AMAKURU

UKWEZI

Abarezwe na JOC barayivuga imyato ngo yabagejeje ku nzozi zabo

Abarezwe na JOC barayivuga imyato ngo yabagejeje ku nzozi zabo
26-11-2018 saa 20:11' | By Vincent Nsengiyumva | Yasomwe n'abantu 1266 | Ibitekerezo

Urubyiruko rwibumbiye mu muryango wa JOC (Jeunesse Ouvrière Chrétienne ) bavuga ko bishimirra intabwe bamaze kugeraho babikesha uyu muryango, bagashimangira ko hari bamwe muri bob amaze kugera ku rwego rwa ba rwiyemezamirimo.

Ibi byagarutsweho n’urubyiruko runyuranye rwafashijwe na JOC, ubwo bizihizaga isabukuru y’imyaka 60 uyu muryango ushinzwe.

Umuryango JOC ufasha urubyiruko mu bikorwa bitandukanye nko kwishyurira urubyiruko kwiga imyuga itandukanye, bamara gusoza amasomo yabo bagahabwa ibikoresho by’ibanze bakabumbirwa mu makoperative nabo bakabasha kwiteza imbere.

Ubwo bizihizaga isabukuru y’imyaka 60, urubyiruko rwagaragaje ibikorwa byarwo bigaragaza intabwe bamaze kugeraho mu ruhando rwo kwihangira umurimo.

Bamwe mu bafashijwe na JOC baganiriye na Ukwezi bagaragaje ko hari byinshi bamaze kugeraho binabaha icyizere cy’ubuzima bw’ejo hazaza.

Harerimana Vincent ukora umwuga w’ububaji muri Koperative ya KOMEJOGA, avuga ko yahereye ku bumenyi buke yari afite JOC ikomeza kumuba hafi kugeza ubwo nawe abaye inararibonye muri uyu mwuga.

Yagize ati “JOC niyo mubyeyi wacu, kuko yaratureze. Yatureze mu buzima bwo kumenya Imana, mu myitwarire no gukunda umurimo. Niwo muryango twakuriyemo iduha ubumenyi butandukanye tuzicumba kugeza no mu masaziro yacu. Natangiranye ubumenyi bucye muri uyu mwuga w’ububaji ariko ubu ntacyo wambeshya.”

Nzayisenga Frederic ukora umwuga w’ububaji, avuga ko nawe yafashijwe n’uyu muryango umurihira amashuri, unamushakira akazi, ubu akaba akorera muri koperative y’ababaji yitwa KOMEJOGA yavutse ku banyamuryango ba JOC.

Yagize ati “ Uretse kuba muri JOC ushobora kuhakorera ukitunga, baranakwigisha. Ifasha urubyiruko kwiga rukabona impamyabushobozi, abashaka bakajya ahandi kwaka akazi, abandi bagashakirwa akazi bakajya mu makoperative.”

Umuyobozi wa Koperative KOMEJOGA ibumbiye hamwe ababaji bavutse mu banyamuryango ba JOC , Juvenal Manirarora, avuga ko abarezwe n’uyu muryango bageze kuri byinshi kubera indangagaciro bigishwa yo gukunda umurimo.

Mukankubana Sandrine uyobora JOC ishamami ry’abakobwa avuga bafasha urubyiruko kwiga imyuga itandukanye no kurushakira imirimo, mu rwego rwo kugabanya ubushomeri.

Uyu muryango wa Gatolika w’urubyiruko rw’abakozi washinzwe na Joseph Cardin, ufasha urubyiruko kwiga imyuga inyuranye; nk’ububaji, ubudozi, ubwogoshi, gutunganya imisatsi, amashanyarazi, mechanic n’ibindi.

ababaji bavutse mu banyamuryango ba JOC bashimira uyu muryango waku byo wabagejejeho

Bashimangira ko bakabije inzozi zabo babifashijwemo na JOC

Ni ababaji bibumbiye muri Koperative ya KOMEJOGA ikorera mu Gakiriro ka Nyarugenge


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...