye cyane imyitwarire y’Abanyarwanda avuga ko bagaragaza ubushake bwo kumenya urundi rurimi rwiyongera kuzo basanzwe bazi ndetse ko n’uburyo yababonye bazakomeza kwiga Igishinwa nubwo bazaba batari mu Bushinwa.

Aba banyeshuri uko ari 8 bagize n’amahirwe yo gusura ibikorwa bikomeye byaranze amateka y’Ubushinwa nk’urukuta rukomeye rwubtswe mu myaka 2000 ishize (Great Wall in Beijing) rukaba rusurwa n’abakerarugendo barenga 80.000 buri munsi. Nyuma yo gusura ibikorwa bitandukanye no kwiga ururimi aba banyeshuri kuwa gatanu w’iki cyumweru tariki 9 Ugushyingo 2018 barajya mu Mujyi wa Shenzen aho bagiye gukarishya ubwenge mu mirimongiro y’ikoranabuhanga ijyanye na internet ya 5G no gufata andi masomo ahambaye ya mudasobwa.

Aba banyeshuri babanje kwiga Igishinwa ndetse banatemberezwa ibice bitandukanye by’Ubushinwa

Lina Cao ushinzwe itumanaho muri HUAWEI mu Rwanda wahereke je aba banyeshuri yabasabye kudapfusha ubusa amahirwe babonye yo kujya kwihugura ibijyanye n’ikoranabuhanga mu Bushinwa kuko ubumenyi bazahakura buzabafasha bukanafasha abo basize mu makaminuza bigamo.

Aba banyeshuri baturuka muri Kaminuza zitandukanye zo mu Rwanda biga ikoranabuhanga


INKURU ZA :
Tanga Igitekerezo
Ibitekerezo 1
Mazina Kuya 7-11-2018

KWIGA ni ibintu byiza cyane.Nifuza ko abantu bose biga,bagakunda gusoma kugirango "bakarishye" ubwenge.KUJIJUKA,niyo wakena,ni ibintu bya ngombwa mu buzima.Uretse ko KWIGA no Gusoma akenshi bikiza abantu benshi cyane.Ariko nk’umukristu,ndibutsa abantu ko Imana idusaba no "Kwiga neza Bible" kugirango tumenye icyo imana idusaba.Tumenye kandi ko Imana yashyizeho Umunsi w’Imperuka nkuko tubisoma muli Ibyakozwe 17:31.Imana ivuga ko abantu baheranwa n’ibyisi gusa batazabona ubuzima bw’iteka nkuko 1 Yohana 2:15-17 havuga.Bisobanura ko iyo bapfuye biba birangiye.Ariko abantu bashaka imana bashyizeho umwete,izabazura ku Munsi w’Imperuka,ibahe ubuzima bw’iteka muli Paradizo.Ni Yesu ubwe wabivuze muli Yohana 6:40.Twige,dukore,ariko dushake cyane n’imana,niba dushaka ubuzima bw’iteka.Ntacyo bimaze KWIGA,hanyuma ntiwite ku bintu byerekeye imana,kuko ejo urapfa ukabisiga kandi ntuzazuke.
Ni ukutagire ubwenge bwuzuye (wisdom).Jyewe ubandikira,nanjye narize cyane.Ariko mfatanya akazi gasanzwe no kujya mu nzira nkabwiriza abantu ubwami bw’imana kandi ku buntu kuko Yesu yatubujije gukorera imana dusaba amafaranga (Matayo 10:8).
N’abigihswa be niko babigenzaga.Nta Cyacumi basabaga Bafatanyaga kubwiriza no gukora akazi gasanzwe.(Ibyakozwe 20:33).

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...