AMAKURU

UKWEZI
ubumwe

Abaregwa kuba muri RNC bisubiyeho banga kuburana batunganiwe mu mategeko

Abaregwa kuba muri RNC bisubiyeho banga kuburana batunganiwe mu mategeko
3-10-2019 saa 14:42' | By Nsanzimana Ernest | Yasomwe n'abantu 2302 | Ibitekerezo

Urukiko rwa gisirikare rwasubitse urubanza rw’ abantu 25 bakekwaho kuba mu ngabo z’ ishyaka RNC ritavugarumwe n’ ubutegetsi bw’ u Rwanda.

Ni nyuma y’ uko abaregwa babwiye urukiko ko batakomeza kuburana ku ifungwa n’ ifungura ry’ agateganyo badafite ababunganira mu mategeko.

Ku munsi wa mbere w’ iburanisha ejo ku kwa Gatatu abaregwa bari bavuze ko biteguye kuburana batunganiwe n’ abanyamategeko ariko kuri uyu wa Kane bageze mu rukiko barabihindura.

Kuri uyu wa 3 Ukwakira 2019 abaregwa nibo bagombaga guhabwa ijambo ngo bisobanure ku byaha ubushinjacyaha bubakurikiranyeho.

Abaregwa bafite hagati y’ imyaka 18 na 50. Rtd Major Mudasiru Habib ari nawe mukuru urimo yabwiye inteko iburanisha ihagarariwe na Lt.Col Charles Madudu, ko icyumweru urubanza rusubitswemo ari gike akurikije ibyaha aregwa.

Ubushinjacyaha bwavuze ko kugira abunganizi ari uburenganzira bw’ abaregwa, rusaba ko abakeneye abunganizi babashaka vuba abatabashaka bakaziburanira ubwabo kugira ngo bitazatinza urubanza.

Abaregwa bakurikiranyweho ibyaha bine birimo kwinjira mu mutwe w’ingabo utemewe, kugirira nabi ubutegetsi buriho, kurema umutwe w’abagizi ba nabi no kugirana umubano n’ibindi bihugu hagamijwe gushoza intambara.

Itegeko rigenga imiburanishirize y’imanza z’inshinjabyaha riteganya ko umuntu wishoboye yishakira umwunganizi mu mategeko akanamwiyishyurira, ariko uwo bigaragaye ko afite ubushobozi buke akabisaba yandikira urugaga rw’abavoka.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...