konka coffee
KONKA

AMAKURU

UKWEZI

Abasaga 1500 bahamijwe ibyaha n’inkiko Gacaca barakidegembya

Abasaga 1500 bahamijwe ibyaha n’inkiko  Gacaca barakidegembya
16-10-2018 saa 11:57' | By Vincent Nsengiyumva | Yasomwe n'abantu 1686 | Ibitekerezo

Perezida wa Komisiyo yo kurwanya Jenoside (CNLG), Dr Emmanuel Havugimana yabwiye abadepite ko bagihangayikishijwe n’abagera ku 1,538 bakidegembya mu gihe bahamijwe ibyaha bya Jenocide n’inkiko Gacaca.

Kuri uyu wa Mbere nibwo CNLG yagezaga ku Nteko Ishinga amategeko, raporo yayo y’ibikorwa byayo mu mwaka wa 2017/2018 na gahunda y’ibikorwa ya 2018/2019.

Imyaka 6 irashize, imirimo y’inkiko Gacaca irangiye aho yaciriye imanza abagera kuri Miliyoni n’ibihumbi Magana abiri zirebana n’ibyaha bya Jenocide yakorewe Abatutsi mu 1994, ariko hakaba hari abakatiwe batarafatwa kugeza magingo aya.

CNLG yagaragaje ko bamwe mu bakatiwe n’inkiko Gacaca bakidegembya, harimo abari imbere mu gihugu bagiye bimukira mu tundi turere bagahindura imyirondoro yabo, abandi bakaba barahungiye mu bihugu byo hanze.

Ubwo yagezaga iyi raporo ku Nteko Ishinga Amategeko, Perezida wa CNLG , Dr Emmanuel Havugimana yavuze ko hamaze gukorwa urutonde rw’abatorotse bose nyuma y’uko Inkiko Gacaca zibahamije ibyaha, agaragaza ko bari gukorana n’inzego zitandukanye mu turere mu rwego rwo kubashakisha bagafatwa bagakora igihano bakatiwe.

Yagize ati “Bari mu byiciro binyuranye.Icyiciro cya mbere kigizwe n’abantu 167 bazwi neza aho batuye, icyiciro cya Kabiri kigizwe n’abantu 1,072 bimukiye mu tundi turere imbere mu gihugu, icya Gatatu ni icy’abantu 95 batazwi neza aho baba ndetse n’icyiciro cy’abantu 204 bahungiye mu hanze y’igihugu.”

Dr Havugimina akomeza avuga ko CNLG ikiri kwegeranya dosiye z’aba batorotse ubutabera, gusa ngo dosiye z’abagera kuri 358 zikaba zaroherejwe mu nkiko kugira ngo bakurikiranwe.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...